如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
冷門野系列 - Amaze Audio 6.8
前言:
小弟都一段時間無分享新玩具啦, 皆因最近好似失去左開箱既動力…
今時今日新野出既速度真係好驚人, 我重記得以前可能一兩年, 最快都要大半年先會有D新玩具出, 但而加好似一兩個月就洗牌, 新出既玩具種類亦都五花百門…可能近呢幾年玩隨身音響既人真係越黎越黎多…
無辦法啦, 香港呢個彈丸之地, 地方就是金錢, 就算你有心玩家用, 地方都未必允許; 就算地方允許, 家人都未必允許; 就算家人允許, 附近既鄰居都可能會投訴 (葡萄你套靚野), 所以越黎越多人玩隨身音響亦係無可厚非既!
講完廢話, 介紹下今次既主角: Amaze Audio 6.8 – 一部可以更換opamp既隨身耳擴
介紹:
最近因為DAP百花齊放既關係, 發覺好似少左人玩隨身AMP, 不過對於追求更好音質既玩家門, 相信唔係話咁容易就可以戒甩部AMP
話說小弟本來對呢部野只係略有所聞, 抱著姑且一試既心態既情況下, 最後居然變左…
個感覺好似好唔真實, 但第日訓醒就發覺戶口少左幾千銀, 同埋檯面多部舊野…無錯就係以下呢舊..
你地無眼花! 呢部AMP真係零配件! 係零配件!!!
好典型既開箱文, 開完箱, 得部機同篇文…
雖然乜都無, 但部野造工算幾好, 簡簡單單有line in & phone out, volumn knob係中間, 前面6角匙開黎換內部零件, 後面就咁扭黎換9V電
包裝配件部分非常精彩, 所以從略 (大佬, 想我講咩先…)
等我第一齊望下入面既構造先……
大檸樂, 原來佢連6角匙都無跟, 即刻衝落樓下買左套, 番到黎終於可以粗暴咁爆開佢啦! 內部如下:
望落好似好簡單, 不過好似話係全人手搭棚…背面我覺得有種凌亂美呢!
佢用兩粒9V電, 我係鋪頭買埋兩粒大陸電, 老闆話好夾聲, 個價錢唔貴而且問過IPOWERUS又無貨, 所以入黎試住先
今次簡單講下聽感, 所用既Setup如下:
X5+6.8+FX850
無錯, 對FX850都係近期入手既新玩具, 一試就出事果隻…主打高密度包圍低頻+敦厚暖底味道人聲
換左637sm之後低頻好aggressive, 潛得深但散得慢, 感覺不太夾對FX850, 因為佢本身個bass包圍已經好強, 而密度亦非常高
分析力非常出色, 感覺上首歌被拆解得幾徹底, 分離度好高, 音場亦算闊, 定位好好, 呢部分我有驚喜
高頻空氣感好好好濃厚, 延伸唔錯, 亦無咩齒音, 但本身FX850既毒性無進一步加強到, 唯獨整體都算平衡, 不過聲音對於自己黎講太過刺激, 唔算耐聽, 不過我估喜歡重口味既師兄們可能會喜歡呢個組合呢!
之後一連試左幾對耳機都係咁上下, 聽感出入唔大, 唯有試下當初友人叫我一定要試推既HD800
一聽之下, 我明白了…
果然637sm比較適合推大耳牛, 佢推HD800真係收貨, 起碼我未試過有隨身AMP可以推HD800去呢種程度, 並唔係話點樣毒, 而係接受到同埋聽得入耳 (相信HD800既用家會明我講乜, HD800要聽得入耳, 其實一D都唔易…)
聽左一陣之後我開始對部野另眼相看, 原本以為只係一部不過不失既AMP, 因為聽入耳真係無乜話好大既驚喜…有機會一定要試下推其他耳牛 (唔知點解果刻覺得推T1應該會唔錯)
最後我試左用佢同用HUGO推, 發現味道好唔同, 簡單黎講HUGO贏質素, 6.8贏質感, 兩者都叫做可以推得到HD800, 唉呢對野真係好惡搞…有機會再分享…
後話:
最近有次去番買果間鋪頭, 老闆好好人咁拎左對新既opamp黎毒我 (個型號恕小弟孤陋寡聞未聽過, 好似叫Ada4627-1BRZ, 聽落居然有幾分似627sm…
聽多左一陣, 再對比下已經被朋友搶去既627sm, 發現高中低都真係幾似下, 唯一暫時分別到就係4627無咁緊張, 鬆容D (難聽D講就係鬆散…) 其他野都真係好似…黎緊既日子可以不停玩opamp, 相信部AMP既壽命應該比一般既AMP要長, 如果有好既發現再同大家分享下!
回想當初第一次接觸係玩部Ibasso P4, 之後都已經無乜再研究過, 希望如果大家有咩好聽/有特色既opamp可以多多推介下
多謝收看!
|
[複製鏈接]
發表於 2014-4-3 10:25
樓主
