本帖最後由 matt88p 於 2017-8-12 03:13 編輯
其實都唔駛解釋咁多,都話講到尾都係自己少少聽感,有人覺得咖哩魚蛋好食, 有人鍾意加豬皮蘿蔔,其實冇話乜嘢最好,天龍, 馬蘭士, Yamaha, 安橋, anthem,Arcam,都必定有自己嘅好處,每個人心目中都有自己鍾意嘅嘢, 不過喺眾多牌子入面小弟揀咗pioneer, 因為真心覺得佢嘅功能獨當一面,咁好正常你唔鍾意佢唔欣賞佢, 你唔會揀, 係咪????咁人哋問你佢嘅優點嘅時候,你會寫佢嘅優點亦都係咪好正常呢????
講真我寫長篇大論回應其實只係因為畀某人講咗一句"問得好", 咁當要解答嘅時候,梗係會講返一啲自己覺得兩個牌子唔同嘅嘢,裏面未必一定啱曬,揸的士個人都未必識整的士,但係多多少少一定講得到的士性能同巴士嘅分別, 但係唔代表我叫人唔好坐巴士,其實我從來都係學嘢心態,好似Anthony兄set投影機好靚,專心問多啲學囉,MDLP兄set pioneer好專業,知識very pro, 咪又係專心問多啲學囉,所以我同樣尊重!!
我只係好怕一啲又要問你, 但係問完你又唔信你, 唔信你但係自己又要走去試,試完之後又要叫你幫佢搞,但係最後反轉豬肚話你係衰人.......Anyway, 都係一句,最好我可以識曬世界上所有音響知識,但係永遠冇可能,所以永遠只能夠回答一啲自己識嘅嘢, 唔一定啱,錯嘅大師們亦都可以矯正小弟,小弟真係唔介意學多啲嘢,真心話!!{:1_254:}
qq1122yq 發表於 2017-8-11 17:46
你好師兄，我只是食花生路過的呢
照意思 現實看到閃電，之後行雷
Q姐好耐無見{:8_394:}
matt88p 發表於 2017-8-11 23:40
其實都唔駛解釋咁多,都話講到尾都係自己少少聽感,有人覺得咖哩魚蛋好食, 有人鍾意加豬皮蘿蔔,其實冇 ...
其實鐘意問的話都可以問吓樓主個主題: "真正的戲院音效感受"
真正的戲院音效係點樣界定？
本帖最後由 wman 於 2017-8-12 09:09 編輯
MDLP 發表於 2017-8-10 13:24
https://unwire.hk/2017/08/10/cinema-city-jp/movie-2/
話時話有新戲院用Barco4Klaser同JBL8320
多謝大師指㸃迷津我去呢間戲院聽及看裡面所設置的戲院级别設備 ，到時我ㄧ定會細心欣賞及感受這戲院的的音效 ，多謝推介 {:6_134:}
matt88p 發表於 2017-8-11 23:40
其實都唔駛解釋咁多,都話講到尾都係自己少少聽感,有人覺得咖哩魚蛋好食, 有人鍾意加豬皮蘿蔔,其實冇 ...
Matt兄
百家百貨 百貨百客
人家用甚麼小弟無權過問，亦無興趣過問，大家本著互相尊重各人選擇
自己喜愛嘅讚多兩句，自己唔鍾意唔啱聽嘅亦唔駛有意無意踩兩腳。
全世界得一個牌子亦唔係好事。
講返我問Matt兄你嘅問題，好多時太多post時間少，好多post無睇內容評個分就算，
睇得嘅我都會用心去睇，唔明所以會問。
Matt兄你講
講返粒晶片處理器,如果講睇戲分析力,好多高手都應該知道, ES9016s晶片絕對比AKM晶片強,ES晶片分析力較高,咁當然公平講一句,AKM晶片喺音樂分析上應該會高班過ES小小,但係大前提係,天龍本身又唔係著重還原音樂感.....
呢一句睇落好似一個帶有權威性嘅講法，因為"好多高手都知應該知道"
所以小弟先想問清楚甚麼是
因為小弟唔係高手，所以唔明，如果話ESS比較有分析力，而AKM比較有音樂感可能我會明啲
小弟理解
分析力一般係多細節，速度快，尾味短，缺點可能係簿聲
音樂感係尾音長，速度慢，聲音可能厚啲。
小弟大約五年前用的DAC Mytek 192DSD 用的正是ESS9016(唔記得有無S)DAC芯片
Mytek 192DSD應該係第一件用ESS9016嘅產品
無幾耐換咗Benchmark DAC2 HGC都係ESS9018
http://chhanthony.blogspot.hk/2012/12/mytek-stereo-192-dsd-vs-benchmark-dac2.html
一年後換了雙ESS9018的L.K.S.
