試過「被鬼責」未??

ronaldlaw · 發表於 2008-1-10 01:17

唔知係咪叫俾鬼責, 當訓落床合埋眼差不多訓着既時候全身唔郁得就試得多. 尤其十幾歲既時候同埋好攰好攰既時候.
我記得有一次真係勁驚, 大約係我十幾歲到, 全身唔郁得不凸止, 其中一隻耳(另外一隻無架)仲聽到一d狂笑聲, 嗰種笑聲比而家d鬼片笑聲恐怖不知幾多倍... 後尾我用咗成分鐘先掙扎到起身, 成頭大汗.... 成晚唔敢訓....

marcolau · 發表於 2008-1-10 03:11

原帖由 ahnel 於 2008-1-9 16:15 發表

xbox有隻game叫"零"係玩影鬼~ lee個係真人版好激~

唔知部機咩牌子, 個廠商可以諗吓用黎宣傳, 標榜咩鬼樣都認到~ :lol

開依隻game，咁岩又係一隻我的最愛之一，
所以就寫吓佢啦.....^^

相信有玩過《零》系列嘅人都一定會認同此game非常之恐怖。
而第二集《零～紅蝶》，在日本被喻為史上最恐怖遊戲第一位(第2係死魂曲，第3唔知)，
此系列一共有3集，當然地我都係集集唔同版本都有買，xbox我有1~2集，ps2有2~3集。
可惜嘅係xbox版並冇推出第3集，因為在聲晝方面都一定係xbox比ps2優勝，而最重要係xbox版有5.1，臨場感絕對冇得頂，ps2版雖然被比下去，但鬼叫ps2出先，所以都係第一時間玩重要D。

《零》故事係以日本真人真事改編而成，當年推出時真係嚇親唔少人，而香產電影《咒樂園》亦以此為故事架構。
其實故事本身係相當單薄，畢竟真人真事總唔會有咩新意，妹妹搵哥哥就係咁簡單。
但遊戲系統就相當出色，一個手無寸鐵嘅女仔，只可以用一部有吸魂功能嘅相機去不斷吸魂，冇菲林就為有走........

途中可以搵到唔同嘅鏡頭同道具去升級你部相機，以做成最大"殺傷力"。而當影到敵人最近嘅大頭再加上鏡頭顯示嘅封印(對焦)儲最大時，即殺傷力最大，但亦係最易中招嘅時間，所以最有效攻擊法就係先確保背後有足夠地方後退，之後一路對焦一路後退，直至儲滿封印先幫"佢"影張大特寫....^^記住留意要用最勁果隻菲林喎。
有招連環快拍，唔記得係第幾集先開始有，相當好用.....

未係大頭，等多陣先影啦......

《零～紅蝶》，續上集好評而推出嘅續集，但跟上集故事全冇關係，而系統全保留，當然道具增加左，畫面亦更加成熟，故事亦係3集零之中最好嘅一集。

今集要控制兩個主角，感覺上係多餘左d，純粹為左故事而已。
而《零～紅蝶》在XBOX版本中，亦加入第一身視點(FPS)名為Director's Cut Mode，再加上5.1聲道，真係現場一樣......而且又加入更換水著。
不過今集好多"敵人"都唔會成日俾魂面你影，所以要把握時機。

第一身視點，隻鬼在背後時後置喇叭出聲，你都咪話唔激......

嘩....依個特寫一定好高分。

水著都幾Cute架...^^

《零～刺青の聲》，當時玩依隻game果時我係零晨一人左房裡玩，好鬼驚。
故事只可以講係夾梗將前兩集加於此作中而成為《零》嘅完結。
主角要在夢中同現實兩個世界搵答案，都可說係有點新意。雖然故事單薄及遊戲時間亦比較短，但遊戲性同臨場感絕對係三集最強。

而今集可以使用3個角色，包括本集主角，第一集主角同第二集果兩姊妹嘅哥哥，各有唔同能力，而相機攻擊力亦有所不同，畫面亦大幅度提升。
由於"敵人"在最凶狠時身上會出現刺青，同樣地亦係大特寫時候........
而敵人攻擊亦有所提升，尤其兩母女就更是難應付，因為一個高，另一個到你條腰，如果一齊攻擊的確有d難搞。

而另外一隻只會出現在地台底(即係d日本舊屋下面會離地幾尺果個位，唔知叫咩)嘅女鬼，我問個個玩過此game嘅人都好驚同佢打(影佢)，唔係因為佢勁，而係因為佢個樣好嚇人，加上只係一條路嘅困獸鬥，我有時見到佢真係避開唔直接同佢打而走人........
刺青滿身係最佳時機。

依個就係大佬喇.....

兩母女其實好慘，佢地只係想你幫佢地而已.....

依隻就係地台底木鬼，當佢滿面刺青時就更加恐怖，正式玩果時真係唔敢望佢.......

《零》在日本推出過一隻手機版叫做《REAL．零》，玩法同家用版差唔多，有趣嘅係要用手機鏡頭玩，我諗大家都明佢玩咩喇....^^
可惜hk冇，否則我一定買梗。

[ 本帖最後由 marcolau 於 2008-1-10 03:12 編輯 ]

marcolau · 發表於 2008-1-10 03:13

原帖由 LAWSON 於 2008-1-9 11:56 發表

唔係,我真係覺得好多時都好橋架, 我自己生活上都會有好多好橋既野發生.
我以前好鍾意聽恐怖熱線的

我自己就一d野都未見過.細過好驚鬼,大過左就膽生毛.:lol

好多野都查根問底,再自己去分析. 好多時都無心講左d有意 ...

明左喇.....^^

marcolau · 發表於 2008-1-10 03:20

原帖由 k2elvin 於 2008-1-9 12:12 發表
既然講開呢d野, 等我又講下, 係舅仔朋友的親身經歷, 大家聽下算喇, 唔好太過執著d細節野..

話說舅仔的朋友一班人去馬交玩, 好夜先去到酒店(講過, 但我唔記得咩酒店..), 其中一人一入到房就撻左落床, 好快就訓著左, ...

酒店同醫院都係"聖地"黎，尤其係酒店最猛，亦係最多傳聞，
不過我好少住酒店，所以未試過，但比我都係換房.....^^