[MUL] Crysis 2 (348樓~DX11更新現已推出~更新相關片段)

@肥狗仔@

睇黎EA今次要告人了~事關昨日2月11日本作PC版已經偷跑~雖然該版本只係BETA版~但冇想到遊戲正式發售前一個月已經唔少人爆機~各位支持正版支持Crytek嘅朋友為左本作開發人員嘅努力及心血~千其唔好下載該偷跑版~~不過~今次嘅PC偷跑版最起碼令我地知道C2成為新一代嘅「顯卡危機」~各位係組裝強勁PC黎應付本作嘅時候真係要留意唔好貪平~事關據已經玩上嘅網友指出~本作對硬件嘅要求同1代一樣嚴格~i7+GTX460都只係開到DX9~而且FPS亦唔穩定~如果要開到最大嘅DX11~各位真係要「盡力而為」了~

以下為偷跑版截圖~特效基本上中等(已確認)~亦都係1920X1200~但只係DX9已且~至於fps~20格左右

鐵心心

哇   靚360咁鬼多

E D先叫GAME MA

kefana

回復 42# 鐵心心


    希望single play story mode 360 有8成 以上既質數已收貨.

如好似360 demo 咁爛, 可以慳番.

@肥狗仔@

回復  鐵心心


    希望single play story mode 360 有8成 以上既質數已收貨.

如好似360 demo 咁爛, 可 ...
kefana 發表於 2011-2-12 14:52

    其實都好難計算到PC版畫面等級~今次泄漏版純屬BETA~基本上只支援DX9同較簡陋嘅畫質設置~上面嘅截圖同本作最max嘅畫面應該仲有一大斷距離~唔好話C2~就算係C1家下又有幾多個可以開到最盡?~至於家用機方面~Crytek話已經將家用機版嘅機能差唔多揸盡~而且OXM果邊都話C2係360上畫面最好嘅遊戲~所以畫面我唸都唔會差好遠~Ching可以去1樓睇下PS3嘅CE3演示畫面作為參考~不過遊戲好玩先係重點~好似far cry2畫面都令~但gameplay就 ~今次C2玩法比上一集更有戰略性~而且玩緊嘅人話比上集打得激左~應該ok~加上暫時黎講~個故事聽落好似唔錯~有小說家助陣係唔同d~~所以我過兩日都唸住去訂隻360版~如果行版有Nano版的話我都會訂的~

@肥狗仔@

「如果類似事件一再發生，PC上就只剩網遊和網頁遊戲了。」

今日的確係EA﹑Crytek及其fans，甚至係遊戲業界嘅災難~本來下月22日才推出的孤島危機2(C2)~今日突然遇上「泄漏危機」~上一貼已經交待來龍去脈~而EA亦馬上作出回應:

「Crytek已經注意到一個早期未完成版本的《孤島危機2》在國外BT網站上洩露。Crytek和EA對此深感失望。我們希望玩家能支持遊戲以及開發團隊，請耐心等待3月22日的遊戲發售之後購買正式版。《孤島危機2》目前仍然處在開發階段，而且你將有望體驗到一部令人震撼的動作大片，你將身著納米裝備來抵禦外星人入侵紐約。而盜版一直摧殘著PC遊戲市場和PC遊戲開發團隊。」

@肥狗仔@: 最後果句本人非常認同~加上PC作為最唔賣得嘅平台~其開發團隊仍然為我地及對PC嘅執著而負出時間﹑金錢﹑心血~所以本人再次希望各位post76嘅網友唔好下載有關泄漏版C2遊戲。


另外再更新數張本作嘅遊戲截圖(DX9)~唔知可唔可以吸引到大家嘅購買意欲呢?

@肥狗仔@

之前有Ching擔心家用機版畫質比PC版差好遠~但睇黎唔洗太擔心~事關之前嘅PC泄漏版本身就係一個「移動版」的CE3~雖然遊戲本身鎖死左唔少設定~但經過網友嘅「努力」後~終於成功解鎖DX11﹑VH畫質及PS3/360模式~前者相信冇幾多個單卡嘅可以開到~至於後者~經網友測試的確可以進入360畫面模式(PS3模式入唔到game)~當中系統鎖死左係30fps上~大約720p嘅解像度~以下為有關截圖~




另外有VH畫質嘅截圖(1440~DX9)

@肥狗仔@

剛剛確定現在的泄漏版畫質都只鎖定在DX9的畫質~最高也是DX9的VH畫質~即第3~4等特效~正式版將會提供6等畫面特效~當中包括DX10的第5等及DX11的第6等~至於泄漏版的DX11由於BUG太多及泄漏版不支援雙卡的關係可以說是形同虛設~

@肥狗仔@

岩岩打左篇故事大綱~有興趣嘅朋友可以參考一下~

故事大綱

Nanosuit 2    VS    CELL     1代結尾，主角Nomad等人成功消滅外星人並逃出小島Lingshan，但這只是災難的開端....     Crysis 2故事發生在前作的三年後。此時，外星人不但沒有因Lingshan事件而離開地球，反而變本加厲在各地進行大規模侵略，同時不停散播外星病毒，導致很多地方變為死城。1代的Prophet此時正在Lingshan上進行秘密任務，但不幸地在太空飛船上感染了外星病毒。更嚴重的是病毒不斷地侵蝕Prophet的意識。美國政府見情況不受控制，加上研究指出該病毒毫無解藥，亦不能夠醫治，而就算感染者僥倖生還，也會逐漸變成外星人，因此政府決定處死Prophet。當然，身懷絕技的Prophet當得知「封殺令」後便巧妙地與同伴逃離美軍的魔掌。身上帶有外星病毒的Prophet及他那有機會散播病毒的納米服裝2.0引起了大混亂。為了阻止病毒漫延，美國政府決定動員一切軍隊追殺Prophet。     本作的主角Alcatraz是美國海軍陸戰隊的一員，其任務正要追殺逃脫的Prophet。怎料任務未完成便被外星人襲擊。全隊只有Alcatraz一人存活。沒想到的是，受傷昏迷的Alcatraz竟然被Prophet所救。同時，在這十萬火急的情況下，眼見身上的病毒可能遺害人間，Prophet決定把自己的納米服裝2.0給予Alcatraz，並請求他保護紐約市內的「人類希望」Gould博士。說完Prophet隨即自殺。     受到死者的委託，Alcatraz穿上了納米服裝2.0，向紐約進發。不過，正是因為他所穿著的是Prophet的納米服，故被所有人誤以為是Prophet並對其展開追殺。就是這樣，Alcatraz在已被CELL這個由製做納米服裝的公司Crynet所組成的特殊部隊所封鎖的城市中，一邊對抗外星人，一邊展開逃亡生活。然而，隨著與敵人的戰鬥及博士的協助下，Alcatraz開始意識到Crynet非要將其置於死地不可的真正原因，並非其「Prophet」的身份，而是要回收其身上那隱含著重大秘密的納米服裝2.0....

Raphael

睇怕要玩呢隻GAME, 唔砌返一部15K以上既電腦都好難.....

@肥狗仔@

睇怕要玩呢隻GAME, 唔砌返一部15K以上既電腦都好難.....
Raphael 發表於 2011-2-13 21:00

    差唔多~保守估計現時最強單卡都開唔到最盡~呢個BETA版本得中等特效~DX9~已經秒殺左唔少雙核~9X系列嘅CPU及顯卡~用到GTX4系列嘅fps亦唔太穩定~