- 睇戲篇 -
玩到七點幾, 係時候播下戲黎開心 下啦, 試左D乜野戲呢, 等我記下先, Spiderman 3, Gladiator, U-571, Avator
Spiderman 3 - 第一套試既就係佢, Desmond推介試既係Harry VS Peter呢一幕, 佢問我平日睇戲會用乜野mode既呢, 我就話用Spectacle, 跟住就開始播黎試試啦, 之後佢就話不如試下直出黎試下呢, D聲似乎實左, 但就無Spectacle咁廣闊, 試完我郁過既setting同EQ之後, Desmond就先用拉尺, double check我D speaker距離, 再用SPL check埋我D喇叭個level, 可能自己成鬼日無無聊聊 走去玩個auto setup, 攪到自己manual攪既setting亂哂大籠, 跟住再試一次, 同一幕, Desmond反應好大, 佢話之前直頭唔覺面前有電單車走過, 但而家成架車出返黎, 我既木耳 當時真係無聽得咁清楚, 之後佢再解釋, 我屋企其實唔係咁適合用Spectacle mode, 因為我扑左個大房之後, 個空間大左, 拍手掌都有echo, 而Spectacle個function就係將個音場擴大, 所以之前我覺得對白唔出, 有時D聲比較亂 , 就係呢個原因!
Gladiator - 呢套就我話要試既, 因為我一直都好鍾意呢部戲架, 但就覺得自己套野播出黎個效果好亂, 人聲好細聲, tune過之後個效果點呢, 人聲的確出返D , 但始終都係亂, 唔知其他ching有無呢個感覺呢? 試完第一幕我都無興趣再試呢套, 暫時就歸究佢呢套舊戲, retouch得唔好啦 !
U-571 - 早排見大家推介, 買左隻台版黎比隻十仔做運動, 但就一直都覺得D低頻無ching們講得咁勁同有層次感, 試左兩野爆魚雷, Desmond就講呢個十仔出黎既取向可能已經係咁, 但量感似乎不足, 不過佢就話D低頻走左去飯廳, 唔係咁猛 呀, 好似風水C咁, 我自己就二話不說行過去飯廳, 親身感覺係師傅果然無吹水, 原來Desmond之前聽歌已經留意到呢樣野, 大C我應該點做 呢, 方法有兩個, 基本上有平同貴, 平既, 就係改下個擺位, 睇下會唔會改變到D低頻既流向, 貴既, 就當然係咁多位ching都成日講既, 雙十啦, Desmond解釋係, 因為我個飯廳都計算在視聽範圍, 一隻12吋cover唔哂, 力夠量感都唔夠, 打個比喻就係快車可以揸慢D, 但慢車 唔可能揸得快, 我個人就當然屬意前者啦, 平得就平呀麻, 但你話將隻十仔放其他地方, 都有D難度喎, 咁唯有即場試下自轉啦, 首先係向前轉斜少少, 已經明顯應左好多, 之後又試過backfire, 呢個係笑話唔好提! 但真係好懷念飯廳那浸低頻, 完全俾到潛艇既感覺我 !
Avator - 呢隻試機碟當然走唔甩啦, 試左兩幕, 第一幕係Jake在森林既初夜, 對住D野狗, fing火把, 聽住D狗由遠到近咁走埋黎, 講真之前試既感覺都無咁埋身既, 不過tune過下之後, 都埋身好多, 個火把真係好似fing到埋黎咁, 第二幕係Jake第一次騎龍龍, 可能平時無開得咁大聲啦, 今次試完個感覺係, 張Sofa震到好似自己坐緊條龍咁 , 一路拍翼一路震, 好爽, 究竟呢個環節係試乜呢? 哈哈, 係試HTPC同PS3既分別, 希望咁多位ching唔好笑 啦, 我係得呢兩部架喳, 其實之前自己十分粗略試過下, 感覺PS3畫面立體D, 音效都多D野聽, 今次有專業人仕tune完之後再試既感覺又點呢, 其實兩樣野都有自己個個性, 當我試HTPC既時候, 隻龍拍翼時既低頻, 特別明顯, 一下一下"蓬""蓬""蓬", 聽到都感覺得好清楚, 轉到落去部PS3, 反而無左呢種感覺, 不過今次到D鼓聲好明顯, 結論係打和 , 不分上下, 但畫面始終PS3略勝一籌! (呢個比較純粹即興, 希望大家唔好太認真!) |
[複製鏈接]
發表於 2010-7-6 15:41
, Classical
, 等自己扮下陶醉
既, 例如點解我次次聽歌, 總係覺得D聲唔係係自己面前既, 而係前左, 變相個立體感同音場都出唔到黎, 雖則係AV Amp, 但點都同自己想像有點出入
, 跟住又試Pure direct mode, 呢個mode係咪聽歌必用既呢? 我自己個人感覺係用左, 人聲會好聽D, 好似比較適合慢歌, 跟住Desmond就提出一點真係唔講唔留意既, 就係聽真情流露既時候發現, 如果用Pure direct, 首歌入面成浸伴住首歌既bass無左
, 都係要試過先知! 我之後仲講左俾佢聽, 我點解揀左Dali, 其實我同好多ching一樣都會帶D戲呀, CD呀去試喇叭, 但因為我根本就未開竅, 又點會識聽乜野係好同唔好呀, 所以我試野既原則好簡單, 試戲我要試得振奮既, 聽歌要聽得感動既, 兩樣都做到, 咪算過到自己囉, 買到貴一貴, 當然會聽到好details啦, 但我聽開既野又係咪適合咁details呢, 呢點我就有D保留啦! 眾裡尋它, 最終就揀左佢
囉!
樓主
