本帖最後由 liljon852 於 2010-9-29 21:25 編輯
睇你過人需要, IPHONE係初階應用上冇錯係易用, 但假如你要求多少少, IPHONE就只等同"麻煩"兩字
只不過一部電話, 冇話潮唔潮既, 單靠一部電話唔會令用家由老土怪變"潮人".
IPHONE周街都係, 已經唔稱得上係潮, 而係濫 (就好似LV同GUCCI咁). 而且資深既apple users, 其實幾唔鍾意外間將潮同apple product劃上等號. 因為呢個字有時真係幾令人對apple users產生負面印象, 會誤以為d apple users自以為好潮.
回番正題, 如果你比較著重係手機上玩GAME既話, 咁無疑一定係IPHONE比較岩你.
但假如你唔會點係手機上玩GAME, 那IPHONE對你黎講可能不太適合了.
雖然APP STORE係多APP, 但在實際角度上, 作為一個用家, 冇可能亦冇咁多時間慢慢試幾百隻APP. 用黎用去其實都係果幾隻APP既o者. 所以可以唔需要理app數量既問題, 因為係冇意義的, 那只是宣傳手法, 數字遊戲而已.
你買android機, 如果係選desire hd既話, 暫時冇人話到比你聽會唔會有d乜野問題, 因為部機都未出.
但如果只以android黎講, android phone的確係一件非常好既工具, 而htc sense亦都無可否認係目前一個非常好用既ui, 好用到係連好多iphone theme都假扮htc sense. 而iphone係ui上一直以黎都係一個缺點, 表面上會以為好用, 所謂既直覺化, 但當實際用起上黎時, 就非常費時失事. (宜家ios4有番folder都仲好d, 之前冇folder時, 係部機入面搵app簡直係一種折磨)
舉例 : 你每日都需要睇rss, 天氣, 股票, task等等既資訊時, 在iphone上你係需要在各個app之間不斷切換.
在android上, 因為有widget既關係, 你可以將各種資訊放晒係同一頁入面, 一目瞭然, 所花時間同程序都少/簡化好多
另外一個問題就係: iphone需同itunes綑綁, 冇itunes的話就好大件事.
當然如果永不需要在其他電腦上連接iphone, 那問題也不大.
但假如有可能需要將電話連接其他電腦, iphone就會非常麻煩. 因為唔係部部電腦都有裝/可裝itunes.
小弟之前用左2年iphone, 最終被iphone嚇怕, 都係因為在使用上佢實在太唔靈活, 反而為小弟帶來更多不便, 特別係由電腦放office document入iphone, 真係會令人發癲而最終放棄. 因為佢係需要你word放番去a果個folder, excel係放去b果個folder, 唔可能一次過放晒去同一個folder度, 否則會read唔到個file! 如果你係windows上咁做, 更加想死, 因為係windows下開呢d folder, 個folder name會係"AIKWUD09187kJEWYUKDI" 咁既款!! 而個directory入面係有幾十個呢d咁既款既folder, 每次你都要慢慢一個一個咁搵番出黎, 普通手機可以5秒內完成, 但在iphone上要花10多20分鐘
買android機最好買高階機, 至於升級問題, 其實一直以來, 都冇廠方在賣機時會guarantee一定會幫你升級, 或許這一點對某部份人來說會是一個考慮因素, 但小弟自己就唔會對有冇官方升級太過care, 只會視為是一個bonus.
假如師兄不介意root機 (即係iphone既jb), 那有否official upgrade更加不是一個問題了. 因為htc有強大既xda developers做支援, 當中所提供既升級rom, 比起官方既好很多
至於android app, 除非你有非常特別既需求, 否則以一般情況黎講, 絕對足夠有凸, 有好多出名既iphone app, 其實都有提供android版本, 反之某d好用既android, 則不會提供iphone版本.
始終開源既系統可發展既空間, 一定比封閉系統更高.
其實ios與android很難說那個更好, 一來性質取向不同, 二來發展時間也不同. 只能說 : ios在初階層面上的表現是很強, 但同時缺點也非常多. 而android的缺點是用家需要花些時間才發現瞭解它的好, 但如以手機玩家的角度來說, 其實android比iphone更好玩 |
[複製鏈接]
發表於 2010-9-29 20:53
...2.1仲 差左
