泛民議員，你們是破壞香港的始作俑者 - 太好的一份文章, ...

Raphael

chhanthony 發表於 2013-9-12 16:32
我遇見唔少要政府援助嘅新移民好多都係一啲大陸女士同香港男人結婚生仔之後落嚟嘅家庭，
有啲因為同老公 ...

香港喺英治時代，因為地位特殊而享有唔少好處，大大有助於經濟發展，可謂時勢造就出嚟。
隨住大陸開放，加上九七回歸，香港特殊地位消失咗，經濟發展唔再好似以前咁容易；偏偏又遇著金融風暴同沙士，禍不單行，亦係時勢所致。
香港昔日既繁榮，同今日既困境，有一大半因素係隨時勢所形成。呢種起跌，就好似一個投機者既身家依巿況而起落一樣；其本身既生產力非常有限，卻掌握時勢而賺過大錢，又蝕過入肉。

呢幾年有人大講要保持香港核心價值，又話要保持奮鬥精神，又話要保持獅子山下嗰份自強心態....... 我就認為根本就係自欺欺人；外圍因素咁多咁大，豈是一個小島既奮鬥精神所能克服？呢啲說話既目的，無非係安定人心，以免啲人爭相跳船，到時經濟直插之餘又社會不穩。

開埠時同發展中既香港，社會環境可以接納新移民，甚至可以話係除笨有精
今時今日既香港，情況已經大為不同；每接納一個有生產力或財力既新移民，附帶既往往係五個六個甚至十個連自食其力都做唔到既新移民，徒然雪上加霜

我唔討厭大陸人；事實上，我目前工作既同事當中有唔少大陸人，我同當中唔少人合作得好愉快，亦同部份大陸人針鋒相對，所以只係一半半
認為新移民對現今香港不利，係基於社會現況，以及事例睇到弊多於利

事實上，我反而認為香港人其實一啲都唔巴閉；當中大部份人，好景時就自命清高，一挨窮時就趨炎附勢，什麼民主原則都及唔上一碗飯
睇見呢幾年，香港政商界以致一般巿民，狗著臉嚟面對專制政權，對主張民主自由既人窮追猛打，以求一個＂愛國人士＂既身份，獲賞一餐蛇羮，將民主自由原則拋到九霄雲外。呢亭人通街都有；如果生於戰時，肯定有條件做非常稱職既漢奸。

（講個小插曲俾大家聽）
早前我拎部 PS3 去某個師傅喥維修；佢一邊整機，一邊向我講，佢嗰日獲邀出席回歸慶祝活動，所以如果時間唔夠的話，可能要第二日先整好。
我起初無乜特別感覺，但佢之後好自豪咁繼續講，話有關方面咁俾面佢，遲到就唔係幾好，仲特登拎埋上年佢出席活動既相俾我睇。
望住呢個即將充當活動佈景板卻又沾沾自喜既人，我冷冷地問佢：
唔知有關方面誠意邀請師傅你出席，係要你作為主禮人之一？定係特別演講嘉賓？抑或係遊戲機維修界既專家代表？駛唔駛發表專業意見架？邀請你出席，係唔係好似明星咁要俾你登台費架？
睇住佢慢慢面色變白，繼而變成關公咁紅，我加多兩句：
唔好意思喎。睇你頭先咁興奮自豪，我仲以為你喺活動有乜重要角色添。原來係去充撐場面.....都好吖，有餐飯落肚，佢地真係俾足飛屎你喎。不過，而家我嚟幫趁你，都俾梗飯你食，你可否唔好分神去咗第二餐飯喥？

（講返正題）
由以到現在，香港人其實改變不大（我指水平而言；有啲方面好咗，卻又有啲方面差咗，一出一入，水平差唔多）
80 及 90後既一代既心態為人詬病 （責任感較弱、目光短淺卻心頭高、少耐性）
但 40 至 70 年代既人亦並不完美，亦有佢地既弱點（平均知識水平較低、感情用事、唔夠勇於打破傳統）
兩者既弱項有所不同而已；要評分的話，大家未必相差幾遠
分別在於，昔日環境適合 40 至 70 年代既人發揮所長，蓋過咗弱點既壞處
今日環境卻唔適合 80 後 90 後發揮，卻反而將佢地既缺點顯露無遺
（註：我係一個 70 後，中坑一件）

