本帖最後由 ewartuen 於 2010-7-7 17:21 編輯
- 終 -
試下試下, 話咁快就已經十點幾, 又去到另一個環節, Screen Calibration , 講真呢個環節係我一直以黎都忽略既一環, 因為我聽過唔少ching都講過, LCD projector好極有個譜, 所以好多時候我已經對一D缺點習慣左, 例如Pan鏡會眼花 , 畫面比較flat, 呢D我一向都照單全收, 再加上屋企用投映, 以今時今日既水準, 至低限度都已經好過戲院 , 所以都無乜要求! 不過原來Desmond一開始已經準備左呢個項目, 我就梗係乘機學多樣野啦, 聽講呢個Calibrator成七千定九千銀, 目的同SPL一樣, 配合相關軟件令器材發揮至一個標準, 見到Ikari同Desmond兩個忙個不停, 來來往往用唔同既色板來check色溫, Gamma, contrast, 但因為時間問題真係無可能每個細部都作出相應既調較, 不過點都好, 調過既效果的確睇到明顯既分別, 之前播戲好多時黑得濟都會出現黐底 既情況, 而家清楚睇到應有既層次! 的確有D野真係要用儀器先check到既, 就如畫面既流明值, 好似話去到12先叫做標準, 但我部野俾我日操夜操 , 連9都唔到, 呢樣係我平日完全唔覺既, 買個膽郁下都千幾二千 , 到而家先用得半年唔夠, 下下咁換咪好溶, 唉 , 不過反正而家睇得清楚唔辛苦, 我就唔理佢住囉! 說時遲那時快, 都已經成十一點半, 真係完全overrun!
講返當日, 大家氣氛都好融洽 , 有講有笑, 講東講西, 學到既野都唔少, 更估唔到既係Desmond真係好唔話得, 耐唔時都會打個電話黎跟進一下我個情況, 等我又多個機會發問問題, 抱歉我真係一個AV問題男 , 記得我問佢我個後置set到八尺, 會唔會太高呢? (講真高都無計, 環境上唔可能set得低) 幸好佢話後置既作用唔係要直接向住你隻耳仔, 反而係要製造出一個環境出黎配合前置, 所以好似我個佈局設定, Sofa後有唔少空間俾佢D聲走黎走去, 其實已經好好, 我聽到當堂開心 哂!
再一次多謝 咁多位幫手達成呢次家訪既大大, 排名不分先後, Aidan, AVmilk, Desmond, Ikari, Wil-Wil, 及76上上下下各位咁多位ching, 無你地毒我 , 我都唔會落得如此下場, 而家仲俾人登埋上雜誌!
P.S.麻煩各位有乜補充分享, 隨便提點唔好客氣! |
[複製鏈接]
發表於 2010-7-7 15:15
