中字加鐵有 Batman 同 Troy...{:6_178:}{:6_178:}
哈哈...{:6_174:}
原來重有 Full Metal Jacket, Blade Runner 都有中字
天姬戰加鐵加價到26.99加元了
本帖最後由 victor_wong 於 2011-10-29 21:05 編輯
幾個星期冇入貨, 點都要開心吓啦; Don't look now (血光鬼影奪命刀) 英遜十磅唔駛, 平郵一星期唔駛就到, 奇蹟! 不老症聽落幾得意; Obsession (迷情記) 包裝幾特別, 可惜畫質同 DVD 分別唔太大, 聲就有進步, 呢套係 Brian de Palma 苦心要免強向 希治閣 抄(致敬) 的作品, 連音樂都搵埋 Bernard Herrmann 嚟搞, 都咪話唔比佢吹脹;
The Island (謊島叛變) 無需要再介紹啦; Das Boot (U 潛艇) 同 Just go with it (愛情大龍鳳) 跟本就係一隻台版, 年代 / Sony 死性不改, 愛片直情閂咗中字感覺仲好, 台字翻譯得一點都唔好笑, 白白浪費咗一套笑片; A Fish called Wanda (靚女大賊神仙魚) 好多朋友講到咁好笑, 一定要試試啦.
Adjustment Bureau (天網逆緣) 戲院睇完睇碟, 廣東話字幕感覺好好, 呢套唔係玩聲, 但氣氛仍感覺好好; High and Low (天國與地獄), Barnes and Noble 出唔到貨, 結果要買貴碟, 呢套等咗咁耐, 之前戲院睇過, 再嚟 美亞 VCD, 呢個版本係最完美架啦; Andrei Tarkovsky 嘅 The Sacrifice (犧牲) 唔係人人啱睇, 不過正係我杯茶, 唔怕慢嘅觀眾, 不妨挑戰自己嘅能耐, 咪以為講第三次世界大戰一定會好緊張刺激, 145 分鐘對白少, 鏡頭移動少同慢, 夠膽就睇啦. 下星期有 英雄本色, 終於等到啦, 仲要有 SF, 唔同日版, 希望如果冇延期嘅話{:1_351:}
Don't look now (血光鬼影奪命刀)好似好激㗎喎？
貼紙寫明「索尼」，咁啲繁中字幕梗係台式，唔啱口味真係冇計! 師兄呢批貨都好多元化喎!
新版The Island好期待出中字版{:6_190:}
Both book ver are so good!{:1_326:}
本帖最後由 victor_wong 於 2011-9-2 09:08 編輯
到底 DVD 壽命可以有幾長, 呢個問題實在好難答; 但要港產經典要 SF, 就非 Hong Kong Legend 莫屬; 膽粗粗在 英國 amazon 買二手 DVD, 安全到達仲要完全冇花, 認真算走運; 隻英版 DVD 雖則有大量 SF, 但畫汁我個人覺得距離滿意真係有非常大距離, 用 1080P 睇直情窒吓窒吓, 要去返 480P 至冇事, 唔知同 PAL 碟有冇關係; 但作為 A 計劃 Fans, 呢套必然定要收藏, 至於 blu-ray 版本, 大致上聲畫都算滿意, 冇太大投訴, 唯一係 SF 太少, 同封面超樣衰....因此我知道, 訂英版 DVD, 都只係為 SF 咋. 剛訂咗同樣之前 Hong Kong Legend 出品嘅 飛龍猛將 同 龍的心, 飛龍猛將 係 2 碟版噢! 期望會出堆同樣係 絕版及 2 碟版 嘅 快餐車.
同場師弟 1986 年 執法先鋒; 美版 DVD SF 勁多, 記得細個時好鐘意呢套戲, 因為強調惡有惡報, 而且可以隨便搞掂 D 壞人, 但老實講呢套戲其實個世界觀非常憤世嫉俗, 所謂嘅公義都其實只係執行暴力手段嘅一個理由, 如果香港真係發生 D 咁嘅事, 就真係死得人多啦, 或者只有咁嘅結局, 先至可以叫做合情合理啦;其中一場 羅芙洛 同鬼婆 (註:戲中兩個最後都死晒) 對打, 見 羅芙洛 慢鏡頭 幾層樓飛身扑落去鬼婆度, 唔知有冇用 威也 啦, 因為如果冇用 威也, 真係分分鐘跳過少少就死得人啦.
另外, 其實我都好鐘意個張原裝戲院 Poster, 可惜blu-ray 封面又試亂嚟, 網上周圍搵, 都搵唔到張圖片可以睇吓, 可惜! 以戲論戲, 呢套真係慘烈, 死得人多, 而且死法殘忍, 不論好人, 壞人定無辜或抵死嘅人, 一律全部要死, 以師兄弟作品嚟講, 一 D 都唔輕鬆搞笑, (註: Bey Logan 話, 片尾飛機廠打鬥一場由 洪金寶 操刀) 套戲咁 D 主角全部死得咁慘, 難怪當年票房好一般, 而且當年好似係聖誕前上, 之後即被 神探朱古力 蓋返, 另外一樣嘢係, 我好記得當年呢套嘢上映時係冇 寶禾出品字樣嘅, 應該係由 嘉禾出品, 再由 元彪 自己公司 泰禾公司攝制嘅. {:1_351:}
唯有借 (偷) 圖一用啦.
http://img01.taobaocdn.com/bao/uploaded/i1/T1xtNFXd8cXXaX1QDa_122032.jpg_310x310.jpg
Victor Ching..... HKV 飛龍猛將, 快餐車{:6_175:}
