|
|
本帖最後由 liljon852 於 2010-9-30 13:50 編輯
睇哂你成篇文, 真係唔拍手唔得, 小瑟依家手上有齊 NEXUS ONE 同 IPHONE4, 對CHING既文章真係同意到五體投 ...
小瑟 發表於 2010-9-30 12:03 
其實真係各有各好, 視乎用家既需要黎決定~^^
係啊~會越黎越多app有跨平台版本架喇~因為android market過幾幾星期後, 將會新增更多地區可付費買app, 香港都包括在內
跟住到google music, google tv推出, 同埋3.0統一手機版本後, 目前阻礙開發者加入android既原因大部份已經消失, 有好多講到明話已經整緊android版本架喇. 第時會變番有好多正app會係android獨享 (chromo to phone + android2cloud雙向傳送呢個已經係iphone冇辦法做到既功能, 因為iphone只限定用safari)
貓貓? 你係指talking tom? 係既話, 最新出左talking hippo~比隻貓貓可愛好多啊~~^^
有部份app既質素的確未有iphone咁穩定. 但有時iphone app一crash就好麻煩, 竟然可以搞到白蘋果連開機都開唔到 (呢d情況我屢見不鮮), 而且有相容問題既iphone app其實都唔少.
反觀android上出現app crash時就易處理好多, 只要跳番出去home, 等一陣之後系統會幫你force close果個app, 暫時未見過會有人因為app crash而搞到部機連開都開唔番. 所以真係各有長短.
幫用家設定好晒, 真係雙面刃.....壞果方面就係綁手綁腳, 要人跟從這件死物既行事方式, 變成係"人改變自己黎遷就件死物, 而唔係死物去遷就人", 呢一點在個人觀點上, 認為係本末倒置的, 但在apple既糖衣包裝下, 好多人慢慢被洗腦, 反而不去想想, 為了一部iphone, 自己做多左幾多不必要既事
不過也有好處, 就是對一d唔識搞setting或唔介意要去遷就部電話既用家黎講, iphone很合用.
觸控方面, iphone真的比較好, 而htc真的有問題...網上有很多人反映nexus one & desire同樣有觸控錯位問題, 說當zoom in & out時會飛左去第2度, 但奇怪地我果部desire又冇出現過呢個問題, 想zoome邊就zoome邊, 都算幾得心應手, 定係我唔識試出呢個問題呢?
iphone user人數有增無減呢點有少許保留...因為各大市調公司都公佈左各流動裝置系統既使用者人數, 發現ios既使用者人數係上年已經開始放緩, 在全球上, ios既market share已經被android超越了 (特別留意一下, 報告係以系統來比較, ios是包括了iphone, ipad與ipod touch. 反而android目前仲係只得手機, 未有android tablet推出, 因此不計算tablet在內). 即使到了iphone4推出後亦沒甚改變.
而早輪既各個報告都指出, iphone既market share將會下降至唔記得20%定10幾個%, android則約30幾%成為使用者人數最多既系統, 連投資銀行都比較看好android會成為主導, 我大約記得個原因係話因為apple對iphone既政策, 行事作風與開始失去創新力, 群眾對iphone熱潮減淡有關 (最終情況就好似mac & pc咁)
或者又可以睇睇, iphone放寬對flash既限制, 容許flash進入iphone, 與收購雲端公司&網上地圖公司, 也反映了steve jobs看得出iphone已開始失勢, 於是推翻了自己過往之言來令iphone有更大力量去抗衡android.
目前依然有好多網會推出什麼什麼for iphone, 但隨著時間過去, 情況將會有所逆轉. 因為在"誰奪得最多使用者人數, 誰就得天下"這定律底下, 以目前android既強勁增長來看, 各大企業絕不會放棄這舊肥肉, 而現實中也可看得出, 已有很多公司陸續加入了android陣營, 當中包括遊戲公司, 多媒體內容提供者, 飛機上既娛樂控制系統公司, 甚至不太關我地事既軍事科技研發公司等等. 而過往有專門提供iphone版本的app或網頁的公司都均已表明會推出android版本.
始終iphone發展已有4年多, 而android則只得一半的年期 - 2年, 因此iphone較能先拔頭籌, 但情況會隨著3.0的推出後會很快改變. 因此也有科技評論員發出報告說當2012年後, android將會徹底拉下iphone與nokia成為手機系統一哥. (目前全球市佔, nokia的symbian仍是第一位, 第2位為android, 第3位為ios)
其實多人用iphone, 有時會諗係唔係一個錯覺, 因為iphone機型只得一款 (iphone4的外型其實也差不多), 所以會好易一眼望到同款既機同時出現幾部.
而android機, 款式太多, 唔係特別去留意既話, 基本上好難望到附近邊d人係用緊android phone.
小弟有數次刻意在地鐵上留意過, 發覺其實都有好多人用android機, 數量同iphone不相伯仲, 有時仲出現android phone多過iphone既情景.
iphone冇jb真係會想死的.........手寫輸入....真係寫到手軟, 又慢.
個人黎講, 認為google設計出android其實比apple設計出ios更值得讚賞, 原因在於android能夠應付不同spec既機型, 也不會出現很嚴重的系統遲緩 (例如在hero上行原生2.1, 表現也非常不錯), 但ios則只針對iphone統一的spec來設計, 但ios在自家iphone上也曾出現幾次系統嚴重遲鈍的問題. 簡單d比喻, 即係android能夠係惡劣既環境下工作依然保有一定既質素與效率, 但ios則只能在最舒適的環境下工作....... |
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2010-9-29 21:43
貴
發表於 2010-9-30 12:03
