墨西哥三部曲(世事無絕對/三步殺人曲/殺手攻略)小評最終回

rockplayer

kc80000

終於到手喇…

michael_qu

第二集不該和第一集放在一起~這樣弄，質素就完了。

SonSon

第二集不該和第一集放在一起~這樣弄，質素就完了。
michael_qu 發表於 22/1/2011 06:49

第一集點執都唔會起死回生, 如果獨立發售更加冇人買, 加上一二集故事有連貫性, 二合一做法不失為她方法.

己睇完"殺手攻略", 反而可作獨立故事睇, 日內會打小報告

SonSon

三步殺人曲外地口碑及票房均掂，所以不期然會有第3集｛殺手攻略｝出現，但係都要事隔8年後去到2003年先公映．但去到第3部個人認為曲終於失手，票房雖然保持，但口碑就未如理想，究竟出咗乜嘢問題呢？？

選單畫面



主打由當時｛魔盜王｝型男尊尼特普飾演已變節既FBI


米奇洛基亦參與其中


歲月摧人，60年出世既安東尼奧班達拉斯已唔係型男變型佬


其中一敗筆，莎瑪希恩只在開首幾分鐘及部份回憶鏡頭裡出現，但已算係女主角，加上人紅咗，唔駛指意好似上集有大膽演出


以往型象鮮明既結他殺手，到今集只淪為其中之一造型，西班牙音樂元素亦大幅減少



觀後感：
其實｛殺手攻略｝可視為一部獨立作品，全片集動作、愛情、黑色幽默、間諜的元素、出場人物眾多，再加上輕快的背景音樂，其實可被視為一部娛樂片王．但大家如果諗住睇續集心態去睇｛殺手攻略｝，好抱歉會有D失望．就係因為角色太多，分技太多令到戲情鬆散，減低復仇呢條主線．加上莎瑪希恩出場咁少，而安東尼奧班達拉斯又冇上集咁型仔，結他殺手又冇上集咁浪漫，所以變成兩頭唔到岸感覺．

唔知係唔係導演睇得港產片太多，片中眾多動作場面（其實唔算太多）有好重吳宇森式影子，由其其中一幕電單車追逐及槍戰，即時令我諗起｛縱橫四海｝係碼頭街市廣場槍戰一幕，爭在未有白鴿出現．而尊尼特普既3隻手義枝又令我諗起周星馳經常用既整蠱技倆．

翻查資料，原來呢套片係用咗｛星戰前傳｝當年採用既全新拍攝系統｛24P高解像數碼拍攝系統｝(即係我哋所講既24p)方便後期製作數碼化，提高影像質素．但係，可能大家現今已受儘高清茶毒，呢套畫質又未至於高班，所以只孰可接受範圍，不過睇完一二集點都要睇埋大結局先安樂．

墨西哥三部曲就此完結，多謝各位收看．