發洩對 德X 地庫 米x舖 的不滿....

raymond430

千奇百趣,買嘢要個客開價.....即係唔同人問會有唔同嘅價? 老實正當商人會咁做嗎? 我認為唔係囉!

vc113

我覺得咁都冇乜問題呀，返正又唔係有"建議零售拆既"一向間間既價錢都有小小唔同架啦，唔可以因為自己唔做功課，而人地唔想下下比你試到條底線係幾多就覺得人地係黑店啦。

a974005

如果間間都學佢,個個都問顧客出幾錢,咁我地就唔洗買野,壞風氣不能助長
其實問佢價,佢講出來,如接受到我會立即買,費事周圍格價,佢唔給個價你咁即是叫你走,行曬全部舖先來買野,唔知價唔好過來買

里奧

我當初去佢到買野 , 佢真係叫我去晒其他舖頭問晒價先好去同佢傾 . 一來佢唔想比行家放蛇 , 二來佢都知D客係想個價平D , 唔好大家花時間 . 你橫掂都係問完就走 , 倒不如你問晒咁多間最後先去佢到先傾 , 咁一定做到生意 .  咁當然唔係個個人都接受 .....
** 其實當你去完威x代理 , 再去番mk , 就知道自己要d乜 . 如果其他舖頭都有既 , 咁幫襯其他算啦 . 無謂激親自己 .

如果間間都學佢,個個都問顧客出幾錢,咁我地就唔洗買野,壞風氣不能助長
其實問佢價,佢講出來,如接受到我會立 ...
a974005 發表於 2011-9-19 13:35

syncmt

我都去買左幾次野... 次次都係問反我價... 但真係唔擔心佢D貨囉, 若果買貴幾舊  咪當買個安心 唔洗擔心係陳列貨 都抵 !
我又覺得無乜問題 !! 佢地既服務態度又唔算係差...我次次去買野都同朋友 去試埋其他野
佢地都好樂意比我試 , 可能果時佢得閒 無乜客係到掛
我覺得好過"友情" 果度多多聲 =..=  
同意里奧 ching 所講.. 行多幾架鋪 先去佢到"還價"

ivanyiu

咁下次返代理買。

发送自我的 HTC Sensation Z710e 大板凳

avlam

咁下次返代理買。

发送自我的 HTC Sensation Z710e 大板凳
ivanyiu 發表於 2011-9-19 14:26

但係代理差唔多係賣正價喎!!!

沙煞比

佢地最好笑係講到比左個好價你......
叫你唔係同人講

其實係咪怕你同人講比自己知道比佢殺到一頸血

里奧

代理正價8幾折至9折左右，折左後同mk相差1／3價錢左右，都未要一半 。所以我話去完代理試左先，再去mk格價，到最後想要什麼就知囉。

ivanyiu

但係代理差唔多係賣正價喎!!!
avlam 發表於 2011-9-19 14:34

咁就行去格下價先喇唯有. 其實各處鄉村各處例, 唔岩既. 最多唔幫襯. 可能我一向都做足功課知道大約咩價位先去買野而冇咁既問題啦.

代理打壓係有既. 曾經認識一個網上賣AV amp 既. 佢都話左俾代理炸型. 話佢再賣咁平就唔俾貨佢. 會唔會有人放蛇小弟就唔敢肯定。

好似我上次去買線. 佢仲俾多左一呎散線我冇收錢(可能mark 埋係單入面啦), 不過佢地幫我手開埋皮, 條線個皮都幾厚硬架. 我覺得又唔錯囉. 可能真係人夾人架咋.

香港做消費者就好在多選擇. 希望師兄係第二個地方搵到心頭好啦.