真係好慶....話說外母果邊個停車場....

小瑟

你計吓去得多唔多,如果搭的都要咁上下就租啦(始終一家大細探外母有車方便啲)
你再試吓靜靜地同佢講多次,睇 ...
mankoo米高 發表於 2010-4-28 12:05

其實我都計過, 我一個星期平日去3日咁計, 每次3個鐘, 之後就可能係星期日會比較長D, 可能都會有 6個鐘, 如果一個星期過去4次, 咁我打的來回既話, 就 576蚊左右啦. 因為我都住得近唔跳錶既.

依家問題唔係我唔好好地同佢傾, 而係個爛鬼管理員話我串, 係都唔比我泊架勒, 唔洗傾, 我依家試下搵緊果個大業主既公司, 試下同佢傾下有關方案, 我尋日都同另一個佢地話係公司既人"何小姐"傾過, 佢態度其實好好, 又話 SORRY又剩, 又話佢地D管理員的確係有問題, 不過暫時都係唔好泊住, 等遲下同公司傾左先之類各樣咁.

尋晚我因為打過比法團主席, 話我泊一陣得唔得, 佢話得, 冇問題, 佢會同樓下講, 咁我就泊啦, 咁到左時D另一個管理員(冇咁串果個)又話冇收到 ORDER, 咁我就係架車度等, 老婆就上去搵主席傾, 點知主席就唔係度, 之後過多一陣呢個 "何小姐" 就來左, 傾左一陣就話叫我留電話啦, 照泊左先. 咁我就當然照泊上去啦.......但點知到半個鐘左右, 個何小姐打來, 話最串果個管理員(就叫佢C小姐啦)一來接更, 見到我架車, 即時就話有冇攪錯之類各樣, 轉頭就返屋企唔開工, 而呢個何小姐都冇哂計, 冇人頂更, 就打來叫我不如先渣走架車, 咁我就冇計啦, 飯都食唔到就要渣走架車先囉, 到我落到去既時間, 就見到個C小姐, 之後就發生左 "針對" 既事件勒!!!!

另外仲有一單野, 話說早幾日, 大廈發生左電梯維修意外, 死左人, 咁咁岩就係我外母返屋企果2部 LIFT, 所以二部 lift都停左, 唔比人用, 要調查. 咁果晚我外母同我個囡黎左我邊食飯(就係因為廢事係佢度泊車), 咁我就渣車送佢地返去啦, 因為要佢地一老一幼行樓梯, 我始終唔放心, 咁我就諗住泊架車係下面上去送佢地上樓啦, 點知我一泊車, c小姐就即時跑過來, 話呢度唔泊得架勒, 你即時走, 我話上去一陣好快, 佢都唔比. 真係串到佢個死樣呢~~~~~~

老實講, 我都知依家個情況就好似係個單位(車場)成個賣哂比人, 基本上停車場入面點攪係業主自己既事, 同我地係冇關的, 不過呢個 C小姐太串勒, 渣住雞毛當令箭呢下野, 我就啖氣始終難落, 所以今次就算係損人不利己, 浪費我既時間, 我都要攪到佢地冇得咁輕鬆!!!

阿定

首先要做的，係check下停車場起的時候有無規定幾多個%要比住客用之類的文件，其實好有可能明文規定左d野，佢地唔做唔得都唔奇！

其實佢唔比你泊，你又唔怕煩，可以照放底架車，私下用錄影機Keep住錄，然後寸寸共咁同佢講，我問過邊個邊個，我係泊得的，你一係報警，唔係就好地地幫我看車，然後唔理佢就走，無需同佢寸來寸去，佢用緊的係工作時間，份工又悶，有人同佢玩，佢不知幾開心，就算比你寸贏佢，佢收工後都當笑話唔會有bad feeling的，所以你越唔理佢，佢越無你辦法！

如果主席唔係吹水，真心幫你，你玩大d都無所謂，如果主席只係表面話幫，實際無咩野做，我都係建議Call ICAC查，係最有效的方法，不過都係果句，先唔好想到做主席一定有利益，人地做主席同做版主一樣，義務勞心勞力，係咪有需要行到呢一步就建議三思！

小瑟

唉........頭先打左去何小姐度, 佢話大業主就係佢老細, 佢老細唔會玩時租, 而所有既剩位都係比哂管理員話事既, 所以我都係.........算吧啦!!!!

lukalok

首先要做的，係check下停車場起的時候有無規定幾多個%要比住客用之類的文件，其實好有可能明文規定左d野， ...
阿定 發表於 28-4-2010 13:33

如果佢鎖車屈你錢，報警都唔知有冇用，因為你理虧在先

阿定

如果佢鎖車屈你錢，報警都唔知有冇用，因為你理虧在先
lukalok 發表於 2010-4-28 14:33

    咁好睇果個主席信唔信得過啦！其實係咪有人想R茶錢呢？

小瑟

依家我比佢都一定唔會要架勒, 明知我玩野!!!!

小瑟

我其實有冇權要求佢出示管理員許可證既呢??? 又或是, 由大業主比佢既授權信, 授權佢去睇呢個停車場架呢????

ezam

果區有冇d熱心區議員可以幫下你,煩下呢d咁冇禮貌咁唔合理的管理呢

kkkkk6681

橫掂玩開，梗係繼續  梗係有權要求佢出示管理員許可證，法例有規定。

薄餅薯片

回復 39# kkkkk6681

法例係有規定，但唔係比普通人，話查就查。法例野要睇熟D好，知D唔知D就好易害到人。