輕鬆聽音樂

thisismyname

唔太熟d 論壇操作
唔知點解評分只可以+6
又唔知點multi-quote...
搞左好耐
有無人可以教下我- -

首先多謝咁多ching支持先

johnmo 發表於 2013-9-1 23:37
若能感受到音樂是自然流淌出來,而不是單純的器材重播聲音,就不用再折騰了 ...

um...也不一定需要自然
現在只想輕鬆一點去聽, 暫時不去想升級的煩惱

Cato 發表於 2013-9-2 01:00
好文
喜愛音樂既本質才是最重要
由小時候合唱團、中樂團到而家夾band
對音樂/音響都有唔同既追求
幾年前去德國sennheiser總部參加HD800發布會
現場預備既CD全部都係classic
好唔容易先搵到隻pink floyd既dark side of the moon
自己試緊既時候有個新加坡記者拎起一齊聽
(當時現場用leahmann linear插住兩隻HD800)
佢聽左10秒就擺低隻機...一副不屑既樣子對住我講「bad taste」
其實hi end係咪淨係聽得幾種歌呢?
近年聽local indie都聽多左...
當中都有認真同好聲既
o係有限條件下...而家製作水平都好高

多謝cato大用心嘅回覆

通常我會帶一pack cd, 因為會場多數無我聽開嘅, 用佢嗰d碟我試唔真

佢講嘅bad taste真係好震撼, 咁直白嘅鄙視
但佢嘅鄙視對我聽歌無影響
如果要我因為hi end而放棄自己聽嘅歌, 我會放棄hi end
作為燒友, 會玩音響玩器材, 只因為我們喜歡聽歌
但為器材而放棄自己聽嘅歌, 我只會說我找錯器材了

local indie我聽得唔多, 非商業音樂我只對日本的留意多一點
這幾年他們的錄音有不少都不錯, 而且佢地好多都好用心製作, 有些甚至可以媲美商業音樂, 我好欣賞佢地嘅投入同熱誠
local indie嘅cd係唔係入手會比較困難?

有見過以前玩機既朋友...因為喜歡聽歌而開始玩機...識左o的玩機既人...
人地就係咁比o的發燒口水唱片佢聽...仲係咁踩佢以前聽緊既歌
幾年之後呢個人厭左玩機...連當初喜歡既音樂都提唔起興趣
(雖然係個別例子...但事實上係發生過)
尊重其他人既音樂喜好其實都好重要

嗰位朋友真係慘...
但我相信佢如果拎番出嚟去聽番幾首佢嘅歌, 感動會慢慢番嚟
有時歌會吸引人, 不只是因為裡面的旋律
而是裡面有它的故事, 有演出者的故事, 也有聆聽者的故事
有些歌如soundtrack/bgm, 也會讓人想起故事甚至場景和情節
我因為常常聽歌, 當聽回一些以前喜歡的歌, 總會讓我想起那時這首歌陪著自己的日子
這些感動不需要甚麼器材或別人的認同, 就這樣用手機喇叭放出來也可以讓我感受到
希望佢可以揾到合適自己嘅耳機la

我相信...每種音樂都有佢適合既器材去聽
而且有時唔止一種
唔同器材可以用唔同切入點去將音樂表現出來
最重要係睇大家點夾

享受音樂先係聽機既重點

器材可以以唔同切入點將音樂表達, 所以我們才會煩惱同破費 , 也因為這樣我們才有不同的享受

frenki 發表於 2013-9-2 03:23
其實音樂本身先係觸動人心的關鍵, 而唱/製作音樂的都是"人"
講到尾就係"人"同"人"之間的心聲呼應, 而唔係同機器/器材溝通
從來好的器材都係means而不是ends

寫得好好, 大讚
迷失與否, 在於知道自己在做甚麼, 知道自己走的是甚麼樣的道路
當你知道自己在聽音樂是要在裡面要甚麼, 應該就不再迷失了

t1174 發表於 2013-9-2 05:29
煲線其實沒甚麼，不過是一台機器來的，插上要煲的線，因應說明長開一日到七日。之後就上回系統聽多數日就可以更能又發揮對線和平衡返音色。

jasone_ti 發表於 2013-9-2 08:09
煲線機好貴喎

昂貴的煲線機啊

alexming0101 發表於 2013-9-2 11:02
很喜歡這個標題"輕鬆聽音樂"

多謝支持

放鬆自己去感受一下是很重要
我也在學去欣賞和感受

mokkakuen

同意!!

我自己也多得 av show 2013, 我試聽了不少貴價器材, 也令我沒有慾望升級了。

由用手機附送的耳機, 到千元級別, 再到 Philips X1。
兩次的升級的感覺都非常明顯, 也令我非常感動。

可是最近去 av show 2013 試聽 stax, hd800 之類的貴價耳機時, 卻沒有這種感動了。
貴到這個級數耳機是更好聽了, 可是差別卻沒有大到令我願意付出這麼多的金錢。

返而令我想,
原來單單player + 耳機  (Cowon X9 + Philips X1) 已經很不錯, 令我滿意了。
(可能係我要求低 + 木耳吧)

現在我的錢都花在買多些不同的CD上了
因為聽到未聽過的好歌,
還是很令我感動。

(唯一還有些興趣的器材是dx50 和 ATH 千元級數耳機, 因為價錢實在合理和我有少許中了 ATH 的女毒了)

t1174

jasone_ti 發表於 2013-9-2 08:09
煲線機好貴喎

冇人話一定要買，也冇一定要求labkable 那台咁貴，可以比人煲。也唔太貴。

thisismyname

mokkakuen 發表於 2013-9-2 13:50
同意!!

