本帖最後由 ghhf 於 2014-7-27 13:19 編輯
jaffeinism 發表於 2014-7-27 12:10 static/image/common/back.gif
對佢地部旗艦興趣大的....
DSD反而部SONY HAP幾過癮
旗艦小弟都有睇過，各人需求不同，小弟個焦點係想玩native dsd, 小弟無咩留意Sony ..... 今日㑹去收集合適電池架同接頭，試下電池供電效果 ..... {:6_128:}
小弟既"電池補完計劃"前期可行性試驗完滿成功 ..... {:6_165:}
正~連DAC也補完了{:6_193:}
黑翼菜鳥 發表於 2014-7-28 20:43 static/image/common/back.gif
正~連DAC也補完了
等小弟條雙龍頭USB線來埋，就真係補完了。{:6_122:}
本帖最後由 ghhf 於 2014-8-2 11:34 編輯
第四日, 雙龍出海, 又為小弟終極組合提升到另一個層次 ...... {:6_127:}
http://post76.hk/forum.php?mod=redirect&goto=findpost&ptid=189701&pid=3167634&fromuid=87952
本帖最後由 ghhf 於 2014-8-2 21:28 編輯
今日收到Gold Lion U52, 經典試聽又多一個組合, 好似同D getter GEC差唔多.
本帖最後由 ghhf 於 2015-7-26 22:32 編輯
電池補完計劃
前端DAC供電
係Young DSD開箱及試聽品評, "電池補完計劃"作為前端DAC供電, 證明係可行, 而且效果明顯.
http://post76.hk/forum.php?mod=redirect&goto=findpost&ptid=189701&pid=3167634&fromuid=87952
"電池補完計劃"小弟亦有咗定案, 為咗得到最好效果, 決定買入獨立大電量電池, 配用單晶銅接線及高純錫線DIY銲接, 製作二組電池組完備前端供電效果, 一組前端供電, 另一組配合適當高壓充電機充電備用. 以雙刀開關輪流切換電池組使用及充電. 小弟終極組合近在咫尺 ...... {:6_128:}
鉛酸電池, DC-AC逆流器
係製作電池組之前, 小弟順便用埋以前做DC-AC逆流器鉛酸電池試推Young DSD, 24V太高, 18V亦有風險, 唯有用12V, 比法定15V低3V, 多多小小會影響效果, 用18AH鉛酸電池係overkill咗, 不過一試無妨 ..... {:6_138:}
小弟差d都唔記得咗, 原來小弟以前起咗套DC-AC逆流器係低THD正弦波輸出(小弟果然真係有先見之明 {:6_183:}), 理論上一個獨立AC電源會比用家居AC電源低噪, 咁又挑起小弟條玩嘢根, 會試吓用DC-AC逆流器供電比WA6 SE, 甚至成個DAC+AMP系統, 如果效果理想, "電池補完計劃"就可以建立番係現有逆流器基礎上. 雖然700W輸出量逆流器供電, 似乎有d誇張過份, 但可以簡化直接同方便好多, 而且逆流器一直只係處於備用, 而家輕鬆比一百幾十Watt既Head-Fi系統佢推下, 反而可以經常保持最佳狀態 ..... {:6_146:}
12V鉛酸電池 vs 14.4V鎳氫電池
小弟求知慾非常强, 唔親耳聽過唔會死心, 今曰用12V鉛酸電池(充滿大約係12.6V)直推Young DSD, 結果係失望, "立體玲瓏"既層次感大打拆扣, 音場好似被壓平左. 而家只能夠講單獨用12V鉛酸電池效果不能接受. 唔知係咪真係電壓不足問題, 會試下14.4V鎳氫電池組跌到12V左右時既表現作對比考證.
