本帖最後由 ghhf 於 2014-10-4 22:42 編輯
小弟好小心咁搞咗成曰, 終於完成最後成品接線, 16粒D型電池切埋一齊, 睇落真係幾嚇人. 提供獨立+15V及+5V分別比DAC及USB. 雖然未買長索帶緊扣電池, 但無阻小弟以興奮心情去體驗系統"終極"效果 ..... {:6_122:}
參考更新電池補完計劃:
http://post76.hk/forum.php?mod=redirect&goto=findpost&ptid=189701&pid=3176562&fromuid=87952
本帖最後由 ghhf 於 2014-10-25 15:23 編輯
Globe WE 274A開箱試聽與品評
http://post76.hk/forum.php?mod=redirect&goto=findpost&ptid=189701&pid=3267425&fromuid=87952
本帖最後由 ghhf 於 2014-10-19 09:57 編輯
johnmo 發表於 2014-9-29 22:14 static/image/common/back.gif
等待聽感
經過再努力, 用紅黑熱縮膠加強絕緣保護, 及索帶加固電池組, "電池補完"成品最終完成. 將過去一個星期用成品電池組得到"終極"效果同各位C兄分享一下 ..... {:6_128:}
首先要説明, 試聽結果既"最強"組合巳經變為WE 274B + Tung Sol 6EM7(Tung Sol 6EM7比原來既Tung Sol 6GL7係空間感覺同淨度要更勝一籌). "最強"組合配合成品電池組前端DAC及USB供電, 去到呢個階段, 覺得巳經完全變成一個新系統, 唔適合單純用一個百分比數值去評價系統效果提升幅度 ….. {:6_146:}
最明顯係飽滿度密度大幅度提升, 人聲還原非常實在到位, 韻味感染力非常突出, 場感背景更深闊, 聽到更多細節而且層次分明, 從未感受過如此彈性節奏感, 均衡音調響應, 整合深淨空間充滿非常統一協調動量場感, 表現得如此豐厚和順柔勁鬆容氣度 …… "終極"效果索造出一件幾近"完美"的藝術品 ..... 可以用最新詞彙形容"晶瑩圓潤, 立體玲瓏" ….. {:6_165:}
不過"終極"效果又多咗一個新變數, "最強"組合好快可能有新變化, 小弟得到"燈膽頭" Globe WE 274A, 預計2星期後就會到手, 到時要細心體會繼WE 274B之後Globe WE 274A可以去到點樣景地 ..... {:6_122:}
本帖最後由 ghhf 於 2014-10-25 22:04 編輯
換咗高電量成品電池組前端供電之後, 對現有"經典試聽大計"各膽相對表現有好明顯影響(原來表現一般, 突然效果大躍升, 原來表現理想的, 反而沒有大改進), 加上新入手WE 274A Globe, 小弟決定重置現有"經典試聽大計"各膽相品評記錄, 重新以Tung Sol 6EM7配對功率膽達到最好效果, 不過仍然用官方Sophia 274B整流膽(2)及WE 274B(5)作為相對低高品評基準(以小弟非常主觀有限聽感及好惡作為度量).
除咗WE 274A Globe, 會再加入多5粒出名好聲其他整流膽到試聽品評記錄, 再地氈式逐一試聽品評係"終極"系統下各膽相對表現, 請留意"經典試聽大計"品評記錄更新 ..... {:6_165:}
"經典試聽大計"
http://post76.hk/forum.php?mod=redirect&goto=findpost&ptid=189701&pid=3225216&fromuid=87952
"電池補完計劃"
http://post76.hk/forum.php?mod=redirect&goto=findpost&ptid=189701&pid=3176562&fromuid=87952
本帖最後由 ghhf 於 2014-11-1 19:33 編輯
Globe WE 274A開箱試聽與品評
"終極"效果又多咗一個新變數, WE 274B/ TS 6EM7/ HD800既"最強組合"好快可能有新變化, 因為小弟以個人最大能負擔能力入咗"燈膽頭" Globe WE 274A ..... {:6_122:} ..... 其實小弟一早巳經準備好個274A去5U4G腳轉換頭, 等咗幾個月, 終於有機會入到終極藏品 ..... {:6_165:} ......預計2星期後就會到手, 到時要細心體會繼WE 274B之後Globe WE 274A可以去到點樣景地 ...... {:6_122:}
二星期後開箱
今曰一次過收到四個郵包, 其中一個就係"燈膽頭" Globe WE 274A, 小弟估應該係最大果箱, 如果真係, 咁個賣家就真係非常認真 ..... {:6_146:}..... 開箱結果睇圖好過千言萬語.