總而言之，香港搞成咁，可以話係人既問題；但人既問題，好多時又係受環境所影響而形成（起碼對大部份人而言係咁）
所以呢個彷如雞蛋與雞既問題，無一個絕對既答案
唯一可以肯定既係，香港形勢已經大不如前，各種難題一定會越來越多
問題能否解決，係一回事；香港人是否因為挨唔住，而改去做狗做奴才，係另一回事。
窮都可以窮得有骨氣，有原則；希望有骨氣既人仲未絕種！

dlcc

Raphael 發表於 2013-9-12 23:49
香港喺英治時代，因為地位特殊而享有唔少好處，大大有助於經濟發展，可謂時勢造就出嚟。
隨住大陸開放， ...

我唔多認同囉！
香港人係唔係要做你口中講嘅＂漢奸＂、＂狗＂、＂奴才＂才可過活呢？
莫非香港人９７前（特別是公務員）全都是英國人的狗奴才嗎？
有段長時期美國是香港的最大出口國…莫非當年香港人是美國人的狗奴才嗎？

香港在爭取民主過程不知甚麼原因患上了色瞎…由七彩的光譜變成只得「黑」與「白」連「灰」也不太容得下，更加唔可以有丁點「紅」…簡單係死罪。

政客們在這政治色瞎下也因選票變成政棍！！
政棍在爭取民主時就話香港選民是有質素、有智慧，可以選出一個為香港好的議員及特首。
但當選舉失利時就賴「蛇齋餅糭」…借問聲政棍們口中香港選民是有質素智慧…還是無呢？？？

政棍總會說香港政府沒有長遠計劃。
但當有長遠計劃就短視地為選票而反對、推翻！
當年８萬５就是好的長遠計劃，結果如何唔多講了。
樓市又再飛升，當年極力要求停建、停售居屋的政棍們就話＂時移世易＂要求重建、重售居屋！
但香港政府如果因＂時移世易＂改變政策…就會被指＂朝令夕改＂！
政棍們的語言藝術果真的高超！！！

香港今日搞成咁…自己攞黎賤！

金融風暴至沙士、及後中國人民開始富裕起來，看到香港人完全輸唔起的精神！
甚麼奮鬥精神、獅子山下嗰份自強心態的確係自欺欺人！谷底時係咁，現在都係咁…自欺欺人。

香港人被英國人教養得毫無一份＂愛自己地方的一棵心＂！
金融風暴時，香港人仲唔識醒悟、仲以為可以獨善其身…依然繼續炒、炒、炒！！連麥記公仔都可以炒一餐！！
到沙士…香港跌到落谷底，香港人無野好炒後就只懂抱怨、爭吵不休、只懂得要求不懂付出！
但其他周邊地區已經默默地在金融風暴陰影處開始慢慢站起來重新出發。

本來中國經濟起飛是香港金融風暴與沙士後反彈的最好時機，可惜…香港人唔知做咩Ｑ野，少少野只要與內地或地產有關嘅就會唔多唔少有反感，只會企係到爭拗不願行一步。
香港政府諗住開發新貨櫃碼頭，結果在爭拗聲中無疾而終，反觀香港周邊地區貨櫃業就發展得有聲有色。
發展物流…又係拖拖拉拉，新貨櫃碼頭…無、港珠澳大橋…無，反而內地發展比香港快…以後仲洗鬼靠你香港咩！貪香港又貴又慢又唔方便？反而好多香港人要靠內地集運幫佢地運淘寶貨品返香港。
貿易…好多外國客已經唔再經香港落單，直接向內地接洽。
旅遊業…一個狄士尼由開始講俾人鬧到現在都係仲俾人鬧緊！反觀新加坡旅遊業搞得有聲有色！人地Ｆ１年年蝕住做…香港可以咩？香港人必定又鬧爆官商勾結、俾人搵笨。西九拗到今時今日都未拗完。郵輪碼頭拖到今年先至落成（比周邊地區遲咗好多年）。
金融業…現在金融海嘯後大環境下已經係有多少吊鹽水情況，遲啲「前海」正式起動發展…「香港中環」自自然然會被陰乾。
仲有好多好多香港自己錯失嘅機會。島國心態…自我邊緣化…哎！！