最後再比較鎳氫電池組係大約12.6V時表現, 亦用同一組接綫連接電池到DAC(排除接綫不同因素), 好明顯鎳氫電池組係低壓時無鉛酸電池音場改變情況出現 ..... {:6_146:}
40x鎳氫電池前端供電組
"電池補完計劃"進入咗大直路, 巳經定咗40 x 1.2v, 10,000mAH鎳氫電池, 組成獨主2組+15v(14.4v-15.6v)及另外獨立4組+5v(4.8v-5.2v)輸出, 供電比整個前端系統. 為咗得到最好效果, 電池唔經任何穩壓限流保護控制線路, 亦唔用多刀開關, 盡量減少其中接點, 電池直接至DAC及USB上. 以10,000mAH電量, 就算每日開5個鐘, 最多一個星期先要轉換另一組電池, 係完全可以接受既"不便", 但就好明顯提升效果 ..... {:6_128:}
40粒新電大部份都係1.2V以上, 有3粒就低過1.2V, 由於裝置試驗仲要一段時間, 為咗防止電池過度放電受損, 所以第一時間係幫全部40粒電池充一次電(4粒一組), 就算唔夠時間充滿, 都比佢最起碼上到1.3V ..... {:6_122:}
小弟亦用2個6 x D形電箱DIY咗一舊12 x 1.2v, 10,000mAH高電量"炸彈", 串連後大約係16.3V (未充滿), 作為最後實際性能及接線試驗, 亦係安裝體積參考. 如果順利, 咁小弟就會切斷電池箱內部接線, 改用DIY優質銅線再銲接電池, 電池箱作用就只係固定電池, 並安裝係靚仔金屬箱內得到適當保護及屏蔽. DIY銲接電池以後, 就會外接另一部高壓充電機為串連電池組充電.
初步試聽, 感覺真係更雄厚渾圓有震撼感!!! {:6_121:} 高電量"炸彈"可唔可以支持到7日先要換電? 實質數據之後再報告 ..... {:6_146:}
最後組裝
再切埋個靚仔鋁殼, 40粒電池最後內部佈置, 真係正到無朋友 ..... {:6_138:} ..... 其實最辛苦既階段剛剛開始, 因為要鑽孔, 對齊, 整固及最後銲接 ..... {:6_136:}
充電及安全接線
最後要確定既就係12 x 1.2V串連充電, 高壓充電機係電池組16.4V時自動停止. 小弟亦係電池組一極接上一個5A保險膽防止電池組意外短路, 加咗保險膽暫時似乎對音質無咩影響, 但用單晶銅銲接之後, 可能 ..... , 係實際裝置畤, 會用單晶銅及鍍金平衡接頭達到最好效果, 比而家用電池箱紅黑線同DIY既圓筒接頭要安全, 音質必定更上層樓.
終極體悟
小弟將+5V USB改埋用大電量電池組(相比2A用D型大電量電池效果更上層樓), 前端巳經全部改用10,000mAH大電量電池組供電, 其實由Young DSD開箱其間巳有好大改變 ..... 將電池組換翻行DC火牛, 再返聽先真正感受到其中巨大變化, 知道大電量電池組既威力同價值, 出聲明顯豐厚濃度及動感提升效果+50%.
小弟同時亦有新體悟, 換AK100用Young DSD做音源, 換上升級雙龍頭USB線, 及接上大電量電池組提供獨立電源, 前端訊號底氣係不斷提升 ..... 用官方功率膽6DN7同用Tung Sol 6GL7既效果差距收窄咗, WE274B/ 6DN7/ HD800亦同樣有類似立體通透效果, 分別係建構出場感既完美度 ..... 小弟暫時仍然覺得只有Tung Sol 6GL7既效果先可以叫得上"玲瓏" - 細緻而恰到好處 ..... 最強組合仍然係WE274B/ Tung Sol 6GL7/ HD800既"立體玲瓏" ..... {:6_146:}
小弟己收集好所需箱內外單晶銅接線, 同其他配件, 可以進行正式銲接, 完成後就可以聽到系統真正"終極"效果 ..... 遲d報告 ..... {:6_122:}
小弟好小心咁搞咗成曰, 終於完成最後成品接線, 16粒D型電池切埋一齊, 睇落真係幾嚇人. 提供獨立+15V及+5V分別比DAC及USB.