真係感激賣家, 原來係用三層箱包裝!!! 收到呢粒Globe WE 274A, 無明顯使用痕跡, 品相一流幾近完美. 開完箱緊係第一時間加上274A去5U4G腳轉換頭, 再插上WA6 SE, 即刻開機, 急不及待戴上HD800, 試聽 ......{:6_158:}{:6_158:}{:6_158:} .....兩兄弟較量, 最強組合會唔會改寫?! {:6_136:}{:6_136:}{:6_136:}
本帖最後由 ghhf 於 2015-4-5 20:33 編輯
第一曰試聽
聼咗Globe WE 274A幾個鐘之後, 巳經有咗初步結論, 小弟又嘗試用最簡單又傳神詞彙來形容, 至高境界"身歷聲中, 現場一樣"正好用來比喻Globe WE 274A組合, 各位C兄可以先細味其中境界 ..... {:6_128:}
不過小弟會用跟住呢一個星期, 返覆試聽Globe WE 274A及WE 274B確定細節, 然後再比詳細品評 ..... {:6_146:}
第二曰試聽
今曰係星期日, 首先係重新確認"最強組合", 返覆聽過Globe WE 274A配功率膽Tung Sol 6GL7及Tung Sol 6EM7, 及WE 274B相對應表現, 小弟認定新的"最強組合"就係Globe WE 274A/ Tung Sol 6EM7/ HD800 ...... {:6_146:} ...... 雖然已經去到咁高音質水平, 又係WE兩兄弟相互對決, Globe WE 274A與WE 274B效果分別係有d超出小弟想像, 不過都逃唔出小弟聽感觸覺, 原來仲可以咁樣超越WE 274B既"晶瑩圓潤, 立體玲瓏"(所謂"超越"當然係以小弟非常主觀, 獨斷的品味作為度量), 現階段只可以作咁樣品評, 確認完新的"最強組合", 跟住幾曰就會詳細比較其中細節..... {:6_128:}
第三曰試聽
Globe WE 274A經過一連幾曰試聽咗廿零個鐘, 特性越來越明顯, 為咗嚴謹求真, 小弟返覆試聽Globe WE 274A同之前收咗既3粒WE 274B, 逐一比較, 要確定效果唔係偶然單一現象 ..... 係咪"三個臭皮匠, 對一個朱葛亮"? 事實既一部份係, Globe WE 274A市場價格的確係WE 274B既三倍 ..... 一定有C兄問同一個老問題, 值唔值? 小弟一定係老答案回應, 所以唔再重覆啦! {:6_146:}
第七曰試聽
再連續幾日返覆試聽Globe WE 274A同之前收咗既WE 274B, 逐一比較, 其實3粒WE 274B本身都有差異(2號最開聲，1同3號係NOS出聲明顯比較緊)，但都可以確定Globe WE 274A既獨特效果唔係偶然單一現象。今次可能係小弟玩膽生涯中既一次最有趣，最有爭議性既品評，決定再聽多一個星期，下期六日有多d時間先執筆给出詳細評語。
第十四曰試聽
今日星期六有多d時間, 又係小弟詳細品評噴口水既時候. 先講下背景, 自入手WE 274B以來, 更新咗DAC由AK-100變成Young DSD, 前端RCA及USB號線升級, 以至"電池補完"既成功設置, 整體底氣得到大幅度提升, 係咁高音質輸入水平, 膽管之間效果差距巳經明顯收窄(以前聽十幾分鐘就好輕易感受到分別, 而家可能要專心聽上成個鐘先夠膽判斷), 系統效果似乎巳去到一個極點幾近完美"晶瑩圓潤, 立體玲瓏"境界. {:6_122:}
雖然得到Globe WE 274A, 又係WE 274B兄弟, 百尺竿頭, 更進一步, 其實巳經無好大期待, 本來Globe WE 274A只係想作為紀念科技文明歷史珍藏品 {:6_139:}, 點知果日開箱第一次試聽, 即時感受就係"若有所得" {:6_158:}, 再而係"若有所失". {:6_128:}
正式踏入主題之前, 又先禮後兵利益申報, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益, 小弟言論只能作為參考, 一切應該以各位C兄自己耳聽為實! {:6_142:}
若有所得, 密度最強
