本帖最後由 AlanA@G 於 2022-8-28 11:37 編輯
FungKeith@FB 發表於 2022-8-23 07:02
你好師兄我剛剛買左部kx200,
想請教你set 左幾多 echo同reverb?
有無咩tips set 得靚聲d?
我用KX200唱K嗰陣係用叫Professional嘅Preset，一嚟已經滿意所以冇去再Set Echo同Reverb嘅量，最多想重啲80年代唱片Feel就減少少Echo同加多啲Reverb。
想啲聲自然啲就可以校Effect音量-3db至-5db咁，我就盡量避免校做0db咁樣出嚟嘅空間效果會誇張咗，我鍾意原本Mic聲音量稍為大過效果音量，咁樣啲Mic聲真實啲，方便留意自己唱歌有咩位要改善再練好啲。
(提埋部KX200有自己防Feedback(飛咪)專利技術，嗰防Feedback功能有3個等級視乎情況去校，Level 1基本上好夠用 開咗都唔多覺Mic嘅聲有變化，Level 2夠應付大喇叭同Mic距離近嘅情況 不過會Feel到Mic嘅聲高頻稍為弱咗，Level 3 夠應付大喇叭喺身後嘅情況 但係會令到Mic嘅聲清晰度低咗，如果實際上喇叭擺位唔會有Feedback問題就可以唔使開防Feedback功能。)
我嘅唱K環境可能同大家嘅環境未必一樣，最好都自己試下去反覆調校部機反覆唱同一段歌詞，調到啱自己環境嘅設定記得Save做User Preset。
我最近拎到嘅價錢資料：
ISEE點歌機會Preload定啲熱門歌，4TB起跳$13699，要6TB加$2200，想要8TB就加$5200。佢哋都有賣JBL VM300無線咪組賣$4580。
(補充埋雲端曲庫下載續期收費係每個月$100最低消費6個月，可以一次過畀$3000永久續期。)
<$3000係值得，ISEE連80/90年代舊歌LD/DVD再版MV都會做高清修復(理論上70年代舊歌如果有拍到標清質素MV都會陸續做高清修復)，最緊要佢哋有DVD/LD版喺手咁樣就有立體聲嘅原唱聲同伴唱聲交貨，大陸牌子收錄嗰啲VCD版卡拉OK MV因為VCD冇得玩多聲軌所以原唱聲同伴唱聲都係單聲道，單聲道聽落嗰Feel係差好多。新放上雲端曲庫嗰啲高清修復版舊歌MV會被雲端曲庫系統視為新收錄MV，所以雲端曲庫下載過期之後要續返期先下載到過期嗰段期間同埋之後有效期內放上雲端曲庫嘅MV不論新歌定舊歌，可以當係以File放入Server嘅日期去計算。>
另外如果想喺睡房或者其他細房簡單唱K可以考慮用JBL Party-On-The-Go 大件卡拉OK藍牙無線喇叭效果都唔錯，唔使點校設定JBL一嚟已經校好晒，喇叭連1支配套無線Mic賣$3899，加多$699就可以買多一支Mic。
份資料仲有其他唱K野嘅價錢，不過通通列晒出就Too Long喇。想喺卡拉OK使下錢可以上ISEE Karaoke間公司嘅網站睇下佢哋介紹(Google搵Supermaster或者天王科技)。
我得閒會上嚟睇睇，有野想問隨便問啦。
雖然我唔係卡拉OK方面嘅行內人只係業餘愛好人士，但係我會盡量搵下資料嘗試解答。
本帖最後由 AlanA@G 於 2022-8-28 09:49 編輯
AlanA@G 發表於 2022-8-11 11:31
「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好 ...
Edifier S2000MKIII 嘅規格更正下係 15w+15w高音 同埋 50w+50w中低音，Edifier S3000MKII 嘅規格係 8w+8w高音 同埋 120w+120w中低音，前者聲音聽落會覺得比較清晰或者比較透，後者藍牙接收部份升級做BT5.1而且聽落低音比較有力相對上但係高音部份比較單薄，不過後者係用超低延遲嘅制式無線咁過聲音去另一邊喇叭咁樣左右喇叭隔開擺到勁遠都得，可以視乎自己偏好去揀用邊個型號。
兩者都有Hi-Res認證嘅，不過後者有埋XLR輸入更加夾卡拉OK Mixer，雖然Mixer都有紅白聲音輸出但係XLR長距離過聲音訊號會乾淨啲。
AlanA@G 發表於 2022-8-11 11:31
「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好 ...
用漫步者喇叭，點解唔用BMB，JBL專為唱K用喇叭，加埋專用卡拉OK擴音機，效果應該更理想，我玩K注重聲音多d
本帖最後由 AlanA@G 於 2022-8-28 11:27 編輯
avsuperman 發表於 2022-8-28 10:45
用漫步者喇叭，點解唔用BMB，JBL專為唱K用喇叭，加埋專用卡拉OK擴音機，效果應該更理想，我玩K注重聲音多 ...
