本帖最後由 AlanA@G 於 2022-8-29 22:26 編輯
如果打算買ISEE點歌機嘅話最好本身有用開WhatsApp或者FB Messenger，天王科技主要係透過即時通訊APP覆客，好似暫時未有Signal同埋Telegram。
如果覺得點歌系統現有功能有乜地方應該要改善可以WhatsApp/FB Messenger同佢哋反映(之前都反映過一啲問題之後好快出更新版本Fix咗)，有歌想唱但係雲端曲庫未收錄都係可以一次過同佢哋講想要嗰堆歌之後等一排就有歌唱。
如果有關於唱K器材接駁同配搭嘅問題都可以問佢哋，佢哋本身都有賣一啲唱K器材佢哋都熟呢方面，有啲投影機專賣店都係ISEE嘅經銷商所以想試玩亦可以搵嗰啲鋪頭。
反觀啲大陸牌子點歌機雖然點歌系統係有「缺歌求助」之類嘅功能掣，但係通常反映完都係等唔到想要嘅歌，多個牌子共用嘅雲端曲庫有時某啲歌仲會因為「不可抗力因素」而抽走咗。
Request補歌都唔容易，更加唔好話反映啲現有功能嘅問題，佢哋大部份牌子都係同一套程式小修改成自己牌子嘅樣，等Fix Bug真係唔知等唔等到。
如果係用大陸啲老牌點歌機(例如：視易、雷石/雷客 & 陽光視瀚)有自己資源嗰啲就會好啲，反映功能問題起碼佢哋有自己嘅工程師去Fix，但係Request補歌就要慢慢等(太多審查問題)。
最後畀一個小Tips，無論用乜點歌機都好由於HDMI輸出Port正路只得一個，要做到K房四面牆有電視機/投影機同時播放卡拉OK版MV畫面嘅話就需要一個HDMI Splitter即係將HDMI訊號一開多份嘅裝置同時餵訊號畀多個HDMI裝置，一開八同埋一開十六嘅型號都有不過唔係禮堂開演唱會就唔使用咁誇張嘅型號，一開六嘅型號夠 四面牆有大畫面 同埋唱歌坐位前面有細畫面 仲有餵埋數碼聲音畀JBL Beyond系列有HDMI輸入嘅卡拉OK擴音機或者係JBL Cinema KTV350有HDMI輸入嘅卡拉OK Soundbar。
AlanA@G 發表於 2022-8-29 21:39
如果打算買ISEE點歌機嘅話最好本身有用開WhatsApp或者FB Messenger，天王科技主要係透過即時通訊APP覆客， ...
點解家中要一開幾，一部電視一部點歌機已經夠玩有凸
本帖最後由 AlanA@G 於 2022-8-30 00:53 編輯
avsuperman 發表於 2022-8-29 22:56
點解家中要一開幾，一部電視一部點歌機已經夠玩有凸
四面有MV畫面咁就同大K房一樣無論面向任何方向都隨時可以睇到歌詞，又或者可以同演唱會一樣任何方向都有提唱歌詞Mon方便表演者。
我一係唔玩家庭卡拉OK，要玩就唔想連Noway都不如，Noway做到嘅視聽效果我都要做到。
(之所以用Noway去稱呼新方向咪就係因為佢玩到冇晒環球啲歌嘅版權(Sony同華納嘅歌版權都冇咗)，跟住有啲歌得返演唱會版，我本身就係唔滿意去K房唱搵唔到想唱嘅歌，又衰啲Friend話紅先生嗰度又搵唔到一啲好想唱嘅歌，咁樣我決定玩家庭卡拉OK一次過有晒兩邊嘅歌無限鐘任唱兼盡情外賣美食同酒水開Party唔使將就去Noway。)
AlanA@G 發表於 2022-8-30 00:48
四面有MV畫面咁就同大K房一樣無論面向任何方向都隨時可以睇到歌詞，又或者可以同演唱會一樣任何方向都有 ...
