墨西哥三部曲(世事無絕對/三步殺人曲/殺手攻略)小評最終回

SonSon

睇完第一二集，終於明白一套戲有錢同冇錢拍（US$7,000.00同US$7,000,000.00）分別係幾咁大 ，亦都見証到導演Robert Rodriguez係２年內（1993 -1995）進步幾咁神速 ．如果大家係第一次睇，唔話你知，一定以為２套戲係唔同導演拍．坦白講，以今時今日角度去睇{世事無絕對}，除咗中文戲名改得貼題外，戲本身只係將眾多元素（動作、喜劇、愛情、黑幫、音樂等）炒埋一碟，加上成本問題，拍攝手法、動作場面以至剪接等 個人認為可用不合格形容，可能小弟膚淺 ，真唔明白點解當時會大收旺場（單係US收入已達２百萬）．第一集大收，加碼拍續集自然理所當然，亦令｛三步殺人曲｝西班牙型男Antonio Banderas其中一套廣為人熟悉既電影 ．

｛PS：因電腦試過幾個software都capture唔到呢隻碟任何畫面，所以臨時補拍，影得唔係咁好，畫面同實際會有少少出入，請見諒 ．｝

BD碟為50G內容，所以收錄２套電影絕無問題．


先選擇播邊套片先再去主菜單


第一集規格列明有Spanish DTS-HD 2.0 ，但菜單及Amp只顯示得Spanish Stereo ．


原來我未見過呢個Logo


｛世事無絕對｝其中一幕覺得好笑－一人大樂隊VS落魄結他手 ．


之前講過｛世事無絕對｝因拍攝資金有限，畫質只有DVD質數，就算點收復都冇可能有HD效果．另外因｛三步殺人曲｝已是大製作，戲中主要演員已全部換晒，只有一D回憶片段才可以出吓鏡．（上圖為｛世事無絕對｝，下圖為｛三步殺人曲｝）









導演Quentin Tarantino 客串其中一角．


第２集女主角Salma Hayek比第１集女主角值情高幾班 ．


開首冇耐酒吧槍戰一幕，盡顯西班牙舞蹈形態，又帶有D港產吳宇森式動作場面 ．


第一集主角墨西哥藉Carlos Gallardo（右面）做咗自已既沙煲兄弟？不過佢型咗無幾耐就比人殺咗，有D可惜 ．


呢個姿態射大炮係唔係好型先 ．


觀後感：
首先有一度劇情唔係太明，第２集男主角要報仇殺死上集黑幫頭目，點解突然殺出大家原來係親兄弟 有冇ching可解答到 ．
將２套電影合２為１不失為一個聰明既做法，一來製作上絕可行，當然套片既容量亦需配合．二來消費者亦可用一個價錢重溫當年其中之一話題作（不過價錢再平D就更加好啦）．以一套差不多十多二十年前既舊片，｛三步殺人曲｝雖然個別場景雜訊仍有，質素未達高水平，但數碼收復後已算收貨．而DTS-HD則略為大聲及重咗，由其在槍戰場面更覺，個人認為要收細幾個db先正常．如果大家想重溫吓昔日一D建基於商業上娛樂片（起碼我係咁諗）而要求又唔苛刻，｛世事無絕對｝及｛三步殺人曲｝可值得一看．

yjfnog

好片，多谢分享

Notaboy

幸苦晒CHING!!!

uwish

Thanks , Ching , 報告很詳細

kymak

點解街上好似唔見有貨?

jack331

睇黎套片真係好舊, 我真係未睇過. SonSon兄好客觀好詳細呢~!!

dragonyam

多謝SonSon兄嘅小評,Good...

SonSon

回復 26# jack331

多謝SonSon兄嘅小評,Good...

多謝收看, 呢幾日公司多野做, 第三集製作中.

SonSon

我剛剛在前幾日看過第一集，感覺很搞野，不過用7000美金作出這樣的效果，黑色，血腥，愛情，都系一個經典。 ...
jmbean 發表於 19/1/2011 12:14

可能係呢個原因令此片當年受人注意.