試過「被鬼責」未??

marcolau

唔知大家有冇試過「被鬼責」呢??

在我細個嘅時候成日都想知道或想試吓被鬼責係點，不過一直都冇發生過。
直至幾年前終於俾我試到.....^^

我係一個一d我唔怕神怪野嘅人，但我信，因為我細個時成日都有機會遇到。
因為我住秀秀茂坪囉...^^，只要係肯試，就有好多野等住你去玩。我曾經寫個d個人做事擺上自己個website，不過加下d人咁鍾意不問自取人地珍貴嘅心血，所以依加有blog都唔寫lu...^^，之後搬左去將軍澳，應該27歲咁上下先黎第一次被鬼責。當時因為我唔驚，所以全程每個細節我都save在腦內....係一個經歷丫嘛。直至到feel到果件野開始同我面貼面時，我就知有危險，好在用力一掙扎，就可以成個人彈起身....知否俾佢面貼面時，即使只係一陣間，你第日都會發病，所以到此為止。


依加搬左黎新屋，在入吉之前已經搵左高人睇過風水，有人問我，年青人咁迷信做咩??其實唔關迷唔迷信事，只係買樓唔係一件簡單事，我果頭沙士死咁多人，而且身邊又有高人在，點解唔買個安心啫...^^費時日後有咩事，層樓未賣得就真係......~.-


事源某日中午我在沙化上訓著左，又無啦啦被鬼責，而且一切都好實左，不過我心情已經同以前唔同，因為我花左咁多心思落間屋度，無啦啦黎搞我....
於是我同佢地講「唔應你地走啦，唔好在我新屋度搞」之類，最頂引係佢地俾左D野我揸住，當我叫走左佢地之後，個人係睜大眼，而手裡仍然有揸住野嘅感覺，當然地，想睇吓係咩啦，當張開手時，揸住野嘅感覺亦慢慢消失，係真係feel到佢消失......最後當然係睇唔到啦.....
過多一排又係下午，又再黎多次，不過今次明顯feel到係比之前果d"有野送"嘅惡好多。似乎在有危機感底下掙扎醒左。
其實我地成日都會訓沙化，因為實在太舒服喇，有時會訓到第二朝都唔返房，所以證明果d野只有下午先出現。


我冇同BB(我女友)講，因為間屋得我用佢，費事佢亂諗。不過佢見識仲多過我，因為佢細個有陰陽眼，見慣晒，之後比呀高人幫佢封左，費事佢睇咁多喎......~.-
上兩星期一個下午，BB就同我講岩岩佢"被鬼責"而且試過兩次，我就問佢，「你係唔係訓沙化同次次都係下午呀??」，佢答我係...佢話feel到佢係在窗多入黎.....
咁果日連bb都知道，咁味同佢講翻之前兩次嘅事囉，跟手就打俾呀高人算一算發生咩事，不過呀高人成日都冇記性，到依加都未覆我...........~.-


總括黎講，只要係下午，而個頭向住窗口(因為我張沙化係貼窗口擺)就好大機會遇到，其實我相信佢地係入唔到黎，所以只有頭向近窗口佢先可以整到人...^^
不過依排我地都冇特別去理依回事，一樣係會訓沙化。BB話「咁我想訓就訓架啦，唔通怕左佢要翻入房訓咩.....」


我試過5~6俾「被鬼責」，而只有兩次我係知道自己壓著D神經而唔陏得，因為係分得到，至少我曾經有過揸住一件實物嘅感覺........

k2elvin

大大話話40-50次.. Smilies015

第一次好似係10歲咁上下發生, 之後陸陸續續都會有咁上下的「經歷」, 多數係半夜訓訓下個人醒左一半, 成個人唔郁得, 眼會睇到野, 有時係清晰, 有時好似電視o既雪花咁, 朦查查, 但係同樣地都係聽到好嘈o既聲音, 好似酒樓好多人好多杯杯碟碟o既嘈吵聲, 要出好大o既氣力先可郁得番, 但係一郁得之後就好快會「沉」返入去果個狀態, 我用「沉」, 因為我真係會feel到好似trainspotting Ewan McGregor park完針「沉」落去果下咁樣, 轉換下訓覺o既pose會好d..

第一次係驚到唔感訓番咁濟, 唔知咩事, 又唔敢同家人講..  久而久之就唔當係咩一回事, 因為我好彩唔會有 Marco 兄咁「實在」o既feeling (除左有一次係泰國feel到另一d野, 一陣講), 所以我比較接受一d科學化d o既講法 : 壓住某d神經線..

20歲仔, 第一次去泰國, 當時唔記得係Bangkok定係Pattaya o既酒店, 訓訓下個人醒左一半, 成個人唔郁得, 眼到野, 好清晰, 跟住聽到廁所無啦啦有水喉聲, 跟住再聽到有好似有人行地毯咁o既聲, 之後我大被kum過頭, 繼續訓, 再醒就係第二朝.. Smilies015

大佬John

wow, 咁佢送俾你果樣野係一碌咁既野定係一舊.:o
俾鬼扎都出攻略. 搵日上你度試得嘛

LAWSON

至少我曾經有過揸住一件實物嘅感覺........<--- 咩尼架.咩尼架Smilies014  ;P

小瑟

你地都好旺喎係呢方面~~~~Smilies015 Smilies015 Smilies015

小瑟

我最想知道. macro兄既高人上來 check完之後究竟係咩事呢~~~Smilies010

LAWSON

原帖由 k2elvin 於 2008-1-9 09:06 發表
大大話話40-50次.. Smilies015

第一次好似係10歲咁上下發生, 之後陸陸續續都會有咁上下的「經歷」, 多數係半夜訓訓下個人醒左一半, 成個人唔郁得, 眼會睇到野, 有時係清晰, 有時好似電視o既雪花咁, 朦查查, 但係 ...

關唔關你細過成日跌落床既事呢Smilies009
我指撞得頭太多

k2elvin

原帖由 小瑟 於 2008-1-9 09:33 發表
你地都好旺喎係呢方面~~~~Smilies015 Smilies015 Smilies015

所以我比較接受一d科學化d o既講法 : 壓住某d神經線.. :lol

k2elvin

原帖由 LAWSON 於 2008-1-9 09:36 發表

關唔關你細過成日跌落床既事呢Smilies009
我指撞得頭太多

嗯, 跌落床係試過一次咋喎!

laiho

我未試過比鬼責,但marcolau所講既"有野揸喺手"感覺我有試過
細個成日發夢都有咁既feel,係好實在.....醒既時候仲係揸實拳頭
不過個人一路大,好耐冇發依d夢lu~~