買電腦

wrigley

回復 16# ezam


ching
見你問D問題
應該唔係砌機老手
如果你真係出黃金或高登砌機
建議你搵個老手一齊出去
雖然有好多大舖可以選擇
難保你未到呢D大舖已經比D黑店拉住

ezam

老就老架喇（年紀）,但唔係砌機老手
就係怕變水魚,所以請教各位師兄
小弟冇老手陪去的,所以咪問完又問

spadeace

回復 23# ezam


咁就唔好爭嗰少少錢, 買Dell 吧啦

civiclau

我多年玩電腦既心得....砌機...就算新手都應該砌機,現今有什麼問題網上一問就有人答到你,唔識砌機開句聲,我諗會有師兄義不容辭出埋黎同你去腦場買料砌,頂多攪掂食餐M記,如果一定要買廠機,我會建議買DELL,因DELL同其實廠機既分別在於佢可以比你決定用咩硬件,我有錢得...唔同其他廠機頭大身細,想轉硬件都冇得轉!!

阿定

當你機都開唔到時，你點算？
你唔知CPU壞定底版壞，你會請兩日假去齊兩邊代理check嗎？
你身邊有朋友幫你搞，但當你部電腦有事時，你朋友會隨傳隨到嗎？
如果以上問題都解決到，你DIY絕對無問題！

然後就係有無需要DIY，如果以正版Window計，入門機，即4千-5千的電腦，廠機其實平d的，因為人地廠買Windows點都平過你街買，所以廠機貴過DIY呢個定論已經Out左好耐，不過當然如果係高階機，仍然係DIY最著數！

問得DIY定廠機好的人，即係對電腦認識不多的人，有時求朋友，同有事Call師父，當然Call師父最好，又唔怕煩到朋友，師父又齊parts幫你檢查

lyfedpmp

其實廠機而家都幾抵買呀, 買d 大牌子同埋有好既售後服務就有事都唔駛煩!

civiclau

當你機都開唔到時，你點算？
你唔知CPU壞定底版壞，你會請兩日假去齊兩邊代理check嗎？
你身邊有朋友幫你搞 ...
阿定 發表於 2010-5-24 18:08

當你出廠機,咁你都係要打電話出代理約師父上門,咪又係要時間,如果一年後過左保先壞呢??你可能要先續保至有人同你攪,到時你點??就算先上門後收錢,我不如自己找師父睇咪仲快仲方便,咪又係要自己囉去比人check,其實最仲要我先前都講過,就係廠機入面D餡唔係你想要乜就乜,就算有錢比都冇用(DELL除外,但都唔係100%你想轉乜就有乜)而WINDOWS都只係預再,而唔係真係比隻WINDOWS碟你,個HDD有乜事你可能咩都冇,而機入面本身個Recovery係本身用你個HDD入面連動,你個HDD死左或你FORMAT個HDD後,你張Recovery碟=廢,除非佢跟條KEY可以用係一般既OEM碟上(以上係我己前用廠機經歷)

ezam

其實小弟只有過一部desktop PC，係街砌機黎的，不過己經入土為安了，家陣用緊notebook
但屋企兩隻老喵，成日坐係個notebook keyboard唔肯走
所以先諗住整部desktop係咪會好少少咁
因為從未用過廠機，所以先問下兩者邊隻好點點咁，睇黎都係各有千秋....

再謝各位師兄

阿定

當你出廠機,咁你都係要打電話出代理約師父上門,咪又係要時間,如果一年後過左保先壞呢??你可能要先續保至有 ...
civiclau 發表於 2010-5-24 20:18

我的重點係有事起碼可以找廠機師父救，唔駛靠朋友，我曾幾何時唔想得失朋友，差不多每個月都有幾日都要去幫朋友救機，老實講，叫人果個茶煙飯的錢，夠比出面做多年保養有突，平心而論，唔係唔想幫，而係無spare parts真係好難知咩事，分分鐘行兩三轉，帶自己火牛底版去試，我又辛苦，機主又拖幾日，完全無效率，如果撞正機主又趕，識整電腦的朋友又唔得閒，真係企係度！

而揀parts呢part，我一早講左，高階機一定diy最好，入門機來來去去都係果幾樣parts，今時今日d人情願無得升級，都要細機，而且電腦真係好平，四千蚊唔駛一部廠機，i3，4G Ram，320G HDD，Card reader，DVDRW，Win7 Home，過兩年唔駛升級，買過部好過啦，有時我有朋友問我想upgrade部機加咩，我第一個反應係問番佢幾多年機，過3年真係買過部好過Upgrade，想環保就送比明愛，明愛可以上門收機的！

至於Recovery Disc，呢幾年放番係HDD真係好低能，不過最近都開始有d廠機都可以係Windows燒Full Recovery Disc，如果可以，盡量揀呢類廠機吧！

總之都係果句，問得呢個問題，一定對電腦唔係熟手，熟手一定自己DIY的，想清楚找朋友幫手係咪真係唔會煩到人，人地抽一日時間同你買機好少事，事後有事找人，唔係放工食飯咁簡單，我自己做IT，公司上至老細，下至清潔阿姐，電腦有事都係帶番公司找我求救，返工時間幫同事我倒沒所謂，放左工仲要我去幫朋友救機，老實講，唔係堅freind我真係會覺得好鬼煩，真係會當面鬧佢做咩唔買廠機Call人整，幾十蚊一年都唔比錢買防毒軟件！

eviroboy

回復 30# 阿定


電腦人心聲