經驗分享 - 紅米

earxeast

之前小米節我直接買咗部紅米，貪佢雙卡雙待，買黎返大陸用或者做後備機。剛過7日可換機時限，個Mon就壞咗，中間位置無反應，開機解鎖要撞彩，打電話就有啲號碼禁唔到。攞去長沙灣個維修中心整成半個月都無消息。打電話去問，成日都綫路繁忙，其實都預咗，跟住飛去電話錄音叫你留言。但最搞笑係，叫你嘟一聲留言，嘟一聲之後我正想開口，就有段錄音話無足夠空間俾你留言。甘即係點？玩呀？結果我不斷打咗成個鐘，終於......可以留言！到宜家又等咗一個禮拜，都無反應。買平野有時係要冒啲風險，可能我唔好彩。

teddyng637

大家買機會唔會預咗大陸機嘅質數同耐用嘅標準呢？(個人意見)

earxeast

keroic 發表於 2014-5-17 16:43
有時用得咁既價錢可能都係要機唔要服務，唯有寄託部機生生性性無事發生
(Post76 Android 手機版送出) ...

唉，其實部機得果一千蚊，仲整咩？點解唔學蘋果直接換機？人工都唔平啦。

kenken49

本來想整部玩吓, 都係咪啦.

007852

大家唔好咁儍啦，大陸牌子都好信？世界上點會有平靚正丫，你信一千蚊有note3嘅快感？你信大陸生意佬會唔呃人？你信真係一分錢十分貨？你信小米？
(Post76 Android 手機版送出)

earxeast

keroic 發表於 2014-5-18 07:45
如果做換機，相信會蝕死佢，要是個個發覺部機有病痛就拎去換，所以有時都要靠鬥長命睇下消費者決定。 ...

傻啦，部機如果計物料，成本其實好低。另外佢賣得平，某程度上QC水平低啲已經節省好多啦。佢成日都抄蘋果，連mPad宣傳照都成個iPhone 5c，點解啲好既軟件、内涵又唔抄？無法啦，呢啲就係現在中國人既通病，急于事功，徒具其形，不具其神。

earxeast

007852 發表於 2014-5-18 07:50
大家唔好咁儍啦，大陸牌子都好信？世界上點會有平靚正丫，你信一千蚊有note3嘅快感？你信大陸生意佬會唔呃 ...

信，睇彩數o羅。

earxeast

teddyng637 發表於 2014-5-17 13:24
大家買機會唔會預咗大陸機嘅質數同耐用嘅標準呢？(個人意見)  ...

我都預咗架，分享經驗o者。