雖然未買長索帶緊扣電池, 但無阻小弟以興奮心情去體驗系統"終極"效果. 移走用紅黑幼線舊電池組, 改用直接焊接及屏蔽單晶銅接線新超級炸彈, 開機一出聲就 ..... 啊 ...... 原來係咁 ...... {:6_158:} ...... 聽多一兩曰先寫"終極"聽感 ..... {:6_128:}
經過再努力, 用紅黑熱縮膠加強絕緣保護, 及索帶加固電池組, "電池補完"成品最終完成. 將過去一個星期用成品電池組得到"終極"效果同各位C兄分享一下 ..... {:6_128:}
首先要説明, 試聽結果既"最強"組合巳經變為WE 274B + Tung Sol 6EM7(Tung Sol 6EM7比原來既Tung Sol 6GL7係空間感覺同淨度要更勝一籌). "最強"組合配合成品電池組前端DAC及USB供電, 去到呢個階段, 覺得巳經完全變成一個新系統, 唔適合單純用一個百分比數值去評價系統效果提升幅度 ….. {:6_146:}
最明顯係飽滿度密度大幅度提升, 人聲還原非常實在到位, 韻味感染力非常突出, 場感背景更深闊, 聽到更多細節而且層次分明, 從未感受過如此彈性節奏感, 均衡音調響應, 整合深淨空間充滿非常統一協調動量場感, 表現得如此豐厚和順柔勁鬆容氣度 …… "終極"效果索造出一件幾近"完美"的藝術品 ..... 可以用最新詞彙形容"晶瑩圓潤, 立體玲瓏" ….. {:6_165:}
不過"終極"效果又多咗一個新變數, "最強"組合好快可能有新變化, 小弟得到"燈膽頭" Globe WE 274A, 預計2星期後就會到手, 到時要細心體會繼WE 274B之後Globe WE 274A可以去到點樣景地 .....{:6_122:}
"電池補完系統"最後以兩個外置開關式電池充電器劃上句號, 佢地分為同時為+15V及+5V電池組充電. 小弟而家平日大約都開機3個鐘, 星期六曰大約6個鐘. 10,000mAH電池組的確可以維持7曰左右DAC/ USB電量需求 ..... {:6_165:}
"電池補完計劃"後端補完篇
話説小弟正忙於試聴Globe WE274A，非常投入忘記時間，昨晚聴到差唔多十二點零晨，行開咗一陣去厕所，返到大㕔繼續聴，點知就出事啦 (雖然當時巳經過咗十二點鐘，不過唔係靈異事件)，突然覺得系統出聲整體效果明顯好咗好多，起初以為係夜深人静(定係放低幾両之後，人輕鬆咗腦放)，所以有咁既現象，後來先醒起係個定時電源開關作用，預定係十二點切斷所有AV及上網wifi系統電源(除咗呢套Head Fi)。
雖然巳經用大電量電池组為系统前端DAC及USB供電，又用升级單晶銅AC電源缐及發燒保險膽，系统整體效果得到改頭換臉既改善，今次發現原來AC電源質量對音質仲有咁大改善空間，由於效果相當明顯，激起小弟決心要實行"電池補完計劃"後端補完篇，真正做到系統纯電池供電。小弟會將DC-AC正弦波逆流升壓器從備用正式設定為Head Fi系统一部份，希望可以滿足後端WA6 SE一星期用電需求。
今個星期六日就會先將DC-AC正弦波逆流升壓器接到WA6 SE，做一個初步效果評估。雖然最强組合巳經有定案，但终極效果仍然有好大期待空間，小弟一有结論就會再同各位C兄報告分享。
好啦, 好啦, 小弟用咗大半日將所有用牆身AC電既嘢全部移走, 而家只剩番成套逆流升壓器, 電池組用4個12V, 18AH電池串連, 為咗安全, 加咗一個10A跳製係電池組同逆流升壓器之間. 接好線第一件事唔係插上WA6 SE, 係搵個HomePlug試電, 保證運作正常先再接上WA6 SE. WA6 SE亦只係用番原廠膽作為測試, 結果供電完全正常, 系統運作良好 .....{:6_146:}
執筆時正等待系統散熱, 大約半小時之後, 就會換上Globe WE 274A及Tung Sol 6EM7最強組合, 正式品嗜前後端都用純電池供電下既"終極效果", 今晚小弟會好興奮 ..... {:6_128:}{:6_128:}{:6_128:}
剛剛接上WA6 SE以最強組合體會純電池供電"終極效果", 從來未試過咁"深靜背景, 純厚韻味, 動感活力, 細緻分明 ...... " {:6_127:} ...... 成套Head-Fi系統幾經升級修正, 今日正式大局全定!!! 小弟將集中力量完成"經典試聽大計", 品味各膽獨特韻味, 人生樂也 ...... {:6_165:}
