《潛行凶間》（Inception）討論區【未睇勿入!!】

@肥狗仔@

我覺得Leo最後應該會接受夢境為現實~個陀螺好似想停想停咁~

大佬John

點解夢入面, 音樂既tempo無變慢, 第一層翻車時第二層D重力轉變幾乎係同步, 但係去到跳橋時第二層既人唔係feel到更大既G力, 而係好似到達terminal velocity咁變左無重
一架車要幾高跌落橋先會達到terminal velocity?
第二層係無重, 但第三層又會有重力可以滑雪?

劉一舟

其實我覺得係bad ending，個陀螺冇停到，佢依然係混沌空間到
pennylau 發表於 2010-8-1 11:59

點會係bad ending呀，結局喺陀螺似停非停時突然一cut，根本冇明確咁講出究竟係現實定夢境，等觀眾自己去諗這才是正常埋尾招數。

ccting2009

戲院睇咗先敢入黎, 其實劇情就唔難明, 但就真係要100%專注睇先得, 頭腦思維要清色, 唔夠訓就唔好去睇, 訓足先
不過有啲 terms 比較難理解, 好似迪卡比奧第一次同愛倫比芝講解造夢結構, 有好多詞彙令人好難一次就吸收到, 可能要睇多次先明...我都覺得好似富堅義博 Hunter x Hunter, 好多專屬名詞, 好專業呀...
我諗其中一個成功因素係可以比大家好多空間, 有唔同見解, 唔同想法, 好似結局就已經大家有唔同諗法啦..
我自己就覺得佢比老婆拮死咗, 入咗混亂空間....
話時話, 大家覺得佢地係咪任務成功咗 ? 定都係假嘅呢 ??

另外想問下本身係咪美國漫畫改編架

siu_sing1

小弟睇完都覺得超正~
有兩個points我認為個ending表示佢仲係dream入面

1. 片中有講過如果發夢既時候係會突然進入一個場景。尾段其他角色都是逐層夢退出,但只有leo係一閃就去左飛機上。

2. 片中話leo走佬離家好耐,但最尾果到兩個仔女好似冇大到咁,因為小朋友冇見一排應該大得好快的。

各位ching 仲有咩見解呢?!

kenjilai916

好戲一套....真的值得一看再看

小瑟

我岩岩睇完出黎, 成套戲睇到壓力好大, 好耐冇試過, 好緊湊, 最過引就係一層層咁入, 而時空問題又一層時間慢過一層, 好正, 到最後我都覺得佢應該係未返到現實, 因為點可能無啦啦一野就彈返出黎呢....所以我估係都仲係夢內!!!!

我會等出碟睇多次, 再慢慢諗.

另外睇呢套戲覺得好似自己睇緊BATMAN咁, 成個班底7成係, 不過個ARTHUR好正, 一開場我以為佢係吳耀漢個仔!!!

劉一舟

另外想問下本身係咪美國漫畫改編架
ccting2009 發表於 2010-8-2 11:51

唔係，呢齣係自導演第一套長片《Following》後的第二齣原創故事。導演仲話佢細細個已有這個夢境故事概念，一路長大一路改故仔，最後就變成而家咁嘅版本。

@肥狗仔@

唔係，呢齣係自導演第一套長片《Following》後的第二齣原創故事。導演仲話佢細細個已有這個夢境故事概念 ...
劉一舟 發表於 2010-8-2 22:12

    Following未睇過~聽講同凶心人差唔多格局~

朗

小弟睇完都覺得超正~
有兩個points我認為個ending表示佢仲係dream入面

1. 片中有講過如果發夢既時候係會突然進入一個場景。尾段其他角色都是逐層夢退出,但只有leo係一閃就去左飛機上。

2. 片中話leo走佬離家好耐,但最尾果到兩個仔女好似冇大到咁,因為小朋友冇見一排應該大得好快的。

各位ching 仲有咩見解呢?! ...
siu_sing1 發表於 2010-8-2 12:27

呢兩個point，通常都係用嚟支持認為喺嗰ending時Dom Cobb仲係喺夢境嘅見解。