billyyau 發表於 2021-11-9 19:20
影碟講到底只是一個電影盛載媒介，等同一個載外奶茶的外賣杯一樣。
重點理應是奶茶本身而非外賣杯，但呢 ...
咁其實呢個係"影音討論區", 討論嘅自然係"影"同"音"啦，咁"影"同"音"嘅水準又同"載具"有關，咁研究下個"載具"都係好合理㗎喎。
另外如果喜歡一部電影，有師兄想有啲精美啲嘅載具包裝等保存嗰部喜歡嘅電影，應該都唔係唔合理吖，點解師兄講到呢啲行為好似十惡不赦咁呢？
如果師兄著重電影內容，不如去電影討論區吖，嗰邊應該適合啲。
本帖最後由 HDDVD 於 2021-11-9 20:00 編輯
billyyau 發表於 2021-11-9 19:20
影碟講到底只是一個電影盛載媒介，等同一個載外奶茶的外賣杯一樣。
重點理應是奶茶本身而非外賣杯，但呢 ...
難得師兄冇潛水，我想再請問師兄"收藏"與"珍藏"嘅分別。你話只可"收藏"影碟，不應"珍藏"影碟，咁大家應該點做先算係"收藏"影碟而唔係"珍藏"影碟呢？
billyyau 發表於 2021-11-9 19:20
影碟講到底只是一個電影盛載媒介，等同一個載外奶茶的外賣杯一樣。
重點理應是奶茶本身而非外賣杯，但呢 ...
仲有，師兄反對炒賣影碟，但其他非影碟嘅商品炒賣又冇話反對，邏輯與道理何在？
本帖最後由 老五 於 2021-11-9 19:55 編輯
唔知各位知唔知道Marvel以前出的3D碟其實已經有IMAX畫面，除了無限之戰同終局之戰3D無IMAX畫面之外，連黑寡婦都有
本帖最後由 allen89 於 2021-11-10 01:16 編輯
billyyau 發表於 2021-11-9 19:20
影碟講到底只是一個電影盛載媒介，等同一個載外奶茶的外賣杯一樣。
重點理應是奶茶本身而非外賣杯，但呢 ...
到超市有冇不設包裝的現成產品賣？ 如有佔多小成數？已反眏市場現況，百貨養百客，不涉對錯。如你做產品公司，老闆會選擇冇包裝運到零售，那一間零售店會上架。單說包裝設計有課程讀的屬美術專業，世道如此。只有選擇出世或入世，市場部職員也只是依照市場法則行事。
你個人要簡約生活無問題或斷捨離，咪買任何產品或其他超市物品立即拆卸及善用環保袋，將包裝物料放入環保箱。沒有人阻你。
購物不用注意包裝只是你個人消費模式習慣偏好，非標準，我不反對，但人哋因包裝/片目內容而購買同樣也不反對。你欲限制別人消費習慣及遵照你購物觀點，重新一次，個人消費模式是自由自主不涉對錯黑白，你指責別人不善只因異己。非價值觀站在高點。
本帖最後由 teddy 於 2021-11-9 20:29 編輯
billyyau 發表於 2021-11-9 15:48
簡單教你
停產帶來可撥亂反正好處，但撥亂反正不一定要靠停產才能達到。
所以答你，唔係因為撥亂反正，才 ...
一句答你，有demand就有market，人哋真金白銀買碟使乜你呢個得把口支持電影既老翻黨係度多管閒事？
小弟係一個而家多數睇串流，遇有真係特別鍾意嘅電影會買返隻碟嘅人…… 我唔係太明白對於一個覺得睇串流係好嘅人，喺市場上有實體影碟對佢會有乜影響？自由社會，市場上有嘅嘢又冇人攞支鎗迫佢去買…… 我自己就覺得，無論係睇串流定買實體碟都好，大前提係唔睇翻版就得。至於將來仲會唔會有實體碟，係由市場決定，大家根本唔需要爭拗。
要撥亂反正，電影最好都係喺大銀幕睇，唔應該電話睇
但現實電影都係商品之一，由市場決定命運嘅
每個影迷都可以有自己觀看電影嘅preference同意見，allen兄的比喻好好，唔通買錶只係為睇時間咩？買碟都可以唔止因為電影本身，亦可以因為包裝、內容。
實體同串流各有好處壞處，唔同人個秤都唔同，有人寧願多啲串流少啲買碟，有人掉轉
最理想係兩者可以並存，而一日兩者都有市場就會留得低，有demand就有supply，呢個係定律。
allen89 發表於 2021-11-9 20:14
到超市有冇不設包裝的現成產品賣？ 如有佔多小成數？已反眏市場現況，百貨養百客，不涉對錯。如你做產品 ...
其實好簡單
單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影，只有實體碟才是王道，好有優越感的周圍喊口號支持實體碟。
更甚者拉埋影音發燒友落水，講到只有實體碟先滿足到發燒友，真正發燒友只求質素而非包裝，大把玩音響的而家係玩File而非實體碟的。
如果單純求技術質素的話，我又想反問一句，當串流優於實體碟的時候，例如好似今次IMAX技術只支援串流咁，大家是否會即時放棄實體碟？