小弟今日做埋系統優化, 進一步提升音質效果. DC-AC逆流器及電池組負極共同接地, MacBook Air斷開火牛, 但保留接地, 以內部電池供電, 雙龍頭USB訊號線, 紅色龍頭係直接接到+5V高電量電池組(用MacBook Air USB port有保護供電, 效果會大打折扣), 亦排除省電管理. Young DSD以固定電平輸出, 用可調輸出, 音質會啞暗咗, 雖然唔算明顯, 但小弟可以察覺到 ..... {:6_146:}
Head-Fi系統巳定案完成, WA6 SE本身行順咗超過200鐘, HD800煲到爛熟, 燈膽頭配電池補完, 覺得而家系統效果真係正到痺, 名付其實"身歷聲中, 現場一樣" , 收獲巨大, 不負過去大半年投資及心血努力, 覺得非常感動 ..... 小弟要好好享受"終極效果", 下星期六曰再同各位C兄詳解何謂"身歷聲中, 現場一樣" ..... {:6_127:}
系統後端WA6 SE轉用DC-AC逆流用4個12V, 18AH電池组供電效果良好，只係電量唔足多夠维持一星期，叉滿電開咗3日，每日大约4個鐘，電池電量已得番30%以下。原來考慮電池電量係用來應急的，停電時支持通訊及照明工具。好明顯電池组電量最少要提升一倍先可以達到一星期目標，小弟要重新考慮電池组配置，由於空間所限，唔方便用單一更大電量電池，其中一個最簡單方法就係買多一组同規格電池并聯提升整體電量。努力中 ..... {:6_121:}
後端電池補完终於定案，雖然現有電池组電量只可以维持3日，不過暫時都唔會再加電池，會用過夜方式充電，每次聼完就會切换去充電，只係多咗一個切換開關，就可以被免並聯電池問題同風險 {:6_146:}
雖然"電池補完"巳經定案, 今日幫充電電源線及後端電池組加上保險膽, 做埋最後測試, 評估後端電池組接線及保險膽對音質影響, 將電池組保險膽短路, 返覆試聽, 對動態響應爆發力係有可察覺分別, 既然聽到分別, 來到呢個地步, 就唔偷懶得, 準備將所有原來紅籃電源線, 與前端電池組一樣, 改用單晶銅線及直接焊接升級10A保險膽, 減少接點得到最好效果.
世界係無免費午餐, 所謂優化, 就係咁樣, 續d儲返來的, 問題係, 聽唔聽到分別, 同有幾執著 .... {:6_146:}
"電池補完計劃"後端優化
自從發現後端表現受DC-AC逆流電池組接線及保險膽影響, 小弟又親假期用咗成日DIY精製咗5條電池組接線, 雖然係要d投資同成擔心機, 但接線應該越用越正, 一勞永逸, 都係值得. 原來既紅藍電池組接線改上又雙倍用料金色單晶銅接線, 用直焊升級保險膽 ..... 試聽一陣再分享實際效果 ..... {:6_128:}
"電池補完"完滿成功
真係一分錢一分貨, 一分耕耘一分收獲, 後端電池組接線改上冷凍處理單晶銅接線, 及發燒保險膽, 系統又有升級效果表現, 雖然未有至於如前端電池補完既"改頭換面"感覺, 但場感得到進一步廣闊, 更飽和更多細節, 背景玲聲特別地晶瑩甜潤, 人聲及音樂特別係高中音域更有伸延性, 韻味濃度再次及到跳級般提升 ..... {:6_127:}
不計小弟自己既畤間, 整個"電池補完"差不多相當於旗艦級耳機T1或HD800做價, 當體驗到"電池補完"成功之後效果, 就知道係物有所值, 係小弟Head Fi系統不可或缺一個必然部份 .... {:6_165:}
"電池補完"前端成品
"電池補完"後端成品
登峯造極
終於重新接番哂佈置好各組件連線, 執順咗條電氣, 減少相互干擾, 出聲又再順滑咗(電池補完的確係闗鍵, 逆流供電組同充電組電路係唔會同時運作). 雖然仲可以再執得更好, 但小弟而家坐係sofa上聽Head-Fi, 真係有"登峯造極"感覺, 應該係氣順再配上腦放效果. 小弟希望曰後有機會試聽WA5, WA22及Stax靜電耳擴系統, 究竟同小弟呢套茶枱上及sofa底既雜作既效果有幾大異同 ….. {:6_128:}
免責聲明:
所有電源改動及連線, 仍小弟跟據個人經驗實踐行為, 有關改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.