首先講比較實在的, 容易理解既"若有所得". 所得者係"密度最強"! 自玩膽以來, 聽過不下三數十膽管, Globe WE 274A就係其中既"密度最強", 其實從佢既圓杯形集(相對於WE 274B既"曰"字集 )巳經可以大概解釋兩者效果差異. 由於Globe WE 274A既"密度最強"(更何况Globe WE 274A係質料上亦與WE 274B有明顯分别), 系統整體密度自"電池補完"後得到進一步提升, 各位先進既C兄, 必然了解密度提升後既效果, 特別係人聲還原, 韻味演譯方面,Globe WE 274A出聲既每一粒音節都係咁托托實實沒有絲毫苟且, 每一處都充分展示出Globe WE 274A背後強勁豐厚實力, 整體效果就表現得更"濃", 更"潤"及更"順", WE 274B忽然就變成"疏", "飄"及"脆". 將原來係"無膽能及"既WE 274B一下子就比下去! {:6_136:}
要係度特別指出, WE 274B相對於其他聽過膽管都係相對地"濃", "潤"及"順". 直到遇到Globe WE 274A, WE 274B既"疏", "飄"及"脆"係相對既比較感受. 況且係咁高音質水平條件要求上, 所謂既"疏", "飄"及"脆" 其實係個人品味上既偏好, 多於真正技術上缺陷! {:6_146:}
Globe WE 274A雖然係"密度最強", 亦只能係技術程度層面相對WE 274B既差異. Globe WE 274A真正的境界層次"超越性"不在於"若有所得"既"密度最強", 而係在於其中既"若有所失". "若有所失"與初試品評結論既至高境界"身歷聲中, 現場一樣"又有咩關係?! 雖然巳經返覆比較有咗結論, 係跟住呢個星期, 要做更多確切試驗. {:6_128:}
第十八曰試聽
若有所失, 消失的完點
經過多番返覆配對試聽, 今日終於係D7100配Tung Sol 5U4G頂方集整流膽組合上搵到"消失的完點", 真係意義重大! 小弟用神探伽利略既口吻講法, 一切迷團巳經解開!!! 小弟要進一步補充, 其中既"完", 係完全, 完整, 完美之意 .....{:6_146:}
明明係試聽緊HD800配Globe WE 274A最強組合, 點解又走咗去聽D7100配Tung Sol 5U4G?! 呢兩個組合, 雖然音色不盡相同, 但而家係小弟眼中, 佢地係完全"等價"的! 前文提到既"若有所失", 其實就係指"消失的完點", "消失的完點"又係咩? 既然消失了, 又點可以搵到? 同最高境界"身歷聲中, 現場一樣"又有咩關係?! {:6_128:}
第二十一曰試聽
正式分享詳盡品評, 由於係非常主觀感性部份, 係揭開所有迷團之前, 遁例又係利益申報, 各位C兄如果覺得煩悶, 請直接跳到下一段. 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益, 小弟言論只能作為參考, 一切應該以各位C兄自己耳聽為實! {:6_142:}
皇者氣度
故事一開始係咁的, 開箱試聽Globe WE 274A即時就比佢既"密度"吸引住, 感受到前所未有既"實在"感, 請注意, 唔好誤會, 實在唔係指沉實, 低沉, Globe WE 274A初出聲係有d緊, 所以堅持要試聽2-3星期後先比最後總評. 事實上Globe WE 274A同樣有着WE 274B既層次立體空間感, 超強動態及音頻響應, 而且密度更性一籌, 整體效果要比WE 274B更富有殿堂級韻味, 展示出一份充滿自信陽剛實力皇者氣度! 不過呢份"若有所得"既"最強密度"只係故事的開始 ….. {:6_146:}
抓不到一點, 卻有了全部
終於來到故事既主體, 發生既又係另一件事, 係大約試聽Globe WE 274A一個鐘之後, 覺得一切都恰到好處, 自然流暢, 不費一點精神, 無須用心專注去享受或欣賞, 就自然流露出非常陶醉感動既"臨場"境界, "身歷聲中, 現場一樣", 係開箱初試概括性品評, 更確實既敘述應該係:
不在外, 不在內;
不在前, 不在後;
不在左, 不在右;
沒有多, 沒有少;
抓不到一點, 卻有了全部; 身歷聲中, 現場一樣.