９７後香港只懂得日日爭拗，一步都無行前過。
記得以前董伯伯一上內地就被傳媒形容為上內地乞。
龜兔賽跑…香港真係故事中的兔仔…繼續瞓啦…遲啲連乞都無得你乞！

Raphael

dlcc 發表於 2013-9-13 09:45
我唔多認同囉！
香港人係唔係要做你口中講嘅＂漢奸＂、＂狗＂、＂奴才＂才可過活呢？
莫非香港人９７前（ ...

香港人係唔係要做你口中講嘅＂漢奸＂、＂狗＂、＂奴才＂才可過活呢？

請睇我最後一段; 我認為窮都可以窮得有骨氣, 挨窮就挨窮罷, 唔駛去做狗做奴才


莫非香港人９７前（特別是公務員）全都是英國人的狗奴才嗎？
有段長時期美國是香港的最大出口國…莫非當年香港人是美國人的狗奴才嗎？
莫非你以為, 我前文入面所講既奴才, 你以為係憑賺錢來源而定?? 不如你試吓睇清楚少少先好嘛?

是否奴才或狗, 並非視乎賺邊個國家既錢, 而係視乎有無為咗賺錢而犧牲原則

正如我前文所言, 而家香港大把人為咗開飯, 為專制政權吶喊助威, 為違反民主自由原則既惡法塗脂抹粉 << 呢啲先至叫做奴才

換言之, 不論係賺英鎊又好, 美金又好, 人民幣又好, 日圓又好.... 如果並無為咗開飯而出賣民主自由呢啲原則, 就唔算係奴才

dlcc

Raphael 發表於 2013-9-13 10:44
香港人係唔係要做你口中講嘅＂漢奸＂、＂狗＂、＂奴才＂才可過活呢？

請睇我最後一段; 我認為窮都可以 ...

何謂"民主自由"原則？

香港式的"民主自由"原則是患上了色瞎…由七彩的政治光譜變成只得「黑」與「白」 連「灰」也不太容得下 ，更加唔可以有丁點「紅」 …簡直係死罪 。

為專制政權吶喊助威, 為違反民主自由原則既惡法塗脂抹粉 << 呢啲先至叫做奴才

相信好多人都會覺得英治時代嘅《公安條例》係惡法吧！
當時嘅立法局議員及一眾香港政府高層及公務員係唔係你口中嘅＂漢奸＂、＂狗＂、＂奴才＂？
為英治專制政權吶喊助威、為違反民主自由原則嘅惡法塗脂抹粉 。

但……………這班＂漢奸＂、＂狗＂、＂奴才＂當中，現在有好多位被稱為香港"民主自由"Icon ！！
例如：陳四萬、鐵柱銘、飛哥……等等。


p.s.
曾經被稱為不日落國嘅英國佬玩政治真係一流 ，全世界所屬殖民地…只要一離開就一定留底＂蘇州屎＂亂七八糟一段時間，非洲好多前殖民地依然在內戰中、印度分裂成兩個國家、香港回歸咁耐亂足咁耐，新加坡…算係最好嘅一個！點解呢？？因為佢地有個所謂＂民主＂嘅專制政權（李氏天下）。

kkbut18

刨完呢個post，好多ching的觀點我都好贊同，我其實對政冶都係冷感的一群，但因為以前的工作好多時都會接觸到嗰啲自以為清高、尊貴的議員，講真，嗰啲咁架議員做吓show，鬧下人咁就袋幾皮嘢一個月，有幾多個真係攞個心出嚟為市民服務？個個都係從自已利益出發，有啲更加pk的議員為咗自己利益更害到人哋工都無得做，跟本啲議員咪又係有牌爛仔，有啲議員啲表演更直接影響下一代，睇到都心寒，如果剷走晒呢班所謂垃圾，我相信香港人怨氣一定無而家咁重，因為好多嘢都係呢班垃圾議員從中挑釁、抺黑、為反而反，完全係佢哋激發香港人怨氣的罪魁禍首。其實我只求三餐温飽，女兒長大成材，得閒可以打下機，其實都好滿足（我並非富有／中產的一群）。真心請這班垃圾議員返回堆填區吧，唔好再害我們香港人！

agic

dlcc 發表於 2013-9-13 11:25
何謂"民主自由"原則？

香港式的"民主自由"原則是患上了色瞎…由七彩的政治光譜變成只得「黑」與「白」{: ...