小弟今日去視聽展, 真係好多人, 收獲係9(大會送1隻)隻SACD ...... {:6_136:}
ghhf 發表於 2014-8-9 17:26 static/image/common/back.gif
小弟今日去視聽展, 真係好多人, 收獲係9(大會送1隻)隻SACD ......
我今天只有2只收穫{:6_123:}
本帖最後由 ghhf 於 2014-9-14 16:09 編輯
官方Sophia 274B開箱及試聽品評
第一日
今日收到官方既升級膽套裝, Sophia 274B同一對Tronix 6EM7, 會用呢組作為經典試聽大計參考基準, 為公平起見, 會比呢套官方既升級膽連續行返兩星期先. 不過小弟好心急想知Sophia 274B究竟有WE 274B幾多成能耐? 過一個星期比聽感 ..... {:6_128:}
第四日
試聽咗幾日, 覺得官方膽實力的確有返咁上下. 由於之前試聽WE 274B同Psvane WE 274B時係配用Tung Sol功率膽, 之前又用AK100做音源亦改咗做Young DSD行電池供電, 為認真公平, 小弟會用而家最新系統Young DSD + WA6 SE + Tung Sol功率膽繼續行Sophia 274B多一個星期, 然後再換整流膽, 聽番WE 274B同Psvane WE 274B, 務求得到客觀比較品評 ..... {:6_175:}
一個月後
小弟斷斷續續返覆比較, Sophia 274B, Psvane WE 274B同WE 274B, 不過今次係用Young DSD做音源. 首先又係利益申報, 試聽分享純粹係係個人特殊環境, 器材, 偏好趣向, 高低優劣, 仍小弟主觀及有限耳感下, 對音質體驗既個人感受舒發, 並不涉及政治, 文化同任何經濟利益, 雖然小弟忠於自己聽感，如實品評報告, 但言論只能作為參考, 一切應該以各位C兄自己耳聽為實 ..... {:6_142:}
Sophia 274B, Psvane WE 274B雖然都以274B做型號, 但所用策略完全唔同, Psvane WE 274B係以完全模仿WE 274B做目標. Sophia 274B就完全係兩回事, 小弟聽唔出有WE274B影子, 所以亦唔應該直接同佢地比較.
Sophia 274B中低頻音色比較和順厚實, 整體表現係"舒服", 不過同GEC/ Osram/ Marconi既"豐厚柔勁", 仲有一段距離, 場感亦有"煩雜"感, 唔夠"柔淨"..... Sophia 274B亦係全新開箱, 只係行咗十幾二十個鐘, 其實對佢唔係好公評, 有返幾百個鐘以上效果可能又有唔同. 以Sophia 274B性價比(二分一GEC U52/5U4G, 十分一WE 274B價錢)有咁既效果, 小弟覺得巳經物有所值 {:6_146:}
可能Young DSD底氣夠, 今次試聽反而Psvane WE 274B有驚喜, 有關Psvane WE274B最新品評, 參考:
Psvane WE274B 1:1 Replica開箱及試聽品評
http://post76.hk/forum.php?mod=redirect&goto=findpost&ptid=189701&pid=3165278&fromuid=87952
