Yamaha RX-V3067 體驗會(會後分享)

kefana

我中晒啦.

已轉會. LX-82------> 3067

依家部BD機想轉9500 OR 等OPPO 93.....

lippito

同價機中，呢部 3067 包圍感分析力真係高一班！

francis_leung21

書架做前置...環境咁大...勁...
2隻jl....@@

chingkong

第一次出席76會，多謝幾位前輩先！
看King Kong飛機那段，真是聽到飛機的移動軌跡。

chabo99

第一次出席,多謝76^^            體驗完.......   個書架做前置好正!!!

lctang

原來書架都可以好正

仲有, 用差唔多全部用鴨記線

hofai

首先多謝幾位負責人比我呢D新手有機會參與先！

今次可以有機會感受到11.2及3D音場的包圍感，真係好正！而且方向感同分析力都非常正，睇Book of Eli時D子彈係頭頂3飛過既感覺好強烈。

另外兩隻JL既震撼感，更加難以形容！睇唐山大地震時，有如真係地震一樣（再加上天花既配合），而且又可以聽清楚D磚頭跌落黎既聲，真係好難忘！！

kitbea

聽女孩唱經典英文歌....


"超級巨聲"都話:    佢感動到我 !  

wil-wil

等我都分享下成個活動既感覺 ...

Yamaha 既包圍感真係點試都無 complaint，但就成日都聽到有人定斷話力水唔夠。不過，我可以肯定咁講，有份出席呢次活動既版友，無理由仲有投訴。咁，係新機作出改善，定其它因素呢?

以我所見，新機當然係作出改良，新 chip 的確係速度感快左，加上用上 JL 拾仔及後級，自然幫到一把，呢點正正表現到器材配搭既總要性。

又好多時聽到話，一套好既多聲道影音器材，要達到上成表現，各喇叭必定要用上同一品牌。但今次用上既係唔同型號既 Triangle　作前中置、前 Presence 及後環繞聲；左右環繞聲就用 Revox 天花喇叭；後 Presence 就用 SA。如果咁睇，照理應該好聲極有限、連灌性一定有問題。但當晚情況又正好雙反，同樣感覺非常可觀。相信如果要大家蒙眼試試，未必估到有咁多款品牌及型號，當然喇叭質素亦記一功。

但我覺得，有咁既表現，調教既重要性就更加不容忽視，再加上 EQ 既配合，可謂綿上添花。而 EQ 亦可重點針對場地既缺陷及為器材表現作提升，甚至豐富個人對某聲段既喜好。不過呢個必殺技，首要都要建基係最基本調校上，要做好後先慢慢再搞，以唔係隨便調兩調就以為必定可以改良到問題，因為我真係聽唔少唔搞好過搞既例子，呢樣絕對係一項要用心研究既學問。Yamaha 既機種，可調校既選項亦算係云云品牌中最全面，而且呢期界面真係華麗好多，我都有過心動既一刻。

再講，一個活動調教得點好，又未必人人體會得到，因為每人口味喜好都唔同，測試會無可能可以取悅到每一位觀眾，加上有好多客觀因影響。好似我地活動開始前，聽到有版友提及另一個主辦單位同一場地試相同器材，但感覺就兩馬子既事。據版友講，低音完全蓋過一些細致位，但同日另一場又無咁既情況，所以我地籌備時都小心研究個中問題，希望唔好再發生。

據了解，原來問題係搞活動最大既敵人、最難預計既【人為因素】 ~ 當日該單位活動出席率比預期多，竟達 100% ... 大家完全唔介意企位。亦因如此，就連環繞聲都被企位既人群阻礙，超過三十人既房間，個個變晒吸音柱，大會見唔夠聲，但又唔可能有時間再就出席情況作調教，硬掘地只好將音壓加大。聲量大左、低音自然更多、環繞聲又被完全阻礙，細致位自然因此流失。當然，到第二場開場前，大會立即係過場時段調校過，加上該場人數較少，人人有位座，所以感覺自然有唔同。

其實類次情況 ~ 廿人變三十人，我地都遇唔少。不過無論點都，最緊要大家玩得開心。加上，我地既版友係好成熟既一群，完全理解搞手既難處、理解我地雖然係業餘得黎用心專業咁分享，及理解機能場地總有所限，所以無論大家真係滿意與否，都可以係度作出理性討論。

wil-wil

當晚器材上感覺，Yamaha RX-V3067 既 3D DSP 又真係表現到戲中唔同飛機飛過個份高度上既層次感、子彈射過黎個份立體感、演唱會份現場感；調校版面好靚、選項多，又有個別喜好記憶。Yamaha BDS-1067 部藍光機 load 碟好快，待機既招牌 Yamaha 鋼琴畫面比部 Amp 更靚，所出既畫質都唔差，唯獨身價略為高一點。

Triangle 喇叭就第二次聽，感覺絕對係聽歌睇戲兩階宜既喇叭，分析力、細致度都好夠！唯獨感覺中置好似比前置難推，配上後級有氣有力後，就完全無問題。