[PS3/X360] VANQUISH (108樓~歐版3D封套版入手)

@肥狗仔@

8.9二樓更新5張新遊戲畫面

@肥狗仔@

本周四推出嘅FAMI通中文版將連載本作豪華特輯~當中會介紹本作最新情報~有興趣嘅朋友請留意了

@肥狗仔@

二樓再更新5張新遊戲畫面

@肥狗仔@

[8.13]更新gamespot提供嘅preview視頻，當中有新場景嘅試玩片段。

@肥狗仔@

8.14二樓更新新遊戲畫面48張

@肥狗仔@

ARS介紹:

1. 簡介:

所謂的ARS，即Augmented Reaction Suit System。係指本作主角，同時亦都係玩家操縱嘅角色Sam所穿著嘅新型戰鬥服嘅名稱。ARS係由Sam自行設計及開發，採用碳納米管如纖維般縫製嘅素材所製造而成。其堅硬度比美鋼鐵，但重量則只係比空氣重少少。著上呢套裝備，就算只係一個普通步兵，都可以發揮出足以同MBT匹敵嘅能力。本作主角Sam其實只不過係一名研究員，但著上ARS後就如超人般改變戰局，証明ARS嘅利害。 P.S:本介紹將帶有操作指示，例如(按鍵:R1/RT)，左邊為PS3版﹑而右邊則為360版本。

2. Sam基本能力:

(1)走動(按鍵:左類比)

(2)一般射擊(按鍵:R1/RT)

(3)精準射擊(按鍵:L1+R1/LT+RT)

(4)回避(按鍵:左類比+X/A)

(5)掩護(按鍵:口/X)

(6)跨越掩護/障礙物(按鍵:左類比+口/X)

(7)投擲手榴彈(按鍵:Δ/Y)

(8)拋煙頭(按鍵:掩護後按L2/LB) *此能力作用為利用煙頭嘅熱能黎引開裝有熱能探測嘅敵人之注意，有利進行突圍。但每一關只能用三次。

3. ARS特殊能力(基礎篇):

除左普通嘅射擊﹑回避﹑take cover之外，ARS仲會有四種特殊能力。此四種特殊能力係遊戲中經常用到嘅「一般能力」，因此非常值得注意。 P.S:Boost﹑近身攻擊及AR模式都需要使用到ARS能源: ARS能源具有自動回復功能，但若果一口用完的話就要等佢「reload」後先可以繼續使用。

(1)Boost(按鍵:L2/LB) 又名增幅推進。發動嘅時候可以大幅提升移動速度。而且由於Boost發動時主角會以如滑壘嘅姿勢向前加速，所以可以巧妙地避過槍林彈雨，一口氣衝入敵人入面。同時亦可以係危急關頭調整角色與敵人之間嘅距離，以免被秒殺。 拉近與敵方距離 避開椅槍林彈雨 邊衝邊向敵人射擊 回避首選

(2)AR模式(按鍵:發動Boost/回避後/踢擊後/跨越障礙物時隨即按L1/LT/失血過多自動發動) 全名為Augmented Reaction Mode。發動嘅時候，主角嘅反應會飛躍地提升。因此係進行遊戲嘅狀態下，可以得到令時間流動變得緩慢嘅效果(簡單黎講即slow motion)。如此一來，玩家就可以製造對自己有利嘅形勢。例如可以準確地描準敵人要害並施以攻擊。亦由於AR模式係失血過多嘅情況下自動發動，所以能夠藉此減少因繼續中槍而死亡嘅機會，及增加回血嘅時間。係個攻守兼備嘅常用能力。 slow motion Boost+AR(後詳) 描準BOSS弱點 跨越障礙物發動可能

(3)近身攻擊(按鍵:O/B) 一般黎講，TPS遊戲都會令人聯想起以槍戰為主，一般嘅近戰部份大多數都只係輔助手段。但係係本作入面，主角甚至只需揮一拳或踢一腳就已經可以將一名雜兵破壞。所以近身攻擊會成為本作主要攻擊模式之一。當然，攻擊嘅種類亦會相當豐富。 對雜兵有一擊必殺嘅能力 拉打Kick!!!! 反手拳 集中攻擊敵方弱點

