請問中置係咪一定要擺正中間？

YYSKY

牆身夠位咪做入牆中置呀，必要時DIY定做中置，櫃邊到電視邊有無5寸呀？有咪DIY牆身開個窿塞隻中置入去咪得囉，介意太細做兩隻。

唔用中置不如玩2ch算啦，7.1聲效影碟只得5.1喇叭已經唔過引，仲費埋中置真係唔知點⋯

wkwkevin

YYSKY 發表於 2013-3-8 23:39
牆身夠位咪做入牆中置呀，必要時DIY定做中置，櫃邊到電視邊有無5寸呀？有咪DIY牆身開個窿塞隻中置入去咪得 ...

櫃邊到電視邊有10寸，一定夠擺中置，因為原本我都計算左個位俾佢

其實我都有諗過加埋Front Height Speaker既

YYSKY

wkwkevin 發表於 2013-3-8 23:49
櫃邊到電視邊有10寸，一定夠擺中置，因為原本我都計算左個位俾佢

其實我都有諗過加埋Front He ...

咁就掂喇大大隻中置都塞得入呀，預個大孤窿for 市面至大隻中置都入到，日後升級唔會限制了選擇，內裡貼五邊吸音硬身物料，定做塊靚面板收靚四邊啫醜。

wkwkevin

想問下紅箭咀指住果個係咪師兄之前提過既"低音反射氣孔"？

圖中果隻中置係MS Mezzo 5既背面

wkwkevin

YYSKY 發表於 2013-3-9 00:03
咁就掂喇大大隻中置都塞得入呀，預個大孤窿for 市面至大隻中置都入到，日後升級唔會限制了選擇，內裡貼五 ...

咁就掂喇大大隻中置都塞得入呀，預個大孤窿for 市面至大隻中置都入到，日後升級唔會限制了選擇，內裡貼五邊吸音硬身物料，定做塊靚面板收靚四邊啫醜。

師兄，小弟係超新手，想問下內裡貼五邊吸音硬身物料有乜作用，同埋要用乜野吸音硬身物料？

我應該會做個桃木架俾隻中置，係咪唔需要定做塊靚面板收靚四邊啫醜？

YYSKY

wkwkevin 發表於 2013-3-9 00:13
咁就掂喇大大隻中置都塞得入呀，預個大孤窿for 市面至大隻中置都入到，日後升級唔會限制了選擇，內裡貼五 ...

做個桃木架抬起集喇叭，咁即是明放係TV下邊啦，之前你話肉酸凸出一舊嘢唔好睇，我建議你在牆開個窿塞隻中置入去平衡番個TV面咪靚靚囉，得個窿抬唔起隻中置的，咁要係個窿裡四邊裝塊板封埋個底咪有五邊啦，放隻中置入去就抬起好穩固，咁樣焗住一定有諧振的，只要五邊貼上吸音物料就可解決，但因為下面那塊要承受隻中置重量，所以要硬身的，

望埋去四邊黑色物料唔好睇，可以用四條木線收口啫醜，又可以做塊有個大孔露出隻中置的面板冚上去都得。

唔知我的表達你明唔明

wkwkevin

YYSKY 發表於 2013-3-9 01:27
做個桃木架抬起集喇叭，咁即是明放係TV下邊啦，之前你話肉酸凸出一舊嘢唔好睇，我建議你在牆開個窿塞隻中 ...

非常多謝師兄提點，就一於開個窿，再做個比隻中置大小小嘅入牆小櫃安置佢咪得囉，YEAH！

另外吸音物料可以喺邊度買，自己買要點貼上去？

Thank you so much！

mankoo米高

wkwkevin 發表於 2013-3-8 21:23
多謝各位師兄既回覆，我只得個floorplan，因為就快裝修所以煩惱緊

希望各位師兄俾下意見小弟，感激！ ...

個人意見，如果長度九呎九可以考慮書架喇叭做前置，起碼低音會比較容易處理，而且客廳面積不算太大，大件頭喇叭對整體空間感有一定影響，平平哋一套傑士書架加中置，同樣係金屬盤快聲又好爆，加上有號角高音睇戲一流，易推又易夾，另外可以的話不要做硬入檣櫃，一來唔好聲二來限制了日後更換變通性，考慮電視上檣，地下放隻簡單音響架，美觀好擺位又實際，中置便可以輕鬆地放回中間電視下面了，大把選擇呢

（ 假如真的喜歡MS Mezzo，那可以考慮MS Mezzo 6書架，用腳架獨立托好分別放在影音架兩則地上做前置）