提議Post76建設網友試聽室

里奧

簡單d , 你地搵幾個有熱誠又無私的人士租個地方玩hifi , 到網站有活動果陣咪同佢地租地方 , 咁咪方便得多囉 .  只係難在搵呢幾個無私的人 !!   煩少好多野 .

小瑟

睇左呢個POST都有一日, 想同大家分享小小.....

有個自己地方, 小瑟好早已經諗過, 我都好想我地自己有個地方, 可以係自己場攪下SHOW, 攪下D DIY既活動, 攪下興趣小組, 比大家有一個地方可以舒舒服服咁玩下, 不過想過, 我地最叻一個星期攪一個EVENT哩(其實已經好辛苦), 租個工業大廈, 一個星期先用一次, 唔值, BAN左.

有提議話租比版友又好, 代理又好, 總之當租場出來搵返收來維持開支, 呢個一來, 租比邊個都好, 始終都要搵人睇住個場, 搵義工版友幫手, 一次二次都仲得, 成日係咁就冇可能啦, 上得黎大家都係成年人, 好小會可以下下都義工咁做, 話當做PARTIME, 我當50蚊一個鐘, 一次可以攪3個鐘, 都係得 150蚊, 比著我, 不如休息下仲好, 活動 TOPIC岩自己就話, 唔岩自己就又係死, 保安問題又係問題, 攪得個場出黎, 冇理由咩架生都冇, 唔搵死一個負責人睇住, 版友們當捱義氣輪流睇, 無啦啦D機有咩事, 入邊個數好, 最後又係得蹶拗字, 傷感情.

攪SHOWROOM呢個, 基本上可以話係我既理想, 不過係我未想出一個可以自負盈虧而個SHOWROOM又可以物盡其用既方法之前, 我係唔想咁沖動去攪呢件事呢~~

當然, 我都好希望可以有個地方可以比版友們一個有歸屬感既地方玩影音(我自己都想搵個地方可以盡情炸機), 不過呢個涉及既野太多, 希望呢個小瑟既小小理想, 終有一天可以實現!!

係度, 真係好開心大家比左咁多意見, 大家既意見對我既未來發展方向, 係絕對有幫助的呢~~

沙煞比

明白既........有呢個網上平台已經好好.

radhk

簡單d , 你地搵幾個有熱誠又無私的人士租個地方玩hifi , 到網站有活動果陣咪同佢地租地方 , 咁咪方便得多囉 ...
里奧 發表於 2011-10-25 17:28

我諗都真係只有期望有呢d大戶會員 又或者果個場本身已經可以自負盈虧 (記得以前數字台有人搞過hifi cafe, 唔知依家點).

始終大家會員, hifi只係興趣, 下下要收錢, 或者要去搵錢去 "經營" 就失去意思.

小瑟

冇錯勒, 好多野都好講時機, 呢件事當然希望係時勢做英雄, 而唔係英雄做時勢, 大家都明架勒, 英雄做時勢, 要付出既野比時勢做英雄多好多野呢!!!!!

Wilmer威馬

如果搞得成，我第一個借出一套系统（CD + DAC + PRE + POWER + SPK + ALL CABLES），雖然只係土炮國產山寨，最低限度長期有套野放下 BACKGROUND MUSIC

沙煞比

如果搞得成，我第一個借出一套系统（CD + DAC + PRE + POWER + SPK + ALL CABLES），雖然只係土炮國產山寨 ...
Wilmer威馬 發表於 2011-10-26 13:09

威馬兄....拋磚引玉, 會唔會有其他善長出手呢..?

(歡樂滿東華......da da...da........da da...da.......dada dala dala.........)

Wilmer威馬

威馬兄....拋磚引玉, 會唔會有其他善長出手呢..?

(歡樂滿東華......da da...da........da da...da..... ...
沙煞比 發表於 2011-10-26 14:53

比你估中我諗乜添！就係希望起到帶動作用，好好丑丑成套連線材折實都成十雞港幣出頭，斷估到時其他代理唔會衰丑怪掛！？

avlam

如果搞得成，我第一個借出一套系统（CD + DAC + PRE + POWER + SPK + ALL CABLES），雖然只係土炮國產山寨 ...
Wilmer威馬 發表於 2011-10-26 13:09

大陸機其實都有好多正野!!!

Wilmer威馬

大陸機其實都有好多正野!!!
avlam 發表於 2011-10-26 14:59

我諗，香港歷史上搞國貨最成功 o既得一度。。。。。裕華國貨！