Dead Rising 2 小心得最後分享。(21#新手升呢+快速賺到6百萬)

marcolau · 發表於 2010-10-4 23:02

本帖最後由 marcolau 於 2010-10-5 08:03 編輯

應該係最後一次更新了，因為再冇野可以分享比大家.......^^

魔界村全套，同魔界村一樣，在一定程度傷害後會爆甲......絕對係一件得個樣嘅垃圾。

我本人大大話話已經幫左成十個朋友升呢升錢，所以對路線及技巧已經相當熟識。

在此同大家說明一吓點升呢。
新玩家在低level時通常都唔夠揪，唯一方法就係救多D人升呢，但又因為唔夠能源已被喪B咬死。
1, 想唔比喪B咬，可以先DOWNLOAD首批送嘅忍者衫，只要穿上其中一個部份都可以減低被喪B咬嘅機會，就算在喪B身邊行過都當你透明。
2, 當有Order時唔駛次次將生還者放回安全屋，因為會好花時間，只需做完一個Order就同埋d生還者去做另一個Order就得喇，直至自覺吃力時先放佢地入安全屋。注意人數上限係8個，超過8個或加埋下個任務大於8個都唔會再出Order，因此亦會影響住後任務我剩餘時間。
3, 了解版圖中的主要捷徑，有d捷徑係需要完成任務先會出現，而捷徑好處當然係行少好多路。
今集時間太充足，唔駛捷徑都已經可以救晒所有人，相比上集必須要走捷徑先可以救晒所有人，今集實在太易玩了。
最後，得閒就多D SAVE，如果死左就RESTART STORY，因為咁樣LEVEL，金錢同PP都會繼承，只係頭幾個CASE要玩多次........^^!

除左隱藏任務外，其他任務都好明確。
每次有任務佢都會call你，你就按十字掣左方選任務，編排上就以就腳做先，最好開個map睇一睇。
選擇好任務時上方箭頭就會指去任務嘅目的地，在地圖上就會閃吓閃吓。
如果任務係黃bar或紅bar就要小心編好行程或做左先。
只要習慣一次拖幾個生還者行動而唔係次次救完人都入安全房，就好多時間剩。

其實大家只要順住Order做，就算唔刻意拖人都會出現同一時間拖8個人嘅情況。

必要書籍︰
補血書兩本~~(隨身必備)
YUCATAN 賭場的Y101舖搵本書，可以將食物加100%。
加埋安全房外面R114舖果本50%就可以補150%。
賭博書三本~~(賭博時先用)
PALISADES MALL 2/F的P205可以搵到一本。
Royal Flush Plaza 2/F 中間R212舖有一本。
SILVER STRIP N106舖有一本。
最後哩本一定要~~(隨身必備)
SILVER STRIP N102舖，哩本野可以令行唔到或要抱抱嘅生遠者都可以落地自己行。

其他地上嘅書本都有其作用，所以拎咩書上身就自己諗。

老友幫拖升呢法︰

首先要搵一個朋友手上有8個人，在入安全屋前save一次。
之後你就join game玩co-op，咁當放人入安全屋時就可以幫你加pp，如果level低的話，一次可升幾個呢，用呢個save重複兩三次join game就會升到上十幾呢，真係快過火箭，不過做Host就唔會有咩好處。
當然，越是後段的生還者所得的PP就越多。
另外如圖中，我雖然只拖左6個人，不過當中JANUS及WOODROW入屋後分別會給你7萬及5萬，因此用上面嘅方法，join game的你就可以在每次入屋都賺到12萬。

快速賺到6百萬︰
youtube上面有人教用三本賭博書玩老虎機嬴錢法，不過我有朋友試過要玩成個幾先玩到6百萬，
好唔好我唔敢講，不過我有個方法可以更快.......

在09/27，零晨2:00 AM，在ATLANTICA賭場貴賓房會出現三個隱藏人，佢地要求你同佢地玩POKER，嬴晒佢地就會跟你走，同時亦會得到100萬，不過注意你要有本金10萬先肯同你玩。

只要你集齊上述三本賭博書，5~10分鐘內應該可以嬴晒3個人，用第一頁我所講嘅SAVE大法，join吓人game順便升呢，好快就可以賺到600萬。
注意，此賭局千其唔好玩CO-OP，因為即使你嬴晒D人，最後你要同CO-OP的朋友私片，相當浪費時間。