ONKYO轉會DENON後感 (FINISHED)

buzz1229 · 發表於 2011-2-10 00:25

本帖最後由 buzz1229 於 2011-2-11 21:24 編輯

玩AV將近年多，已轉左3部機，次數唔知算唔算多。

第一部買既係ONKYO607，當時剛剛出，宣傳好勁，REVIEW又唔錯，結果一出就入貨，點知玩左一年唔夠就心思思想UPGRADE。當時影音未分家，仍然鐘意ONKYO既中性偏柔厚聲底，結果UPGRADE左807。之後半年，一直用得好開心。點知，之後入左2.CH INT. AMP(CA740A)後，部ONKYO只作MOVIE用，開始嫌佢唔夠爆，

又心思思想轉會DENON OR PIONEER。終於，係過年前成功入左部DENON 3310，順手TRADE埋部807出去。

好，講左咁多廢話，入正題先......

ONKYO同DENON作為日系數一數二既AV名牌，成日有人比較，佢地自己定位亦十分清晰，聲底有明顯不同，合不同口味用家。總括而言，個人以為(以中階機計，小弟未用過兩個品牌既旗艦機，未敢妄言)，ONKYO定價較合理，聲底偏柔厚聲底，MOVIE與MUSIC兩相宜。而DENON則以POWER見稱，聲底較粗獷，睇MOVIE比MISIC好，但定價偏貴。我仲留意到一樣分別，就係ONKYO機成日SELL自己用料多為國際名牌，不時強調自己用左BROWN BURR CHIPS, HQV升頻, ISF/THX認證等，反之DENON在宣傳上不太重視(只係宣傳上不強調，不代表其不用好材料)。我自己新手入門時就比ONKYO時常SELL自己用料而吸引，

唔知有幾多師兄都因此而入ONKYO？

自己之前用ONKYO807，依家轉會DENON3310，兩者應該大概係同級，$$亦差不多。以下從幾方面比較兩機優劣：

體積外形方面：ONKYO較巨大，亦較重，感覺用料很足，不過外型有點老套，尤其佢正面底部"突"出來，好似個"目"咀。

DENON拎上手明顯輕好多，SIZE亦較小，好攏放，而其外形亦較流線一點。如仔細觀察兩機內部，會發覺，ONKYO機身巨大的不因是其預留很多空間解決散熱問題，眾所周知，ONKYO機無論ON OR STANDBY時亦好很熱。

反而DENON本身機唔熱，即使長開，都無ONKYO咁熱，設計上就自由多了。這方面我認為DENON較優﹗

SETTING方面：一般SET UP，大家都有。但一些仔細調校，則DENON3310比ONKYO多，舉例而言，3310可獨立調較畫面顏色、對比、亮度、抗噪等。而且，3310在用AUDYSSEY SET UP後，可以CHECK番EQ既仔細數據，呢方面DENON給人HI END一點既感覺。此外，DENON仲有一樣加分，就係SET UP時(用HDMI輸出)都仲有聲、畫，即係個SET UP畫面會半透明左，你播緊既戲依然睇到﹗GREAT

聲音表現：小弟轉會既目的係嫌ONKYO太柔，睇中DENON既力度與粗聲，果然，今次轉會，DENON沒有令我失望﹗我用DENON睇番之前成日用來試機既BLU RAY，聲音表現有明確分別，正如大家所講，影院感強左，尤其係低音表現。其實，小弟用既只係威記最入門級IMPACT 10，之前為改善ONKYO 807低頻表現，一直煩惱，輾轉換左WIREWORLD OASIS6，又入埋條NORTHWIRE TRIPLE-RUN，之後仲學識OFF晒ONKYO既EQ此玩法，低頻表現才算滿意。

到依家轉左DENON先發現原來一直並唔係SUB仔線材或SETTING問題，而係AMP聲底問題。依家，低頻強左，影院感有所改善。不過仲有一個意外驚喜﹗大家都知道，睇MOVIE大部分音效都係由中置輸出，轉用DENON之後，唔知係3310既POWER大定係佢低頻強，個中音既低頻表現有十分明顯既改善。曾反覆試過KUNG FU PANDA大龍逃獄一段，大家都記得，最後大龍用大石炸開監獄大門，有好強既BOOM~~~~~爆到面前，可能依D就係其你師兄所謂「拳拳到肉」，中置有前所未有既低音爆左出來，直衝面前。

另外，前兩晚睇BACK TO THE FUTURE PART3，最後一幕博士用新既時光機火車離開，架車係向個畫面觀眾方向飛去，嘩~~~~好似向我飛黎咁，好有壓迫感﹗此外，轉會DENON，聲音最大改善係低頻強左好多，而包圍感亦改善左一D。SURROUND既表現亦好左。

至於壞處，好似都無咩比ONKYO 807差，只係中置既高音好似弱左小小。

或者，可能因為我太鍾意DENON低頻既改善，所以暫時未發現其弱點。有人可能會以為，ONKYO睇演唱會表現可能好D，不過，我好少演唱會BLU RAY，不能認真測試。

因此，以MOVIE論，個人認為，DENON大勝﹗

畫質表現：一部AV AMP對畫質影響有幾大？我轉會時都對此不抱期望，點知DENON卻令我有點...............喜出望外﹗

有留意開小弟POST既朋友，都知我之前入左部菲記BDP9500，當時開左機內既DEEP COLOUR，畫面有D閃光點。(詳參：http://www.post76.com/discuss/vi ... p;extra=&page=4)因為此問題，我曾反覆作測試，首先，我曾以HDMI直入TV，閃點問題十分嚴重，之後再用HDMI經ONKYO807入TV，發覺問題改善左D。由此，我得到兩個結論：1. 可能係我既TV與9500DEEP COLOUR不兼容；2. ONKYO 807機內有抗噪功能，教可改善問題。當時我開始意識到AV AMP對畫質也有影響。不過，我轉會DENON後，之前9500閃點問題，竟然完全解決，畫面清左。我判斷，DENON機會有關VEDIO既升頻降噪應該比ONKYO807好﹗令我喜出望外。

以上只以ONKYO 807與DENON3310比較，所有線材都一樣。小弟一己愚見，並非專業評測。多謝各位收看，請大家指正、討論﹗

到此都應該寫左過千字報告，到左76咁耐，其實無出過咩報告，偷懶左D，希望今次可以貢獻番D。此外，預告一下，小弟2.CH系統也剛由CAMBRIGE AUDIO轉會CYRUS(8CD SE / 8VS2 / PSX)，日後有時間，再同大家寫過，係「HIFI音響硬件討論區」再見﹗