咁玩，頭都暈，一部75吋8k已經好光，画面夠大好過幾部細機，玩卡拉Ok我認為最重要係音質，同睇戲一樣，音效做嘅投入感比画面震撼，無理由百吋電視用內置喇叭發聲。真想見識下4面牆4部電視，有無相一開眼界
本帖最後由 AlanA@G 於 2022-8-30 18:19 編輯
avsuperman 發表於 2022-8-30 10:21
咁玩，頭都暈，一部75吋8k已經好光，画面夠大好過幾部細機，玩卡拉Ok我認為最重要係音質，同睇戲一樣，音 ...
我暫時用緊啲40幾吋嘅FHD電視同4K電腦MON加上環境唔係咁企理，所以唔方便影相。(卡拉OK版MV暫時大部份片源都係FHD，嗰啲4K版本多數係放大出嚟嘅，所以FHD電視仲係夠用。)
四面要有畫面就唔會用大尺寸電視。(Budget同空間使用問題)
HDMI Splitter都唔一定只係四面牆要有MV畫面咁玩，Multi-Room玩法都得，即係多間房同廳都可以同時一齊播MV，HDMI本身有埋聲音咁樣喺房用一啲更平嘅入門級器材唱K都得。
四面有畫面嘅參考片(幻彩Wing啷啷嘅部份可以忽視)：
https://fb.watch/fdviyQgGCr
今日去咗show room,睇ISEE,地點是觀塘,我重點問咗我想問的問題,Karaoke amp 選咗 BMB DAR-350H, 點唱機選咗 ISEE, 這兩款算是已經確定.由於我自己的廳算細,所以之前選擇咗漫步者S650DB,等有M才更新,但今天Show room的朋友,又建議可以用JBL PartyBox 代替,而且可以一個個買,令到我個心又十五十六..另一個未能決定是咪高峰,Shure 有線咪我應該夠錢買,但是無線更吸引,但要近5000買無線咪,真是肉痛,有沒有比較便宜的咪作為選擇呢,各位有沒有好介紹..
本帖最後由 AlanA@G 於 2022-8-30 21:28 編輯
fbsimon1 發表於 2022-8-30 20:52
今日去咗show room,睇ISEE,地點是觀塘,我重點問咗我想問的問題,Karaoke amp 選咗 BMB DAR-350H, 點唱機選咗 ...
當然有解決方法，有UHF無線XLR訊號發射器+接收器組合，喺Amazon賣$440至450港紙左右，用佢可以慳錢去買靚聲有線咪，有線咪駁呢Set野就可以升級做UHF無線Mic。
例如呢個：
XTUGA PR260 UHF Wireless XLR Transmitter and Receiver
https://a.co/d/cepujdY
https://m.media-amazon.com/images/I/71NjLfU0xAL._AC_SL1500_.jpg
AlanA@G 發表於 2022-8-30 21:26
當然有解決方法，有UHF無線XLR訊號發射器+接收器組合，喺Amazon賣$440至450港紙左右，用佢可以慳錢去買靚 ...
謝謝.
很有用的資訊
本帖最後由 AlanA@G 於 2022-9-7 23:53 編輯
可以喺度講返如果唔係咁執著一定要唱K齊晒廣東歌又或者唔係想緊貼串流音樂平台流行榜又或者簡體唱K字幕都冇乜所謂嘅話，其實真係可以先考慮ISEE以外嘅點歌(唱)機牌子，應該呢度嘅網友多數都偏向先燒錢喺音響度>之後係顯示裝置度>再跟住先係點唱機度(呢Part燒錢多數人會牙痛)。
我只係講 點唱機 揀牌子建議。(因為呢Part比較在意)
咁如果只想要功能豐富嘅話，預算充足可以揀視易，想慳預算可以揀音王，兩者都係有本地進口代理假如有問題要換機/整機都冇咁麻煩。
只係想有足夠經典歌嘅話，預算充足可以揀 雷客(雷石) 佢嘅雲端曲庫歌都比較齊同埋音畫質都有一定質素，想慳預算就 Westding 起碼有官方網站上有人跟進雲端曲庫嘅問題，兩者都係唔齊歌可以向佢哋公司CS反映有機會等到想唱嘅嘅歌，同埋其他售後服務方面做得算好。
預祝大家嚟緊中秋開Party唱K會唱得盡興。
