泛民議員，你們是破壞香港的始作俑者 - 太好的一份文章, ...

komiya

Raphael 發表於 2013-9-12 23:49
香港喺英治時代，因為地位特殊而享有唔少好處，大大有助於經濟發展，可謂時勢造就出嚟。
隨住大陸開放， ...

不過，而家我嚟幫趁你，都俾梗飯你食，你可否唔好分神去咗第二餐飯喥？

如果我係果個師傅，我實會叫你過主啦，有錢大晒呀.

chhanthony

Raphael 發表於 2013-9-13 16:30
雖然 "赤化" 可以有各種唔同既解釋
但我喺前文所講既 "赤化", 唔係指一般生活習性或者語言之類既改變
而 ...

"民 建 聯 表 示 ， 目 標 是 可 以 派 人 出 戰 2017 年 特 首 普 選 。
黨 團 召 集 人 葉 國 謙 認 為 ， 黨 主 席 譚 耀 宗 是 人 才 ， 是 合 適 人 選 。 "

2017香港行政區特首選舉
1. 梁振英 2. 譚燿宗 3. 李慧琼

Raphael

komiya 發表於 2013-9-13 17:07
不過，而家我嚟幫趁你，都俾梗飯你食，你可否唔好分神去咗第二餐飯喥？

如果我係果個師傅，我實會叫你過 ...

佢一係就唔好接ORDER

接咗ORDER, 明知時間 "炆水", 仲唔專心做野, 拎住一疊相片喺喥自吹自擂

係客人持住有錢大晒? 抑或係佢工作態度問題?

Raphael

chhanthony 發表於 2013-9-13 17:13
2017香港行政區特首選舉
1. 梁振英 2. 譚燿宗 3. 李慧琼

如果真係只得呢三個選擇, 咁就真係如假包換係一場鬧劇嘞....

komiya

Raphael 發表於 2013-9-13 17:16
佢一係就唔好接ORDER

接咗ORDER, 明知時間 "炆水", 仲唔專心做野, 拎住一疊相片喺喥自吹自擂

你話你同個師傅講：而家我嚟幫趁你，都俾梗飯你食⋯

你話掉返轉頭我同你噤講，你會點。

dlcc

chhanthony 發表於 2013-9-13 14:27
dlcc兄的文中我有啲都幾認同，但睇完成編嘢我個腦只係出現 $$$$$$$$$$$$$$$$$$$$$$$$$$$$$$$$$$$$$$$$$$$ ...

$$$$$$$$$$$$$$$$$$$$$$$$$$$$$$$$$$$$$$$$$$$$$

小班教學
十五年免費教育
全民退休保障
醫保

無錢的話以上都是空談！

３０４７億美金外匯儲備…話多唔多；話少唔少，我唔知閣下理財概念如何，我自問我唔會因為自己戶口有一大筆錢而亂花錢。
因為我金融風暴後經歷由戶口有一大筆錢在幾年間差點耗盡景況，再唔會一出Bonus就好似以前咁never tomorrow心態一星期內洗清。

好老實講我只係過客，當我兩口子的父母都百年歸老後自會離開（本來都諗住返得黎發展就唔會再返去，但近年來見到香港咁…咪搞）。

香港嘅稅基如此狹窄，連最公平嘅消費稅未討論就被推倒，大量市民、中小企應交稅唔交稅或交唔足稅（例如：小巴、的士司機、大量以自顧名義的高收入保險、地產從業員…等等）。
與外國比較香港簡直是極低稅率，但支出就好高！教育、醫療已經用咗唔少！！

我無子女，也不打算有…你問任何人小班教學、十五年免費教育，誰不贊成？
但如果話加稅後就可以有小班教學、十五年免費教育…相信好多人會話諗諗。

同樣道理全民退休保障、醫保，誰不贊成？政棍們提出的方案，市民一毫子唔洗出，政府注資成立基金…問邊個都會贊成（特別是已或將會退休人士）！
政府注資後就可以生生不息？看美國的退休保障…跟本現在的人供款是養不起現時的退休人士。
我係美國工作時，收入嘅４０～５０％就係去咗州政府稅、聯邦稅、保險、失業保障…等等。

仲記得地鐡上巿係因為咩嗎？仲記得領匯上巿係因為咩嗎？
仲有香港政府將五隧一橋發債又係因為咩嗎？

母語教學好唔好？
好！我好贊成！你睇周邊國家及地區日本、南韓、台灣等有邊個唔係母語教學？
佢地有冇因為英文唔好而減低其競爭力？佢地有冇因為英文唔好而減低其學術、科技上成就？
我讀大學時，日本、南韓、台灣的同學們一點沒有在學術輸給其他學生，他們都是在出國前一年才努力惡補英語。

