想請教各位師兄屋企有冇人用緊卡拉ok
想喺屋企整部卡拉ok， 駁擴音機出聲， 唱粵語歌多！ 由於未玩過，想請教有冇好介紹 想價錢平就要淘! 我都想知！ 除咗硬件之外軟件先係最大問題{:1_332:} 小邪ktm 發表於 2021-7-27 12:39想價錢平就要淘!
淘都ok， 不過真係唔知邊款好，如果有師兄用過，會放心好多{:1_328:} 小弟用inandon音王, 不過其實淘記嗰啲出名牌子如KKH都係差唔多, 介面同用法都係一樣, 雲端下載, 可微信點歌, HDD只係你想save幾多歌. 啲歌好多好新, 一定多過neway~
但問題係你要買既唔止係嗰部一體機, 你如果諗住插落本身套HIFI或者AV amp到就得, 咁就好易出事, 因為HIFI喇叭其實係唔啱用嚟唱K, 一來啲聲好奇怪, 二來係會燒喇叭.
以小弟為例, 我發現唔可以用HIFI嚟唱K, 咁就要買對active speaker返嚟, 然後又想用4支咪, 咁就又要另外買1拖4無線話筒. 但原來就咁插入去active speaker又係唔得既, 結果又要買部前級效果器(mixer)先得....
前前後後都買咗幾次嘢, 用咗差唔多成皮嘢, 不過好彩出嚟既效果都唔錯, 朋友都話仲好過neway~
但其實仲有一樣好重要既嘢你要考慮, 就係你隔音問題, 其實套唱K架生都真係幾大聲, 尤其是低音強勁, 真係好易比人投訴~ 小弟係村屋就會好少少...
As a result, 有可能會用返嗰唱K神咪算... ykluk 發表於 2021-7-27 18:04
小弟用inandon音王, 不過其實淘記嗰啲出名牌子如KKH都係差唔多, 介面同用法都係一樣, 雲端下載, 可微信點歌 ...
我都係幫朋友買咗音王,我朋友冇師兄咁高要求,用部舊av amp加對舊書架,就咁插支咪入部機就用得,非常方便! Karaoke 硬件易搞，都係睇budget 睇餸食飯，係軟件麻煩。
我公司老板有個會所，本身已有mixer / 無線咪 / speaker，上年佢叫我幫手裝Karaoke，第一次慳慳地去鴨記買部有touch screen有audio output 雲端點歌一體機，但畫質差，download慢，唔user friendly，老板下令買過套。
第二套，hitbox 其實行 win7 加個 touch screen，畫質可以，但軟件唔好用，冇雲端點歌，手寫搵歌、左右掃畫面上一頁下一頁、插歌停唱，全部操作都不暢順，最近老板又下令再換過套。
我最近睇緊 isee / ivod 應該都係同一套，行android，聲稱香港本土開發，可用iPhone / iPad點歌，部機內置歌曲，另加可雲端下載。唔知有冇師兄知呢套掂唔掂？如果budget唔係問題，唔知邊套最好？ Versa 發表於 2021-7-28 02:27
Karaoke 硬件易搞，都係睇budget 睇餸食飯，係軟件麻煩。
我公司老板有個會所，本身已有mixer / 無線咪 /...
Isee成2皮野 仲要逐年計錢先有新歌 本帖最後由 Versa 於 2021-7-28 12:39 編輯
蘇忽鯨@FB 發表於 2021-7-28 09:22
Isee成2皮野 仲要逐年計錢先有新歌
ISEE 唔使2皮，淨買佢部機同個system，一萬頭，其他Mixer / mic / speaker 可以自己買。
新買包一年subscription雲端下載，之後每月$100，可以隨時開始 / 停止subscription。或一炮過$3000永久。
其實依家有咩新歌好唱？想唱果D第一年都download晒可以離線唱啦（睇個人需要，我老細只唱80-90年代歌）{:1_333:}
同埋ISEE / iVOD界面靚仔，其他system好大陸feel，不過一般家庭自用，inandon我有朋友用緊，都ok既 Versa 發表於 2021-7-28 02:27
Karaoke 硬件易搞，都係睇budget 睇餸食飯，係軟件麻煩。
我公司老板有個會所，本身已有mixer / 無線咪 /...
咦，我啱啱都睇緊isee喎。。。
老婆成日想我整套比佢玩，我見isee好多chill club嘅新歌，又mirror，又Error，又Serrini咁。
睇到我都想買。。。