http://chhanthony.blogspot.hk/2013/09/lks-audio-mh-da002.html
而Anthem用嘅應該係AKM4490EQ
小弟正正用過晒Matt兄所講嘅DAC，只知道佢地係一粒集成度高跑spec嘅八聲道DAC，但真係唔知AKM音樂分析力好啲而ESS睇戲時嘅分析力絕對強啲。
本帖最後由 matt88p 於 2017-8-12 11:34 編輯
chhanthony 發表於 2017-8-12 09:56
Matt兄
百家百貨 百貨百客
其實Anthony兄,唔係話權威說法,你誤會咗我喇,講到尾都係自己少少感覺啫,其實攞出數據出處真係冇得好講, 因為根本冇啱同錯,我攞番的士巴士做例子, 可能有人上網講好多數據講到巴士點樣唔好的士點樣好,亦都有好多數據調轉講,咁好簡單,睇數據嘅人, 心裏面buy啲乜嘢咪覺得邊個數據啱囉, 其實喺呢度已經可以引起好多的士巴士嘅爭拗, 講真音響世界, 真正PRO嘅人有幾多?? 我自己就肯定唔係!!真正客觀嘅有幾多?? 我相信每個人都帶有一份主觀!! 包括我自己都想盡量客觀, 但係有時真係好難, 我亦都相信好多高手其實都係靠經驗累積,上網研究文章增加自己嘅知識, 好簡單試問有邊個高手買部av amp返嚟會拆開佢睇下裏面有啲乜嘢先,之後逐粒嘢攞出嚟,研究下跟住睇下係咩嚟, 每一個部分解釋清楚點樣用,裏面係有啲乜嘢, 係咩原理, 乜嘢設定,點樣分工, 我相信真正知道嘅人就淨係得工程師, 就算唔同牌子嘅工程師要鬥理論,我諗兩班人已經可以拗到天昏地暗, 咁最後有冇結論??冇......!!!!
唔扯咁遠,講返我自己對兩粒晶片理解同埋感覺,第一當然係喺76呢度睇好多資料, 第二就係上網睇好多唔同網站資料, 第3 好簡單因為兩部我自己用過嘅onkyo 3100 and pioneer 901, 兩部機正正用嘅就係onkyo AK4490, AK4458 / pioneer ES9016, 簡單講我嘅感覺就係我之前寫出嚟嘅嘢,ES分析明顯較強, AK喺某啲層面上音樂感較為豐富, 但係喺睇戲尤其是大場面嘅時候,相對比較失色,聲音亦都比較慢,但係有一點我要非常非常非常清楚講出,呢個係"小弟嘅聽感,小弟嘅聽感, 小弟嘅聽感",我要重複三次, 我亦都相信我對我"自己隻耳仔"絕對有資格有自己嘅聽感,有自己嘅分析,有自己覺得好同唔好嘅嘢!! 講到尾我會講一大篇嘢,只係因為有師兄問我天龍同先鋒嘅取向分別, 咁我都係講一啲自己心目中認為係啱嘅嘢,其實係咪代表我唔啱我唔應該講?? 論壇係畀人分享, 我相信每個人心裏面都明白呢一點,只不過好多時係過唔到自己畀人挑戰或者挑撥嘅時候一瞬間嘅感覺,如果大家都能夠平心而論(雖然冇可能),我諗能夠學到嘅嘢會更多更多!!{:9_428:}{:8_388:}
有時小弟成日同朋友講笑,如果大家都係一部av amp,有情緒嗰陣cal一cal,可能EQ真係會高好多!!{:8_374:}
matt88p 發表於 2017-8-12 11:09
其實Anthony兄,唔係話權威說法,你誤會咗我喇,講到尾都係自己少少感覺啫,其實攞出數據出處真係冇得 ...
呀Matt兄
由頭到尾，小弟無懷疑過你嘅聽感，
亦無講過一個字話你有乜講錯，
小弟只係想知道什麼是音樂分析力同睇戲分析力
但過咗兩三頁都未有答案，所以唔浪費時間了。
本帖最後由 matt88p 於 2017-8-12 16:06 編輯
chhanthony 發表於 2017-8-12 11:37
呀Matt兄
由頭到尾，小弟無懷疑過你嘅聽感，
Anthony 兄,咪就係答咗你,咪就係我嘅聽感囉,冇理性數據㗎,可以話係純粹我主觀嘅感覺, 其實我呢個小貓角色所認為嘅睇戲分析同音樂分析係咪咁重要呢,正等如我覺得妮歌潔曼靚過茱莉亞羅拔絲,如果人哋要問我點樣界定, 咁真係好難答喎大佬......
Anyway,我都係講一啲自己嘅感覺啫!!況且就算我一大咋數據出嚟都冇意思,因為一樣可以有好多一大咋數據推翻我{:1_260:}{:1_332:}
正等於十仔set位相位,喺我自己聽過嘅人入面真係set得好嘅人真係冇幾多個,An兄你係set得好嘅其中一個, 咁呢個咪又係我自己嘅聽感囉,咁但係一樣有人反對我!!
我亦都識得好多人屋企淨係一味聽到低音乜都聽唔到,亦都有啲以為屋企放一隻15吋加幾隻院系列喇叭,乜都唔使set就好勁, 音校可以同戲院一樣 ,雖然邏輯上錯曬 但係都係冇對錯!!自己鍾意我咬佢食!!
咁又等於,如果我問你,前置喇叭點樣界定set small / large,我同樣相信呢個話題爭論十年都冇結論, 咁樣大家又點界定???
matt88p 發表於 2017-8-12 11:48
Anthony 兄,咪就係答咗你,咪就係我嘅聽感囉,冇理性數據㗎,可以話係純粹我主觀嘅感覺, 其實我呢個 ...
Matt兄，
因為我真係唔識乜嘢係
音樂分析力同睇戲分析力
由頭都尾都無話要有數據。
亦無質疑過Matt兄你嘅聽感。
本帖最後由 matt88p 於 2017-8-12 15:26 編輯
chhanthony 發表於 2017-8-12 13:34
Matt兄，
因為我真係唔識乜嘢係
音樂分析力同睇戲分析力
OK,如果一定要我抽象化咁講,咁我會話睇戲就興奮,聽歌就過癮,咁就係電影感
, 音樂感囉..... 所以話純粹個人聽感{:1_339:}