我自己也多得 av show 2013, 我試聽了不少貴價器材, 也令我沒有慾望升級了。

多謝ching支持

X1係隻唔錯嘅機，我試過都幾鍾意
無奈想入嘅野都唔少，依家買到

800同我唔太夾，一直想話俾多過機會佢，去試真ｄ，結果都仲未試
至於stax，avshow我無試過，但在mingo的hifi展和日本的yodobashi我都試過
他們的source都唔ok, 唔夾stax，在日本試的時候，我用md機R909出2170都覺得吸引過佢部marantz cd（要試音色的話，只有用自己熟悉嘅機先試到，有時頹機如電話都可以）
而且在香港，stax的標價很過份，2170在日本都唔少人用（之前我去東京買嘅時候周圍都無晒貨 ）約4000港元連amp係一個好吸引嘅選擇

我會覺得器材高級與否不重要，我聽歌的時候會忘記自己用緊自己接駮著甚麼器材，只是把心思放在音樂上，又或手上做緊嘅野上（我通常一邊聽歌一邊做野）
捉到老鼠就係好貓，對我來說，可以讓我融入音樂，享受音樂就係好機

買cd好啊，可以支持自己喜歡嘅artist，而且我好鍾意cd booklet同d package, 有實體的感覺就是好～

冇人話一定要買，也冇一定要求labkable 那台咁貴，可以比人煲。也唔太貴。

每條線都拎去煲都又煩又貴，而且買新線又拎過去．．．

ming.

支持myname兄好文!!
還記得初初接觸"head-fi"的時候用的ipod nano和apple in-ear，初買器材時真的很高興，這個組合也用了1年多
直至試了不同的耳機，發現同一首歌在電腦聽比在ipod聽多了細節，就開始上一些耳機討論區。

那時認識了Amp，買了Amp加上ipod nano聽，希望音質有提升。那時迷上了那小小的提升，之後就不斷在追求器材...
入了ipod classic > imod 加amp，之後才發現便宜的Amp大多都是把聲音"拉上補下"像ipod的EQ一樣。加上大多Amp都是為耳牛設計，細聲時耳塞會出現聲音不平衡，令我很煩惱
不久，認識了Meier Audio，因為他的Amp價錢合理和中性的聲音，夾imod又用了一段長時間。雖然imod聲音不錯，但覺得聲音還是受了他的Dac所限制。之後開始有ipod dac出現，就入了Hp-p1
想著ipod + hp-p1出街，但是Ck100pro夾Hp-p1 ,PO聲音不平衡(可能我聽歌較細聲)。使我要外接Amp，變了三層的三文治
最後還是出掉了，出街用手機聽歌。雖然聲音質素一般但就令我找回"初聽音樂的感動"。我喜歡一邊聽歌一邊選下一首想聽的歌，用手機聽做到了，用ipod,imod + amp, hp-p1對我來說都不太方便。
經歷買買賣賣，現在對我來說最重要是便携(放褲袋)，其次才是音質。
開始找尋Player，試了Dx100 (很久之前Myname兄借給我聽的，不知你記不記得)，感覺平淡。本來想試C4的可是外型實在太...最後爬文後，入了Ma9。現在Ck100pro夾Ma9很滿意，應該可以退燒一段長時間了。

最後，希望其他ching也找到合適自己的器材!!!

thisismyname

ming. 發表於 2013-9-2 20:21
支持myname兄好文!!
還記得初初接觸"head-fi"的時候用的ipod nano和apple in-ear，初買器材時真的 ...

唔好意思, 出左街夜番左

多謝支持先~
我當然記得ming ching你啊
我其實對用嘅野好容易產生感情, 就算買左番嚟覺得唔太合用, 都無乜話會出俾人, 多數都留住
所以, 當有二手買賣時, 我都會幾深刻, 而且你又幾好傾嘛
當時有推介過你試DX100, 如果依家的話, 我都會俾你試, 但唔建議你用
你用平淡去形容DX100, 我會用直白, 對我嚟講唔太做到輕鬆動聽, 所以比較少拎出街

我都想可以很方便地放褲袋, 無奈我部sh01d聽歌會lag機, 雖然音色我幾鍾意,但真係無法..
MA8我試過, 無衝動想買, 可能要煲好嘅我才會考慮吧
MA9就未試過了...有無得試呢?

