麗磁 LM-201 pk 馬仔7003 報告

dougsof · 發表於 2011-12-16 06:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

好多謝馬爺病都仲要飛的出黎開門比我…所以拎機過程都係睇一睇聽一聽無問題就交收…唔敢打搞威馬兄咁耐 (其實我流緊口水想試埋部 DAC…)

返到去，落左貨就 set 機 (全家福)

原來Gear List
AV amp: Denon 2809
Int Amp: Marantz 7003/麗磁 LM201 (viablue x60)
Blu player: Philips 9600 (PE Lab ST)
DAC: musiland MD10 (viablue x25)
Front spk: JBL control 10 (12” 3 way, SFH 10th)
Center spk: JBL4301 (8” 2 way, belden 8471)
Sub: JBL PSW1200 (12”, QED performance)
Rear spk: JBL 4408 (8” 2 way, belden 8471)

本身個 setting 全家 JBL 係主力睇戲同打機…不過年多前整左部馬仔 7003…一來聽歌仔都多左, 二來 AV By pass 幫補下部 2809…就係咁中左聽歌毒，所以又手多入左部 MD10…但係 d 聲都好似仲係好 2D… 正式成塊音牆棟係部 plasma 後面…同埋好多毛噪…無心機去成首聽晒…Orz

所以今次黎個 pk 本來打算係 4-5千 grade 既石機對膽機…p 聽歌, p 睇戲, p 打機 (無錯…用膽機爆 BF3 我都係第一次)

“打算…”

起好壇，開機！

首先上陣既係學友
jacky cheung live.jpg

由於隻碟聽左 10萬8千次…所以一黎就去麗磁…
第一首播…”我真的受傷了”
點知我既感覺都係 ”我真的受傷了”…

用返 76 名句…之前套野係咪假架？！
首先…隻歌一開始 play 個陣…我呆左一呆…唔係插錯野呀化…點解無聲既？
半秒後…”窗外陰天了……” 嘩我當堂滴晒汗…點解個 background 靜左咁多既？
之後鋼琴聲入…點解會聽到d鋼琴聲邊一下大力邊一下細力既？之前無個喎！
到學友同鋼琴一齊出聲啦…點解學友企左出黎部 plasma 前面正中間位？個琴又去左學友後面？學友把聲又磁性左…鋼琴聲又柔和左咁多既？！同埋好似成個人比 d 聲包住晒咁既？！

去到呢一刻…我已經坐定定聽左半隻碟先回到魂….

本來打算 pk…. 點知第一回合既結論係未開聲既麗磁都秒殺左部馬仔……”我真的受傷了”

跟住…心諗…人聲小品就膽機惡晒者…rock 唔得啦掛
好…搵隻勁 d 既

Disc 2 隻護花使者, opening係電結他 battle 三弦…後面又一大棚小交…夠勁啦掛？！
開聲，今次就無上一首咁誇張啦…雖然馬仔都係輸…Orz
部麗磁係處理咁大棚野個陣 d 弱音好明顯都多過馬仔…馬仔開得細過 9點位 d聲一舊咁…大過 9點位又”行” 得滯，得音量大但係處理唔到 d 細節位…好亂
不過麗磁今次都無咁神啦…battle 位個陣都仲 ok 有定位有分析力…但係小交同克勤入埋之後就有 d 力不從心…細節小左…小交同克勤把聲都幾明顯無咁開揚，好似隔左個口罩咁…不過節奏都跟到，表現好過馬仔一級
danny summer om3.jpg

之後再試左 danny summer om3 既情人, eagles 既 hotel California 同埋desperado…結論同之前既2首一樣…. 情人係麗磁秒殺…人聲厚暖樂器夠晒 detail…d 結他弦同大查查 d 聲出晒黎…但係 Eagles 就對膽機黎講勁得滯…人聲同樂器都好似隔左個口罩咁…不過都係好過馬仔….

試到呢度都無晒心機…部馬仔聽歌都係拜拜架啦…咁就搵 d惡搞野 “deal” 難下部麗磁啦

本來諗住試 U571…點知隻碟讀唔到…唯有拎另一隻都係海戰既Master and Commander

之前用馬仔做 av-bypass 我覺得係無 denon 2809 自己出咁好力…不過分左 2隻 front 比馬仔推 denon 個分析力明顯提升左…唯有自己較大返個 front去 balance 返.

麗磁本身無 av-bypass…不過問過馬爺…可以照插，麗磁較到12點位就 ok…所以照玩啦…反正無乜期望
點知開聲後又唔係好失禮…surprise 比 Acheron突擊個一幕…霧入面幾下閃光之後炮彈打過黎…d 炮聲撞擊聲爆炸聲同碎片飛散既聲…首先我覺得麗磁係夠力，低音都算實淨…聲音既density 係saturate 過馬仔….少少。另外又唔覺佢 d 聲明顯地慢過 denon…最少無話中間同後置都爆完前置都未開聲！finally立體感同包圍感好左…好似開左 front high 咁…不過聲低真係比 denon 柔既

Overall 呢一 part 只係小勝馬仔

Lastly…battlefield 3
test bf3.jpg

呢一度就麻煩過睇 blu ray 啦
可能因為 xbox 本身得 dolby only…未係高清音效…所以 d 聲無睇戲咁intense
同埋呢一 part 麗磁把聲柔和過天龍係極度明顯
有一關 driving tank….麗磁既立體感同包圍感真係令人要置身架 tank 咁，但係要大家要用少少想象力….imagine 下當前面出既係有感情既炮彈聲 -_-“但係後面出既係好爆既爆炸聲….
慢又唔係慢…只不過麗磁個聲低同天龍真係差好遠…所以呢一關唔關好壞事…係唔同 brand 既特色問題…令到我 R 爆頭

總括呢講…同價位膽機聽歌秒殺左石機...睇戲做後級又無明顯拖慢聲可以收貨…係打機就唔夾聲得幾明顯…不過高熱量(呢幾日一流…夏天唔知點算) 同膽會損耗呢度就仲諗緊…

最後想問下馬爺同 76 咁多位高手…行KT88 既 LM216 會好爆返幾多呢？聽克勤小交個 d 會唔會生猛返呢？聽人聲會差幾多呢？

多謝馬爺…多謝各位收看！