Sony PHA-1 便攜耳擴體驗日【會後討論 ~ 加入嘉賓與 Sony 分享】

wil-wil

其它可試玩器材


可測試曲目


有齊咁好既準備，大家可以盡情玩、準情分享對 Sony PHA-1，甚至搭配 Sony 其它器材或你地有備而來既隨身毒物!!

wil-wil

第一場活動情況

wil-wil

第二場活動情況

wil-wil

嘉賓艾域的分享

在什麼情況下需要使用耳擴?
個人覺得，乜野情況之下，配合乜野耳機，都係可以加耳擴既，因為依家普遍既人都係用智能手機或者一般 DAP (Digital Audio Player) 去聽歌，正如 Odin 所講，呢類隨身設置既推動力一般都係不過不失，就算推得郁隻耳機，都可能係部 Player 已經出盡晒力，加耳擴就可以避免左呢個問題，推一 D 大路既耳機時，就可以將佢既潛力發揮到盡。


耳擴點分類? 點樣選擇耳機及耳擴?
大致可分為便攜式同座檯底兩種，至於點樣選擇產品，首要條件一定係認清自己既需要。舉我一個親身例子，我有一隻好鍾意既動鐵耳機，我覺得佢人聲好有感染力，低頻量雖然唔係好勁，但係就有層次，我俾我同事聽，佢問我隻野幾錢，點解好似街邊個d幾廿蚊既貨色，結果原來佢係鍾意低頻量感強勁既人，我個隻耳機根本就唔合佢口味。認清左自己既需要之後，買任何產品之前，都一定要親身試聽，唔好只係聽人講話好就買，網上討論以至雜誌推介都只可以當參考，因為你想要乜野既效果，只有你自己知。

除左音色要求外，功能要求你亦要係買機前做足功課，以我個人為例，我最常聽歌既時間係係公司，而我用既又係 Notebook，無得加 Soundcard，因此就要用一部有埋 USB DAC 功能既耳擴喇，而 Sony 早前亦借左部 PHA-1 俾我試用，佢其中一個我最鍾意既功能，就係佢可以做到 USB DAC 連耳擴，我基本上只係插一條線去電腦就可以用到佢最重要既功能。至於其他既優點，不如我地交番俾 Sony 既代表簡單介紹一下啦。


點樣為之推得好?
大前題就係唔會覺得出黎既聲模糊不清，之後就可以留意人聲夠唔夠穿透力，即係會唔會令你聽到覺得感動既，背景乾唔乾淨，會唔會有雜訊啦，低音量感夠唔夠之餘，最重要係有無層次，高音就要聽到會唔會覺得刺耳唔舒服，聽歌最緊要 Enjoy，呢幾點就係試聽時要留意既野。


音樂檔簡介
MP3、AAC 係有損壓縮，好處係 File 細，但係聲音質素係明顯較差，特別係低頻紮實度同高音延伸，會較為鬆散無損音樂檔就好多啦，大路既有 WAV、AIFF、FLAC、ALAC，偏門 D 既又有 Monkey Audio 既 APE，同埋呢期好 hit 既 DSD，大路既 WAV 同 AIFF，係無壓縮無損檔，情況類似家庭影院既 PCM，而 FLAC 同 ALAC，就係有壓縮既無損檔，情況就好似 DTS Master Audio 或者 Dolby TrueHD。


試玩 PHA-1 後的感受嗎?
個人覺得加左呢隻耳擴，音色取向係偏暖既，因此聽落去就更加耐聽，另一特點係背景好明顯乾淨左好多，三頻都更為仔細突出。功能方面，佢側邊有個 Gain 制，要推高阻抗既 Headphone 就有用啦，不過依家好多 Headphone 個 Spec 都係只供參考，最重要都係自己聽落覺得點。另外，佢除左可以駁電腦播 24/96 高清音樂檔外，亦可以駁 iOS 產品，就連用最新既 lightening 頭既產品都支援到，咁就可以跳過呢 d 機內部既 DAC，由 Sony PHA-1 做埋解碼同功率放大，音色當然就更加好啦。

wil-wil

Sony 分享 PHA-1 鮮為人知的特點

PHA-1 採用了 Wolfson 8740 的運放 (OP-AMP)，8740 為 09-10 年的運放，在晶片日新月異的情況下，是什麼因素令貴 公司採用一粒比較舊的型號的運放?


Pure Audio 是 PHA-1 的設計理念，設計師曾考慮加上銀幕與高低音頻控制 (Tone control) 鈕，會讓產品看來更搶眼，功能也可提昇，但因偏離了 Pure Audio 的設計理念而沒有採用。

本產品採用 5V 電源，以隨身機種來說算是偏高，但 Wolfson 8740 這款晶片依然能提供優異的噪訊比，而噪訊比在設計理念上比較重要。


在耳擴的 line-in 方面只支援 I 系列的產品，其實 SONY 自家的產品很多都有 WM port 作為 lineout 輸出，在設計 PHA-1 的line in 時候為何會不支援自家的 WM port 輸出呢?


因為設計師本對 Sony Walkman 內 S-Master 的數碼解碼技術充滿信心，因此設計時就已經考慮將解碼的工作交由 Walkman 自己去處理。


在試聽 PHA-1 的時侯，用過不同耳機去作測試，當中有刻意使用低阻抗，高靈敏度的耳塞去試聽，一般耳擴都都會聽到沙沙聲的「雜訊」，但 PHA-1 去試聽剛沒有出現上述情況，在產品設計上其實用了什麼方法去抑制雜訊呢?


要實現這個理想，最重要的就是要「降低各個零件的雜訊」。而其骨幹，就是 6 層構造的主基板。一般的隨身耳擴大概都是使用 2～4 層的基板，而 PHA-1 的 6 層基板，可以有效降低阻抗，以維持產品運作的穩定。

另外，本產品使用比一般產品還厚的 35um 壓膜銅箔，來提昇阻隔效果，因此能隔絕內部及外來的雜訊。Sony 將產品內部的數位線路與類比線路分離，以避免不必要的線路干擾而產生內部雜訊，並達成高音質的目標。

Pure Audio 的電路設計，最重要的就是，從輸入到輸出的電路都要盡量簡潔，以便配置零件。如果做不到這一點，電路板地線的佈線就會變得很複雜，進而造成聲音的混濁。


為何 PHA-1 只支援 24bit/96KHz 而非 24bit/192KHz?



我們也曾考慮要支援到 192kHz，但其音質的提昇，不像 48kHz 跳到 96kHz 那麼明顯，所以我們在考量現實情況後，決定最高支援到 96kHz/24bit。由於市面上大多數的隨身耳擴都只支援 48kHz，所以我們一開始就考慮讓本產品支援 96kHz。

yard

小瑟兄可唔可以問吓Sony會唔會出番條OTG綫俾Xperia手機直駁呀

SonSon

因為黎唔到，唯有等大家試玩完分享吓感受

fungl

大把嘢玩呀！正呀！來自: iPhone客戶端

fungl

認住呢幾位「毒販」....  哈哈哈


   來自: iPhone客戶端