提議Post76建設網友試聽室

PP-HK

唔好睇小D零碎錢，如果一個品牌每年贊助一千大元。二百個品牌就二十萬。還有推廣、賣CD、DBP、AV產品、團購 ...
yeungone 發表於 2011-10-25 04:21

當一個網站隨意咁收贊助費時, 或多或少會影響公正性, 就如hifi雜誌收取廣告費時, 怕得罪廣告商而隱惡揚善咁。當牽涉金錢交割時, 往往很多問題會發生。

里奧

其實一有錢銀瓜葛就好易有爭執 , 一陣被人抽水話團購貴過街價 , 一陣又被人講做打手 ..... 等等 . 只要一有商業性質就無公正性(有邊間代理會話自己d貨唔得架) , 就算話有都無人信啦 . 你上影音代理到試機 , 都係講到自己套野最好架 ,  簡單d講拎本影音書黎睇下就知 , 有邊本介紹器材會指出缺點大大力咁講 , 本本都只講優點 .... 如果要攪showroom , 不如正式代理幾個品牌黎做好過啦 , 起碼唔使比人抽水先 . 而且租金及其他開支都要搵收入來源 .....

HOHOHO

"一個真正的影音交流中心，香港的確缺少" totally agree X 200

Wilmer威馬

其實一有錢銀瓜葛就好易有爭執 , 一陣被人抽水話團購貴過街價 , 一陣又被人講做打手 ..... 等等 . 只要一有 ...
里奧 發表於 2011-10-25 10:31

正式代理幾個品牌黎做，長遠一樣可能出現反過來攻擊其他品牌 o既情况，因為根本冇一件產品可以長菁長賣，一定會出現求售什至套現 o既情況，最終又係一輪又一輪網上筆戰。。。。。

所以我前面建議可以租場比代理同唱片公司搞活動，租場唔等如贊助，至少冇人情債，而且如果搞得成功，收入一樣可觀。

鐵心心

租金唔叫貴,人工就好貴

Wilmer威馬

租金唔叫貴,人工就好貴
鐵心心 發表於 2011-10-25 11:40

為返自己個網，人工冇得計架啦，輪流做義工之餘，有需要就徵召埋我地呢班茂網友利做義工架咋！計埋人工就正式變一門生意，完全另一回事之餘亦失左原意。

鐵心心

為返自己個網，人工冇得計架啦，輪流做義工之餘，有需要就徵召埋我地呢班茂網友利做義工架咋！計埋人 ...
Wilmer威馬 發表於 2011-10-25 12:35

唔係你想像中咁簡單既

Pooh

租金唔叫貴,人工就好貴
鐵心心 發表於 2011-10-25 11:40

    非常同意。幾條友，夾錢租個地方來玩，反為容易成事。 人一多，就要有人管理。人工、保險、....  條數有排計。

Wilmer威馬

唔係你想像中咁簡單既
鐵心心 發表於 2011-10-25 12:37

明。。。。但係諗得咁复雜，味一直都係諗！？等如一件商品，一日唔投放市場，點估賣唔賣得！？

有冇人租場、租場率幾高、會搞幾大型活動、洗唔洗供應埋配套設施、要幾多人手參予。。。。全部都係紙上談兵，要諗！但係靠諗諗唔掂架！

當你諗通哂，點知真係乞都冇人租，到時又點諗！？反過來有運行有盈余，到時出返糧大家一定支持！

其實認真要諗係拎唔拎得出按金上期，拎得出，有得諗！拎唔出？有成隊專業義務特工隊 stand by 加筍盤賤租都冇得諗！

鐵心心

明。。。。但係諗得咁复雜，味一直都係諗！？等如一件商品，一日唔投放市場，點估賣唔賣得！？

有冇人 ...
Wilmer威馬 發表於 2011-10-25 12:56

哈哈  c兄行事都幾衝動