小圈子玩意，幾時變大眾玩意呢!! (P42旦旦原理補完篇)

tomtomsuccess · 發表於 2012-9-16 19:43

今晚有圖有真相，喇叭巨蛋。

Biomega · 發表於 2012-9-16 23:17

回復 141# tomtomsuccess

又話有相睇

tomtomsuccess · 發表於 2012-9-16 23:38

回復 142# Biomega

喇叭巨蛋, 用咗之後音場, 畫面十分壯觀.

呢種效果, 唔係換線可以俾到你. 不過真係要煲返一排, D 聲每日在改變中, 愈嚟愈正呀!

xover · 發表於 2012-9-16 23:51

烏英哽系堅過涼震蠅啦

1

tomtomsuccess · 發表於 2012-9-17 00:21

回復 144# xover

How come you can access internet?

beerboy · 發表於 2012-9-17 01:03

回復 xover

How come you can access internet?
tomtomsuccess 發表於 2012-9-17 00:21

qe3好似唔關加拿大事....

terryc · 發表於 2012-9-17 01:22

本帖最後由 terryc 於 2012-9-17 01:24 編輯

約七日前，小弟收到 ”The God of Yamaha”~ Suikit來電，師兄佢話有一件小玩意要借比小弟玩下。咁唔洗錢有o野玩當然GO GO GO啦！

拜見了Suikit並接過小玩意 ~「旦」後，第一件事我係煩「旦」的安放位置及由「旦」接駁到Amp的PC短仔(短仔有Spec：越短越好) 。因我只借了「旦」個體only~所以當晚我好求其咁用了一條約50CM長的橙色拖板用電線，「鑑粗」造了條$100都唔洗的短仔，便把「旦」接駁2CH Amp開聲……

因開聲時已過了晚上十點，怕嘈親憐居，不敢開大音壓試「旦」，只能試把volume調到約九點位試點輕音樂！頭三十分鐘，小弟感覺係「無乜料到」，所以由得佢播住歌，走左去

……出來時見CD play完，便拿隻聽了十幾年的「老鷹」HELL FREEZES OVER 出來試下第六首歌(Hotel California)~ 當按下play掣後，在音樂未開始時的一段現場觀眾拍手聲、叫囂聲，比平日聽的來得「現場左」叫得「盡左」，在結它響起時，弦聲來得比平日清楚、響亮！腳鼓聲及其能量感、bass都比未插「旦」前有聽得出的改善，而演唱者的人聲、感情就無大改變！因時候唔早，聽完這首歌便收機

……

因工作太忙，過了兩日後，在星期三夜上先有機會再試！而早前Suikit 及其他師兄都有講過，「旦」係要長插濕電，比佢充夠電才可發輝其效果！見「旦」差了約兩日半電，咪再play返同一首(Hotel California) 來試。之前有改善的地方比第一晚更明顯！！而最神奇的連演唱者的感情豐富、細膩左！！所以我便由第六首一直聽到尾，盡奶力記清楚細節後，作出拔「旦」，還原之前原來接駁的測試！

再play返同一首(Hotel California)來試，頭一段現場觀眾拍手聲、叫囂聲「暗」左，好似睇慣左1080p後，叫你睇返480i咁樣樣，結它響弦聲、腳鼓聲、bass、人聲、感情都好似「漏了氣的氣球」、無食飯一樣，無左曬神氣……因以上分別在小弟的垃圾器材上係幾易聽得出，所以我在聽完此CD後，便立即插「旦」再試(Hotel California) ，神氣的感覺返來了，但因「旦」斷過電，無左一開時的感覺~之後連續兩晚，小弟都係反覆試以下一堆 CD，每晚都聽到有小小改善！

到左星期五，小弟得到「旦」設計者的提點，在深水埗用六草野入了一條三呎長，牌仔寫著有帶銀成份PC，再夾了些舊線造了一條新短仔去把「旦」與Amp連接。得出效果比之前用拖板電線多了約8-10%改善！早知自己早D同設計者通電話啦~

到左星期日，終於可以爆鑊金了！著了套垃圾play了隻碟後，放入了一隻1989出的日本Visual Rock ”X” (X-Japan 前身) 的CD

爆著後生時熱的”X ” 、”ENDLESS RAIN” 、”紅” 、”ROSE OF PAIN” 等樂曲……第一次聽到自己套垃圾可播出「咁Live」的感覺！好似身在現場睇住台上HIDE 玩住支煙花結它、YOSHIKI 不停咁踩住兩個腳鼓及TOSHI 拿住支咪在台上自轉一樣，絕對有返老還童Feel~而早兩晚播開的CDs都比未換線前能更易聽得出的改善情況！

總結:
小弟套垃圾加了「旦」在Amp上，整體有約15-20%提升左！最明顯係細音量時的「暗勁」、尾音的餘韻及演湊者及歌手的感情表達！而「旦」在長插電stand by及在工作時都無溫度提升。

唔方便的地方係要安置粒「旦」在近Amp附近(因短仔越短越好) ！而當拔除Socket入「旦」的PC後，要從新比時間「旦」再充電！

Suikit兄，我再唔習慣把「旦」拔走了的聲音，你給我試的「旦」會……