呢種不費一點精神, 無須用心專注, 自然陶醉感動既"臨場"效果, 之前WE 274B係習慣用專注力欣賞, 面對Globe WE 274A反而覺得係"若有所失", 一時唔識得點去更確切形容確定. 本住求真既科學精神, 腦內自然就浮現出好多疑問, 係Globe WE 274A獨有? 只係偶然一時腦放效果? 定係有其他客觀條件造就而成?! {:6_141:}
之後用咗成個星期遂一比較咗3粒WE 274B, 先確定係Globe WE 274A組合既效果. "晶瑩圓潤, 立體玲瓏"既WE 274B就好似正到痺既索女表演, 展示令人噴血流口水性感身段, Globe WE 274A既效果反而係好似再搵唔到索女("消失的完點").雖然WE 274B係近在咫尺, 幾近完美正到痺既索女, 始終仲有一份疏離感; Globe WE 274A就係"零距離"(dead-on), 根本係無須費神去搵索女, 索女就巳經與"我"同在! 係"零距離"狀態下, 根本就巳經無主客之分, 亦無所謂索女"對象"可以去欣賞, 只有純粹"臨場"的一體感動! "抓不到一點, 卻有了全部; 身歷聲中, 現場一樣"! {:6_128:}
係主觀獨斷時空尺度中, 認定呢種效果就係聽感既至高境界, 而"消失的完點"就係其中既充分必要條件. 證明如下: 首先, "消失的完點"意味"零距離"(可排除"無限遠"點, 因為其效果必定係不堪入耳), 係純粹的主客一體感動至高境界;反之, 係純粹感動至高境界時, 就意味完美毫無缺點, 如果可以"搵到"一個所謂"完點", 必定係疏離有距離的, 也就是不完美的缺點, 與前提自身定義矛盾. {:6_146:}
不是終極, 只是開始
Globe WE 274A既效果當然帶出更廣泛既反思, 係遂一比較咗3粒WE 274B同Globe WE 274A異同之後, 再用一個星期確定咗D7100配Tung Sol 5U4G有類似效果, 意義就更重大. HD800配Globe WE 274A或者有無邊宇宙空間場感, D7100配Tung Sol 5U4G亦係銀河系規模的小宇宙; 反之D7100配Tung Sol 5U4G展示出無敵動量柔勁低頻伸延性, HD800配Globe WE 274A亦有非常美妙彈性動態效果. 雖然兩個組合音色不盡相同, 係個人時空尺度中, 佢地就係"等價"的! 意味"身歷聲中, 現場一樣"至高境界係一個系統優化配套下出現效果. 更準確既說法, 係一個包括聽者本身(成為系統的一部份), 超越純粹軟硬體技術性既"超系統"高度優化下既效果! {:6_165:}
以自己膽機為例, 一般要開機一個鐘後, 整個"系統"先至進入狀態. 前半個鐘係比軟硬體進入狀態, 後半個鐘係比自己進入狀態. 其實所謂"身歷聲中, 現場一樣"至高境界呢種效果, 係任何音響組合都可能出現, 只係由於膽機系統可以選配不同膽管, 就更容易達到優化效果!
雖然暫時只係確定到兩個組合, 不過肯定唔會只得兩個! 其實係執筆時, 巳發現HD800配Tung Sol 5U4G及D7100配Globe WE 274A組合已不斷變化之中(自入手HD800以來, 對D7100有d冷待, 3/4時間比咗HD800, 而家要比番多d時間D7100係WA6 SE再推煲極至效果), 所以不是終極, 而係全新探索既開始! {:6_165:}
隨我任性, 誓不回頭, 燈膽的故事
小弟除咗忙於玩音質, 亦係收藏燒友, 膽管又有收獲, 小弟有幸得到多2粒Globe WE 274A, 小弟可以比較安心, 原來得1粒驚意外玩死成絕響, 而家3粒就可以放2粒係銀行保險箱, 1粒放屋企, 然後每年互換一次輪流聽 ..... {:6_143:}
今次呢兩粒2號同3號都係好新淨, 應該係久經收藏, 2號集極係大圓環, 似乎係更早期生產, 品相接近完美, 3號同1號同樣係圓筒集, 內部裝接唔垂直, 有十幾度偏離, 雖然無咁對稱好睇, 但無損音質效果 {:6_146:}
忙完電源基建, 小弟就會再啟動"經典試聽大計", 挑戰自己既耳感極限, 雖然小弟追求"一體臨場, 超系統"昇華效果, 但論到技術優越性能, 始終離唔開西電燈膽, 係小弟系統上, Globe WE 274A配HD800係有"最優"效果, 究竟"圓環"集同"圓筒"集既Globe WE 274A所出效果有咩唔同?! {:6_136:}
本帖最後由 ghhf 於 2014-11-16 09:57 編輯
........
本帖最後由 ghhf 於 2014-11-16 10:17 編輯
.....
本帖最後由 ghhf 於 2014-11-16 10:18 編輯
.....
本帖最後由 ghhf 於 2014-11-16 09:59 編輯
......
