<超人-鋼鐵英雄The Man of Steel>觀後感

scott0208 · 發表於 2013-6-28 01:07

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 scott0208 於 2013-6-28 11:08 編輯

由於香港比美國遲了兩星期到上映，看了部份影評，有好有壞！而我剛剛在isquare IMAX看了9：50pm場，呢套我覺得好好睇，比舊嗰五部完全贏九條街，平心而論，由於有Christopher Nolan做監製同劇本創作，難免好多人將佢同＜黑夜之神＞比較，論劇本佢好簡單，而人物描寫亦少，整套戲可以話分開兩截，頭半部係鋪排超人老豆同薩克將軍既恩怨，超人响地球找尋身世，再用插序形式講番超人既童年，下半部係成套戲既高潮，進入結局，打足整個下半部份，特技效果完美，娛樂性十足，我個人認為剩睇後面嗰70分鐘已經值回票價！而演員方面，Henry Cavill同Russell Crowe較為突出，Amy Adams則較為普通，而奸角Michael Shannon唔知係咪做得奸角多，無乜驚喜，另外一個深刻既角色就係Kevin Costner，佢做呢個慈父角色十分出色！而另一樣出色既地方就係音效，响IMAX睇已經好正，如果去The Grand睇配合埋新既Dolby Atmos音效我諗真係無得頂！至於3D效果，都係嗰句-算吧啦！上星期睇完＜World War Z>已經覺得娛樂性好好，點知今個星期睇了套仲正既電影，果然係（沒有最好，只有更好），不過奉勸想睇既師兄如果諗住睇好似＜黑夜之神＞咁正咁有深度既電影，呢套可以略過，但如果想睇娛樂性十足既特技大片，呢套係近期最好既選擇，總括：8.5/10，扣咗果1.5分係劇本唔夠好同無乜3D效果！（其實小弟有些對本片劇本既看法，但由於唔想劇透，所以無提，遲些套戲多啲人睇咗之後，歡迎各位師兄在此討論，交流觀後感）