The Last of Us (歡迎討論~225樓更新單機遊戲劇情DLC預告片)

ka35

好正.十分期待

@肥狗仔@

2.14

Naughty Dog的創意總監Neil Druckmann昨日在PS BLOG上宣佈，本作將會由原本的5月7日延期至6月14日。原因就是要完成未完成好的地方。Neil表示不想因為趕出而刪去一兩個關卡或者遊戲元素，並希望遊戲推出時以Naughty Dog一貫的超高品質示人。

DVD迷

@肥狗仔@ 發表於 2013-2-14 10:02
2.14

Naughty Dog的創意總監Neil Druckmann昨日在PS BLOG上宣佈，本作將會由原本的5月7日延期至6月14日。 ...

延期仲好，唔洗一口氣破財，呵呵!

@肥狗仔@

3.1

更新劇情預告片/開發日誌01~

[YoutubeHD]1gj4i4vnOT0[/YoutubeHD]

[YoutubeHD]-ICRQYIoORg[/YoutubeHD]

@肥狗仔@

3.11

買左God of War又想即刻玩本作DEMO嘅朋友要等多兩個月了，《The Last of Us》的DEMO將定5月31日登陸PSN。當然，該DEMO只會開放給買了《God of War: Ascension》的玩家~

taifat1975

@肥狗仔@ 發表於 2013-3-11 00:59
3.11

買左God of War又想即刻玩本作DEMO嘅朋友要等多兩個月了，《The Last of Us》的DEMO將定5月31日登陸P ...

6月14日推出, 5月31日先有預購 demo, 真的多謝了!

DVD迷

@肥狗仔@ 發表於 2013-3-11 00:59
3.11

買左God of War又想即刻玩本作DEMO嘅朋友要等多兩個月了，《The Last of Us》的DEMO將定5月31日登陸P ...

次次都係咁，成日要等到差不多出先有得試玩，咁急送來有咩用，到時人家外美服都出左下載先啦，送左等如冇送有咩分別...

DVD迷

放碟入去就可以去試玩體驗版了，不再另外送一張DLC，只把這個密碼和體驗game放在此碟裏，正明生產商初步試用這種手法去打擊二手巿場，因為一隻碟要早放先有高價收回，當隻碟時間長左，變成不值錢，唔係唔收，係放得果幾十蚊，你如意放嗎？
因為生產商明白到，好多玩家都係即玩即放棄的，除非你對這個體驗版冇興趣啦，好似生化危機6咁，好多玩家都話最失敗一集，所以CAPCOM生產商不停出DLC給玩家追下去，減少玩家放出二手巿，其實Uncharted3都係一樣不停出DLC給玩家的。

不過就算如何出DLC都好，對我冇影響的，因為我好少買DLC的，有得送就用，冇就等特價碟，如果我剛買左隻完全唔鍾意玩的新game話，我會在一星期內放走的，就算日後送好的下載，我都唔會買返的，不過我現在買左的game多數不放的，因為我買前都有上網睇多d資料先買的。

@肥狗仔@

DVD迷 發表於 2013-3-12 20:00
放碟入去就可以去試玩體驗版了，不再另外送一張DLC，只把這個密碼和體驗game放在此碟裏，正明生產商初步試 ...

入碟玩DEMO話打擊二手其實都可以，但作用唔會好大，如果話係另一種推銷手法會比較合理。其實入碟玩DEMO/BETA已經唔係咩新鮮事，《Splinter Cell Conviction》試過，《Bulletstorm》都試過。特別係後者，如果唔係送GEOW3 BETA，相信唔少人都唔會買，至於前者，個BETA兩年後先至出，不論係玩家或者Ubisoft都真係理鬼得佢。PS3第一方遊戲的入碟式DEMO今次算得上係第一次(冇記錯的話)，但之前SONY有兩隻藍光碟(D9/新宇宙威龍)就送過遊戲DEMO，如果又話係防二手就未必講得過去，所以基本上都係推銷及宣傳手法，希望吸引想玩DEMO嘅朋友買本來唔會買/考慮買嘅遊戲/BD，或者令到佢地知道有哩隻遊戲存在。

反倒今次《Last of US》DEMO要等到遊戲發售前兩周先可以玩，其實你睇返其他好多遊戲都係發售前一﹑兩個星期或者一個月先放DEMO。今次大家覺得SCE另有用意只不過係因為GOW早三個月出咁解。首先，DEMO唔係好似切pizza咁簡單，當中好多代碼﹑變數要打過。做得仔細D嘅，可能場景/設定都同你轉埋，工序絕對唔係少野。好似《Last of US》哩類大作要去到延期，無疑係代表開發團隊嚴重跟唔上進度(好多3A作品發售前一兩個月已經完工了)。若果今次DEMO推出嘅時間本身並非冇動機的話，咁比較大機會就係正在完善/改動嘅部份係涉及到DEMO甚至系統本身。其他什麼防二手個人覺得都未尚唔係原因之一，但話佢係要玩家keep碟兩個幾月為玩個DEMO嘅主因就應該唔會。始終今次GOW已經有online pass，而且DEMO距離遊戲發售只有兩個星期，如果真係有心想買《Last of US》正式版嘅朋友都未必會考慮哩個因素就會趁早將GOW二手賣出(假設佢想放二手)，更唔好話果D連DEMO都冇興趣嘅人。

至於DLC係咪防二手要睇情況。收費DLC自本世代主機面世以來已經成為遊戲商嘅新路數，的確，BIO6本身係出緊DLC，但同隻game口碑好唔好冇咩關係，唔少口碑/銷量比佢要好嘅遊戲出嘅DLC都要比佢多，BIO6又出DLC又出新模式，遲早好似BIO5或者SF4咁出多幾隻新版，到時CAPCOM所擔心嘅就唔係二手而係炒冷飯仲可以炒幾多次。問題應該係如果SONY同MS規定所有DLC唔俾收費，佢仲會唔會出咁多DLC。DLC要睇係咪防二手(不計成效)，要睇幾時出，如果係跟game送嘅DLC卡，例如EA果D係咪都叫限定版嘅普通版，買全新，果D要花百幾蚊買嘅武器/服裝就可以免費。之後新加嘅DLC，對一早放二手嘅人冇影響，對於仍然keep住隻遊戲嘅玩家，遊戲商就可以賺多佢地一次錢，而銀碼往往同一個online pass差唔多，到時你再想賣二手，遊戲商可能會真心支持你去賣，因為碟就得一隻，DLC就逐個比錢…商人唔會做蝕本生意的。

@肥狗仔@

3.20

根據Naughty Dog的社交策劃主任Arne Meyer，本作單機流程將會有12至16小時，視乎玩家的遊玩方式。Arne Meyer表示，玩家如想玩慢少少，你可以嘗試以潛行方式進行遊戲。若果玩家想完全採索整個遊戲版圖，那他們需要更長的遊戲時間。至於DLC，Arne Meyer指本作將只有多人遊戲DLC推出。

[YoutubeHD]OQKGsyCcHjI[/YoutubeHD]