其實大路野就係每個人用落夾落都覺得幾好, 但講到最適合自己嘅, 好多時都唔係就咁將大路野堆埋一齊
恭喜ching揾到心頭好

ming兄, 等有餘錢嘅時候, 可以試下玩hp
平平地聽下先, 屋企用hp始終舒服過iem
ATH嘅hp都好有趣嫁, 不過比較高階嘅又要花心思配搭

zero981210

想講既野有d亂有d跳躍，分段睇下會吾會易睇d

我同師兄一樣，都係會長時間聽歌既人，
我好多時要既其實係有番咁上下質素既background music，但果個質素只要到左一個地步就足夠，再上都對我冇咩分別。
聽歌我最enjoy既係明明做緊手頭上既工作冇留心去聽，但隻歌好聽到突然拉番你入首歌入面，令你停一停手上既工作去專心聽一陣歌

我覺得有d師兄講既迷失，其實係成條路既其中一段，或者吾係必經，但經過佢係好正常既事
因為果下迷失，我先會開始問自己想要d咩野，先會去搞清楚我聽緊d咩
比如，當d人講音場如何如何，我有試過去聽去分辨，但我都係搞吾清咩野係音場，或者音場點解係好聽既要素之一，之後我發覺響我所聽既歌，我想聽既野之中，音場比吾到任何感覺我，我就覺得我一直要求既野一直都吾係音場了

cato 師兄講既我都有少少感受，年紀吾算大既我一直聽開粵語流行曲，上得forum多睇埋睇埋就走左去聽胡琳 聽歌莉雅 甚至翻聽彭羚，之後因為相信moody岩自己，所以去試聽jazz，但最後，當我想聽歌果時我都係簡番eason、my little airport、林一峰、王若琳果d，我就知道有d野就算明明係好野，但都係冇得勉強，我想要既鍾意既，一直都響面前
p.s.我甚至走去聽一個叫Serrini既大學生自資出既cd，佢錄音既地方同器材，就係佢響大學宿舍果部電腦同手上既一把結他，但我依然覺得好好聽，甚至吾太介意佢錄果時有一兩下爆mic，有興趣可以去youtube搵佢首《其實我...》同《你不想再跟我看戲》

器材方面，我依然記得當初第一次聽到denon隻3-4百蚊入耳果時既驚喜，但之後愈試多幾隻貴野，愈覺得「都係咁ja?」，我要刻意去花氣力聽出隻耳機有咩分別有咩特性，我覺得好似考試咁，我吾覺得enjoy，所以漸漸少左去耳機店lu

直至家陣，我最常用既係一隻我覺得戴得吾算好舒服既耳機---p記既s2，係佢令我明白樂器既重要，係佢令我吾再只係響歌詞同旋律上追求，一首歌既樂器甚至和音都可以係好聽既要素
我開始明白，我想要既野原來吾係燒友們要求既 真，我要既係感受，只要感受良好，我吾介意佢比好多音染之類既野我，
響以前d耳機我只感受到歌詞同旋律，家陣多左樂器同和音，我係覺得首首舊歌聽番都有新發現
或者我講得好誇張，但佢真係比到我當年果隻3-4百蚊denon既驚喜，所以就算我吾十分滿意佢配帶感，但佢依然係我聽歌既首選

手上有三部player，最常用既竟然係iphone4，因為輕便得黎聲都有番咁上下(家陣d耳機易推都應記一功)，睡前會用iaudio x5l，貪佢有timer而且粒電仲好耐用，最少用反而係最貴既dx100，只會響我真係空閒而刻意想聽歌果時出動.......
我吾係吾滿意佢地d聲，但如果當年有得比我簡，我會簡ak100而吾係dx100，因為ak100我會好願意拎出街用，取代iphone4

最後我想講，於我，聽歌真係講感受多過講質素，所以可能我好似停左響iphone4+s2度，但我依然期待有新器材帶比我更好既感受

kelvinhin

最近幾個月，我聽過同玩過好多都幾貴吓嘅器材，結果最後發現令我聽得最舒服嘅竟然係Apple Earbuds 配iPod Shuffle ! 佢雖然無乜低音同detail, 但佢戴得舒服，聲音又較soft, 其實都有其可取之處。
(Post76 Android 手機版送出)

ming.

thisismyname 發表於 2013-9-3 02:38
唔好意思, 出左街夜番左

多謝支持先~

感謝ching回覆~
我覺得用直白形容Dx100都是十分對的，用ck100pro夾dx100就是沒有什麼感覺。所以當初沒考慮
但果時部Stepdance毒左我好耐的。可惜現在不用Amp了，可能入了hp再考慮吧
Ma9以我所知香港暫時冇得試。Ma9夾ck100pro很不錯的!!不過我買完都覺得貴左D。我下一個目標的確係HP，可惜冇餘錢
買完Ma9銀包已經  聽左幾年Headfi，都是聽耳塞多，用過的HP吾多，只有一個平平地的Senheiser到時買HP要再請教Ching們。

ming.

zero981210 發表於 2013-9-3 11:57
想講既野有d亂有d跳躍，分段睇下會吾會易睇d

我同師兄一樣，都係會長時間聽歌既人，

有時真的喜歡簡簡單單用手機聽歌，十分方便。
現在手機的音質越來越好，夾到耳機也可以好好聽
以iphone5為例，我覺得音質已經接近甚至超越了ipod classic，比ipc更有音樂感