經驗分享 - 紅米

cheapching

earxeast 發表於 2014-5-18 12:55
傻啦，部機如果計物料，成本其實好低。另外佢賣得平，某程度上QC水平低啲已經節省好多啦。佢成日都抄蘋果 ...

蘋果好似都係換‘返修機’，並唔係新機！
其實唔同品牌都有自家軟件、OS，各有支持者，你反宜叫人照抄！咁咪仲急功近利！！

米3用家，米3唔算好、唔算差，對得起佢個價咁啦！我唔係FANS，買機只睇佢對唔對得起佢個價同個人預算！！
只計零件‘成本’，唔計其他，所有機都好平（包括蘋果，三星等等），但價錢唔係咁計出來既！！

earxeast

cheapching 發表於 2014-5-18 22:40
蘋果好似都係換‘返修機’，並唔係新機！
其實唔同品牌都有自家軟件、OS，各有支持者，你反宜叫人照抄！ ...

我當然知Apple係換‘返修機’啦，我自己都換過。就算小米只係換過部‘返修機’，起碼唔會嘥大家時間。保養期得12個月，甘樣已經浪費我一個月。反正我都唔急用，就即管放長雙眼睇下佢搞幾耐。

我叫佢參考人地做法只係我意見0者。如果係好，點解唔抄？佢都抄唔少啦？當然各企業有自己一套理念，佢可能覺只要俾到好硬件客戶就可以，小部分買到質素不良既產品唔係重點。其實我覺得佢未必甘差，但可能佢市場焦點係國内，至於境外及海外市場就未顧及得太全面。佢個所謂維修中心只係Out source俾中介做聯絡點，根本就唔係佢自己管理。

cheapching

earxeast 發表於 2014-5-19 04:35
我當然知Apple係換‘返修機’啦，我自己都換過。就算小米只係換過部‘返修機’，起碼唔會嘥大家時間。保 ...

其實你部紅米事件，我個人會分兩邊睇！
要維修咁長時間，的確係令人氣憤，至於保養期既問題，應該直接要求佢延長返維修既時間既保養期，e個係消費者權益，要據理力爭！
至於換‘返修機’，其實除在Apple，仲有邊間公司係咁做呢？？？起碼三星都唔會！Apple點解會有咁多曾經壞過既‘返修機’？？？某程度上QC水平低？？？
何況要求小米一間咁細既公司，同Apple比較，其實會唔會有d強人所難？？？
身邊買紅米既同事、朋友，最多既原因係俾‘老人家’用、佢個老人mode同價位係佢既賣點！
我個人反而覺得佢自家miui系統，雖然唔講得天下無敵，但都似模似樣！何況紅米咁低階既手機，點抄Apple系統，都只會‘徒具其形，不具其神’！

alleelarry

紅米真係好好「玩」，上星期六接收了一部「紅米」，剩係裝左日常使用既APP，就開始運作不良，其原因係記憶體不足。要破解「800多MB」的問題，就先要ROOT機，再加張經電腦分割既記憶卡……，下刪一千字。想換卡或者壞左，都得要由頭處理……

alleelarry

keroic 發表於 2014-5-22 14:18
我都睇過篇文，搞到咁煩為乜

一早已建議左兩部三星機比主人，可是主人家還是要買，仲要係「炒價」……，「麻煩」就轉移到我同太太身上！？

earxeast

到今日都係無消息，打電話去又係綫路繁忙，再飛去電話錄音呃你留言，其實又係話無足夠空間唔俾你留言。死未！話唔定一年先攞得返。

earxeast

cheapching 發表於 2014-5-19 10:49
其實你部紅米事件，我個人會分兩邊睇！
要維修咁長時間，的確係令人氣憤，至於保養期既問題，應該直接要 ...

“直接要求佢延長返維修既時間既保養期”？“e個係消費者權益”？你有無睇過銷售條款先？

cheapching

earxeast 發表於 2014-5-30 17:37
“直接要求佢延長返維修既時間既保養期”？“e個係消費者權益”？你有無睇過銷售條款先？ ...

http://www.mi.com/hk/service/

請問邊處有講‘維修時間過長，要求延長返維修時間既保養期’咁詳細既野！！有d野係要自己爭取既，最多咪消費者委員會見！