我唔用嗰啲傳統唱K喇叭就係因為我用喇叭嘅用途唔止唱K而且地方唔係大，漫步者喇叭可以用平平地嘅價錢滿足到多種用途(收電話/平板嘅藍牙訊號方便上網睇下片、電腦外置音效卡紅白線直駁方便睇戲同打機同埋聽Hi-Res嘅音樂、卡拉OK Mixer紅白線直駁方便唱K)，用傳統唱K喇叭音量開得唔夠大嗰Feel又差啲但係音量開大咗又炸到隔離左右，我本身都唔想擺太多器材所以咪揀漫步者喇叭夠滿足用途需要同埋音質要求就得，等將來做到可以有自己嘅隔音大房先再考慮整返Set傳統卡拉OK器材。
其實S2000 MKIII聽落真係唔會輸畀差唔多尺寸嘅傳統唱K喇叭，土地問題同埋空間結構問題限制咗好多野。(ISEE部機已經燒咗我大部份Budget，唱K環境又要唔係四四方方咁。)
用平民級喇叭同埋Mixer做到好聽過Noway啲K房已經好好喇，我唔會要求做到演唱會現場/演奏廳咁。(細地方都係間中招呼朋友上嚟睇戲/打機/唱K平時自己娛樂下，畀到好過K房嘅質素畀人就知足。)
平有平玩，錢多地方大固然好，錢少地方細就要有所取捨，我底線只係唔好差過連鎖K房就OK。
本帖最後由 AlanA@G 於 2022-8-28 11:40 編輯
JonesChan 發表於 2021-7-28 14:48
咦，我啱啱都睇緊isee喎。。。
老婆成日想我整套比佢玩，我見isee好多chill club嘅新歌，又mirror，又Err ...
ISEE有埋Mirror啲演唱會版本，喺網頁點歌嗰系統網站度可以睇到ISEE有乜歌唱，我估你老婆過目完實會推你去買。
(左上方LANG撳落去可以轉顯示語言)
http://5tf.isee888222.com/ge/index
AlanA@G 發表於 2022-8-11 11:31
「TLDR：唔怕貴啲跟連鎖K房揀Isee就會有齊K房啲歌，Mirror、Error、Serrini、MC張天賦同埋林家謙嗰啲歌都好 ...
好吸引，想問下ISEE係咪合法？怕買左冇得update
AlanA@G 發表於 2022-8-28 11:07
我唔用嗰啲傳統唱K喇叭就係因為我用喇叭嘅用途唔止唱K而且地方唔係大，漫步者喇叭可以用平平地嘅價錢滿足 ...
以为用對皮幾野喇叭唱K，原來係有機會唱爛喇叭，最後用marantz專用卡拉OK喇叭，加埋同廠卡拉0K擴音機，真係掂，高中音清晰，低音唔差，至少無用超低都有d力，見C兄用過萬點歌機，但最重要的喇叭部分，好似有d唔同级。我仔房都有漫步者，知道佢表現，真係方便，音質稍為生硬，不過各有所需，滿意就0K
本帖最後由 AlanA@G 於 2022-8-28 17:06 編輯
so0072002 發表於 2022-8-28 12:47
好吸引，想問下ISEE係咪合法？怕買左冇得update
佢哋賣點歌機本身係合法，啲客直接家用唱K都只係灰色地帶，不過喺公眾地方冇交錢申請牌照公開播放就唔合法，天王科技呢間公司做卡拉OK產品起碼由90年代做到今日，佢哋係唔會畀人封艇(本身有特別地位)，一大堆連鎖K房仲要用佢哋嘅嘢需要佢哋去維護。
點歌系統差唔多每半個月就有更新，雲端曲庫每個月都有更新，佢哋嘅大客有連鎖K房、會所、Club同埋酒店根本唔使驚買咗冇得更新，本身買機就會送一年雲端曲庫下載可以享受一年新MV更新先滿意再續期。
卡拉OK行業同音樂產業係互惠共生嘅關係，啲老牌卡拉OK產品公司係越嚟越襟做，可以放心幫襯。
其實鍾睇電影嘅唱K迷都會鍾意ISEE，佢哋有時用電影畫面做剪輯去襯返一啲電影歌，嗰啲歌除咗原版MV(MTV版)仲有電影畫面剪輯版(短片版)揀，有啲電視劇歌都會有電視劇畫面剪輯版，有時MTV版畫面未必係最適合首歌，短片版畫面襯返首歌嘅意境咁樣唱K體驗更好。
AlanA@G 發表於 2022-8-28 01:39
ISEE舊歌超多，基本上佢哋啲舊歌大部份都係LD質素(有啲甚至係DVD質素)遠遠好過大陸牌子嗰啲VCD質素，當年 ...
謝謝你的分享,準備約去專門店看看ISEE實體機.
本帖最後由 AlanA@G 於 2022-8-29 03:42 編輯
fbsimon1 發表於 2022-8-28 14:35
謝謝你的分享,準備約去專門店看看ISEE實體機.
等你到時分享試玩感想/心得