數碼港好唔好？
本意一啲唔差，只係科網熱爆破再加上李家食正條水而變成爭拗。
等於我在大旱時俾塊田你開發，大旱多年後終於有成績…大家都以平常心看待。
但如果當你一開始開發不久，適逢風調雨順，加上你的銷售手法高超…大家都會眼紅。

殺校唔攪小班教學好唔好？
某程度我的感覺是～果班友都係為自己飯碗。

副學士好唔好？
我唔太了解香港嘅副學士係咩傢伙，我只知有唔少青少年中學會考成績唔好，借＂展翔＂、＂副學士＂等作不肯出來面對社會的避風港。

小政府大巿場好唔好？
反問…大政府小巿場又好唔好呢？政府事事插手市場又係唔係好事呢？
香港政府如果學外國咁資助某啲行業…又會唔會俾人話「官商勾結」、「干預市場」呢？

呢啲係議員攪定係政府攪出嚟？
我想問吓數碼港計劃係唔係有經立法會批准相關的撥款？
請問點解審批撥款時議員一言不發呢？總是只懂「事後孔明」！
情況與清拆皇后碼頭一樣…有份通過及審批清拆撥款的垃圾會議員不知所謂地厚著面皮在清拆皇后碼頭前為爭取保留皇后碼頭的人士打氣！


香港人好奇怪…與周邊地區比較時都不會以整體來比較，例如人口與政府收入比例……好似近近地嘅澳門與香港已經唔可以Apple to Apple比較。

Raphael

komiya 發表於 2013-9-13 17:36
你話你同個師傅講：而家我嚟幫趁你，都俾梗飯你食⋯

你話掉返轉頭我同你噤講，你會點。 ...

(由於你既話題與樓主個 POST 無關, 我答埋呢次就唔再答嘞; 以免 SIDETRACK 咗樓主個 POST)

我會諗, 對方是否真係俾錢我賺? 我地是否已經同意進行呢次交易?
如果係的話, 而我又的確接咗ORDER卻無認真做野, 我會向對方道歉, 然後FOCUS做野
(如果當時, 佢已經做完個 ORDER, 要吹水的話我絕對奉陪; 佢未做完 ORDER, 卻又搞埋晒啲唔相關既事, 就係浪費梗我既時間。呢個唔只係錢既問題。)

不如你又諗吓, 假如你係我
個師傅掛住自吹自擂, 完成唔到工作 (本來講明係即日完成), 搞到你要喺第二日再花兩個鐘頭時間及車錢去攞機, 咁對你公唔公平?
如果你無所謂, 咁只係你唔介意損失兩個鐘頭而已; 唔代表其他人要同你一樣, 唔介意損失兩個鐘頭

chhanthony

dlcc 發表於 2013-9-13 17:40
$$$$$$$$$$$$$$$$$$$$$$$$$$$$$$$$$$$$$$$$$$$$$

小班教學

美國收你40-50%稅但你交到咁上下point退休後政府養你，子女由細到大讀書免費，

一個七百萬人嘅城巿外匯儲備可以排全世界第九，你會唔多唔少，應駛得駛同守財奴係一線之差。

稅基窄去開徵，我個人好同意每月少20%收入，但可以換嚟退休後有更加好嘅保障，而唔係每個月被人打劫5%後去焗賭。

巿民逃稅係執法問題，你試下喺美國逃稅。

我相信未有子女嘅人睇"將來"係唔同。

唔記得佢地上巿嘅原因，可以指點下嗎?

母語教學呢點同意，但最後都係失敗!

數碼港有無諗過政府可以帶頭去為一啲創新科技嘅公司去發展?好似租金、稅務優惠等等。

殺校
邊個係果班?

副學士唔好懶啲小朋友跖肯面對社會，呢個係董建華攪出嚟嘢，要全港民巿有幾多百份比到達專上教育嘅水平，
但對後因為社會配套不足又害咗一班同政府借咗十幾萬去完成副學士嘅小朋友，我工作上遇過唔少。

小政府大巿場好唔好？呢個我無既定答題，但政府嘅職責之一係平衡各方利益，但好明顯過去十年好似側咗一面。

上面講咗撥款數碼港本身唔係問題，之後點運作先係重點!

政客衰格就緊，但政客衰就代表政府無責任?

你自己都拎美國嚟比較啦，呢個世界有社會問題真係可以apple to apple架?

chhanthony