头腦清醒的人不多了，曾见KK网飞哥，今76又有dlcc 兄，

RiceR9

agic 發表於 2013-9-13 11:42
头腦清醒的人不多了，曾见KK网飞哥，今76又有dlcc 兄，

依家問題係....如何唔影響香港....而又爭取到民主,
唔係不理7佰萬人死活....併死爭取民主.....


香港只係城市....唔係國家, 無可能斷絕同國家既關係...
如果攪唔清楚咁基本簡單認知....講任何野都係癈話{:9_437:}

平果都要問微軟借錢先有今日既成就....{:9_436:}
好多野唔睇勢頭亂咁行....隨時害死好多人!!

Raphael

dlcc 發表於 2013-9-13 11:25
何謂"民主自由"原則？

香港式的"民主自由"原則是患上了色瞎…由七彩的政治光譜變成只得「黑」與「白」{: ...

眼見香港赤化越來越廣泛, 越來越深入
如果香港既原則, 真係如此所言, 連 "丁點紅" 都容不下, 將丁點種子都排除於外, 何以今日會蔓延如斯?

將問題由 "大" 改寫為 "小", 再進而掩蓋為 "無", 本來就係專制政權既看家本領
所以, 有類似手法喺已被赤化既香港出現, 我一啲都唔覺得意外~
反而更加証明, 香港真係有人將專制政權嗰一套學得非常到家, 呃人之餘, 連自己都呃埋

任何時代都有奴才, 英治時代如是, 回歸後亦如是
分別係多與少, 以及層面深或淺

從來無人話過, 英治時代係完美時代, 更無人話過當時政客每一個決定都係好決定
卻有一啲人, 喜歡以他人既缺點作為自己惡行既藉口
就好似小學生出貓, 俾人發現之後, 就以 "阿邊個邊個都有出貓啦!" 嚟抗辯
(通常都係小學生先會咁抗辯; 脫離小學階段之後, 只要有少少見識, 都會知道咁樣並唔構成理由)

咁都仲未算厲害
更甚者, 有專制政權既人馬, 將他國既制度歪曲演譯, 作為自己既 "老頂" 所推惡法既根據
對於他國 "總統預選" 既詮釋, 指鹿為馬, 混淆視聽以圖蒙騙巿民
又係一個呃人之餘, 連自己都呃埋既代表作
而且仲係非常拙劣既手法

(講起 "容納"...... 忽然諗起有種人, 唔反思自己既所為如何過份, 卻不斷指責他人無丁點包容佢
其實人地一早已經盡量容納佢, 只不過佢得寸進呎, 令人忍無可忍而已)

agic

RiceR9 發表於 2013-9-13 12:19
依家問題係....如何唔影響香港....而又爭取到民主,
唔係不理7佰萬人死活....併死爭取民主.....
...

所以你话一个好领袖几近要，神走左带埋Apple legend 走

广返HK系米冇领袖，又返转头睇下Steve系米独才专制！？

所以一个coin 近有两面

chhanthony

Raphael 發表於 2013-9-13 12:52
眼見香港赤化越來越廣泛, 越來越深入
如果香港既原則, 真係如此所言, 連 "丁點紅" 都容不下, 將丁點種子 ...

請面對現實，香港係一個中國入面嘅特區，如何普選行政長官係基本法早已定明，而基本法解釋權係人大，
即係話龍門係任佢地搬，而中國一日都係由共產黨專政，香港都唔會有你想嘅民主，你地唔跟基本法玩就即係違憲，
到時中央唔委任，你地夾硬上就即係癲覆同分烈國家，到時進入緊急狀態，名正言順解方軍入城，一國兩制玩完，
家下一啲民主鬥士，唔知佢地係天真定係借機抽水.跟本香港由1997年7月1日開始已經無你地諗嘅民主。