牛腩麵

circleli

簡單的午餐～（牛腩麵+凍鴛鴦）鳳凰、環鳳街『明記粉麵茶餐廳』
喜歡食牛腩麵的朋友，相信未試過都聽過中環『九記牛腩』；我曾慕名專程前往九如坊食過幾次！
真係好出名.....中午12:00pm開舖前，排隊等候的食客在門外；最多時曾有幾十人排到出馬路邊！
論價錢一D都唔平！加湯/加咖哩汁又要加錢！計計埋埋要幾十蚊一碗出門口！
但係貴唔緊要......最緊要係好食嘛，試過幾次的結論又唔係咁喎！牛腩最大忌係燜得唔夠.....得個字！
今日食呢間茶餐廳我家附近，佢地D牛腩我食過咁多間麵店裡面.....（個人客觀感評）我敢講係最好一間
牛腩八分瘦兩分肥，燜得恰度適中、肉質帶小爽、有咬口、肉汁/肉味豐富.....如好彩的話，其中切有兩舊肉連筋帶小肥肉的.........
嘩～咁就真係正到痺喇 肉/筋滑多汁而又冇渣、食後齒頰留香、牛腩份量不少........講到麵條，爽口夠彈牙、冇乜鹼水味！
我見佢地兩個師傅......基本上係做到冇機會停手！一個負責煮麵、另一個負責斬牛腩，2人忙過不可開交！
咁就足以証明佢地D腩/雜；不乏一街坊捧場客，講到舖頭佢地一D都唔細......連舖有仟幾呎地方，最正係舖外面有幾張，食+煲煙兼吹水都可以
隨身手機拍........大家將就下



呢件就係我前文講果舊～肉連筋帶小肥肉的.......我的最愛

sunny

回復 1# circleli
原來師兄係街方;住左廿幾年WTS,一個月都會去幾次・

circleli

回復  circleli
原來師兄係街方;住左廿幾年WTS,一個月都會去幾次・
sunny 發表於 2011-6-25 23:54

sunny 街坊好 您覺得佢地DOK嗎

sunny

回復 3# circleli
廿幾蚊埋單性價比非常高,師兄有無上山食毓華里明記仲正。

circleli

回復  circleli
廿幾蚊埋單性價比非常高,師兄有無上山食毓華里明記仲正。
sunny 發表於 2011-6-26 00:05

有呀～早幾年逢禮拜日都上去食早餐，佢地D奶茶唔錯........不過離我屋企較遠，宜家好少上去喇 ！

minimoai

睇相真係唔錯喎　。。。要去試吓先

edlsang

有機會要去試吓！吾知好吾好食過湾仔大利清湯腩 la !

circleli

有機會要去試吓！吾知好吾好食過湾仔大利清湯腩 la !
edlsang 發表於 2011-6-26 00:57

『明記』呢間都係清湯腩 ，師兄有機會都可以比較下

4pk

睇落件牛真系堅正喎........九記個士頭婆態度惡劣..........ching有冇去中環大排檔橫街間水記呀又系正到無朋友

waterman

幾好味咁喎