我的組合: 終極品聽 經典試聽大計!

ghhf

今日收到一對古董TUNG-SOL配對6GL7功率膽, 準備配GEC/ MARCONI試聽, 亦會試全套TUNG-SOL膽既效果  .....

1. MARCONI整流膽再配上TUNG-SOL, WOO!!! 實在太好了! 接連再有重大驚喜進展!  ...... 比官方Sylvania功率膽更有動量, 密度, 淨度, 深度都再得到提升!

小弟真係估唔到"隆隆, 達達達, 隆隆 .....", 係HD800上同樣可以有咁重咁深咁有彈性既震撼場感 ..... HD800表現雖然仲有些少哨聲, 但而家基本上同D7100係同一個發揮出水平, 而且小弟覺得HD800比D7100更均衡 .....    

MARCONI配上TUNG-SOL, 好明顯又唔係D7100既最好組合, D7100聽落人聲走得太遠唔夠踏實 .....    

2. TUNG-SOL整流膽配番TUNG-SOL功率膽全套既效果, 無咗MARCONI果種亮麗熱情, 但係感覺非常清新游閒舒服, 亦係一個難得組合.

3. GEC整流膽配番TUNG-SOL功率膽既效果, 同樣少咗MARCONI一份亮麗熱情, 但係增強咗GEC動量力場, 內斂柔勁再次係HD800展示出來, 小弟覺得GEC/ MARCONI/ TUNG-SOL整流膽配上TUNG-SOL功率膽效果真係各有千秋, 都係難得組合, 難分高下, 只係不同品味的展現!

ghhf

搞咗幾個星期成屋散亂, 今日放假先決心執好集中個專櫃放WA6 SE同膽管 ..... ..... 重新移位接線時發現一個WA6 SE有趣現像, WA6 SE機背有兩組RCA輸入, 可用開關選擇輸入組別, 小弟發現係靠機身外側一邊RCA輸入, 比內則輸入出聲好, 雖然不算好明顯, 但動態場感較強, 人聲表現亦更有磁性 ..... 係本身設計還是位置差別的影響?!

ghhf

由於新入的TUNG-SOL功率膽配對GEC(動量柔勁)/ MARCONI(亮麗熱情)同TUNG-SOL(寫意游閒)整流膽效果都非常好, 只係不同格調. 小弟決定, 以GEC/ MARCONI/ TUNG-SOL三重交叉輪流推煲HD800, 希望HD800係各種不同特色推力下, 達到最全面效果 ..... 小弟真係好高興, 因為巳經知道HD800推煲成功在望, 而且結果一定會係不同凡響 .....

ghhf

小弟唔係齋玩名牌NOS, 今曰小弟就收到4隻不知名5U4G整流膽, 全部係UOS ..... 有一隻中間支柱仲已經斷咗, 勝在夠平, 不過功能仍然正常 ..... 小弟玩膽巳進入另一個新階段, 建立咗自己一套系統, 試聽完就會根據音質效果同品相, 做好分級評價, 係膽座上分別貼上"金", "銀"同"橙"色標貼, 各位C兄咁醒目, 一睇就知代表什麼意思.

今次試聽4隻5U4G整流膽, 結果有1金(效果媲美GEC/MARCONI/TUNG-SOL最高級別), 2銀同1橙 .....

ghhf

小弟今日收到哂之前入咗既珍藏級靚聲5U4G整流膽, 剛剛好一打, 一次過show off哂出來, 分別有OSRAM, GEC同MARCONI各4隻 ..... 其中有4隻膽有埋BBC label, 標示年份係1951-1957年, 真係珍品中珍品 .....


小弟跟住會試聽OSRAM膽, 應該唔輸比GEC同MARCONI ....


試聽短評: OSRAM黑座膽出聲最接近GEC, 一樣咁重張力彈動; OSRAM啡座膽出聲無GEC咁重張力, 不過人聲磁性場感更勝一籌, 又唔會好似MARCONI啡座咁亮麗搶聲! MARCONI黑座膽與OSRAM啡座膽一樣均衡開揚, 人聲還原能力更強更真實!

黑翼菜鳥

嘩!!正呀

ghhf

黑翼菜鳥 發表於 2014-7-3 20:09
嘩!!正呀

小弟知道自己走唔出膽坑, 既然走唔出, 就全情投入 .....

黑翼菜鳥

ghhf 發表於 2014-7-3 20:16
小弟知道自己走唔出膽坑, 既然走唔出, 就全情投入 .....

12支一定花費不少,如果香港買起碼$3800一支 (還在口水中)

ghhf

黑翼菜鳥 發表於 2014-7-3 21:50
12支一定花費不少,如果香港買起碼$3800一支  (還在口水中)

C兄你唔好咁揚住 ..... ..... 小弟都係入番來半收藏的, 其實真係唔捨得聽太耐 .....

黑翼菜鳥

ghhf 發表於 2014-7-3 22:00
C兄你唔好咁揚住 .....  ..... 小弟都係入番來半收藏的, 其實真係唔捨得聽太耐 .....  ...

你見我長期留意這文章就知道我兩眼在發光了