(4)Blade系統(按鍵:轉換武器按相應十字鍵) 直譯Blade System。Blade係配搭係ARS上，主角唯一嘅武器。亦係一種可以因應各種情況而改變外形嘅及特徵嘅武器。而掌握Blade同形態變化嘅武器管制功能就係所謂嘅Blade系統。即係話，本作嘅武器並非用一把﹑換一把，而係藉由變形黎對應各種不同嘅情況。 因應需要改變武器形態才是至勝之道 Blade系統對應圖: 圖中4類武器對應手制上嘅十字鍵(上﹑下﹑左﹑右)。其中「左」為切換手榴彈及EMP彈 Blade系統切換圖: Blade系統除左可以將武器變形之外，仲有兩個附加功能:SCAN﹑UPGRADE: SCAN: 雖然話Blade可以係變形之後當作唔同嘅武器用，不過亦唔係想變咩武器就有。Blade只能夠變成Blade系統中有記憶嘅武器種類。武器種類則可以通過「Scan」資料作更新。而呢d資料均可以從各關卡內嘅部份物資箱取得。 UPGRADE: 只要取得關卡當中偶然出現嘅強化道具，就可以強化武器。當得到強化道具後，玩家正在使用中嘅武器就會即場得到強化。另外，將同樣嘅武器係未使用過嘅情況下重覆掃瞄，一樣可以達到強化效果。

4. ARS特殊能力(進階篇):

表面上，Boost﹑AR模式，及近身攻擊好似係獨立般存在。但應用上，則可以混合使用。    (1)Boost+AR模式 Boost加上AR模式係經常會用到的。當玩家發動Boost後，就可以順勢啟動AR模式。用途係可以一路射擊敵人作為開路，同時衝入敵群。

(2)Boost+近身攻擊 Boost加上近身攻擊亦係常用招式。作用係直衝到敵人前面，然後進行踢擊。一般可以將敵人踢爆或者踢飛。

(3)Boost+近身攻擊+AR模式 仍然係一種一次擊破多人嘅連招。首先係用Boost拉近同敵人之間嘅距離，然後施以踢擊。擊中敵人後，就可以係主角以後空番落地之前一段時間使用AR模式。繼而將附近一帶嘅敵人逐一擊破。係一非常有破壞力嘅招數。

(特殊情況)AR模式+近身攻擊 AR模式+近身攻擊相對前兩個組合係比較難用及少用的，因為正常情況下係唔可以冇發動如Boost或者特定動作下發動AR模式。所以AR模式+近身攻擊通常要等主角因失血過多時先可以使用。不過其威力非常之大。當AR模式出現後，若施以近身攻擊如揮拳攻擊，就可以大大提升連擊威力，直接地增加對敵人傷害。被打至就死又唔想著草嘅玩家特別適合。

76chongfish

睇吾出有咩咁特別尼....

@肥狗仔@

睇吾出有咩咁特別尼....
76chongfish 發表於 2010-8-20 19:25

    係傳統美式TPS上加入日式ACT遊戲嘅元素~呢個組合係前所未有的~

@肥狗仔@

根據Gamespot jp嘅報導~本作DEMO將於9月2日登陸PSN及XBL~未知是否只有日服有~不過DEMO推出嘅日子相比上次Bayonetta要早成個月~睇黎今次Platinum Games要發力了。

http://japan.gamespot.com/xbox360/news/story/0,3800075348,20418717,00.htm

@肥狗仔@

[8.22]本作DEMO將於9月2日登陸PSN/XBL。暫時未知日服以外地區嘅時間表。但製作人稻葉敦志則秀露下列細節:

1. DEMO名稱為「Vanquish Official Demo - Velocity Attack」。

2. DEMO難度有兩種。分別係casual同normal。其中casual同之前嘅報導一樣，係一個配有自動描準功能嘅超低難度等級。

3. DEMO內容為本作序章內容，並附有一場BOSS戰。(個人估計係E32010，GC2010嘅同一個DEMO)

4. VANQUISH會出席9月16日嘅日本東京遊戲展。當中亦會提供DEMO供玩家試玩。不過該DEMO內容同9月2號推出嘅下載版會有分別，會有更多新關卡及會出現令人感到驚喜嘅人物。(唔會係Bayonetta亂入吧?)

5. 本作已經100%完成了。(好事黎 )