真係好慶....話說外母果邊個停車場....

小瑟

話說外母果邊個停車場, 就係由一間公司HOLD住既, 不過之前一路都係比我地D小業主既親人自由泊車, 方便我地返屋企食飯既, 點知新年前, 成個業主立案法團轉左人, 之後連管理員都轉埋(留意, 新果二個管理員都係立團既成員), 之後個二個管理員呢, 就成日話呢樣唔岩, 果樣唔好, 要我地泊車留電話登記, 其實咁都冇問題, 留個電話姐, 都唔難, 咪照留啦, 點知有一日, 我見登記個板, 二日來都只係得我一個人留過電話, 登記過, 咁我就話點解只得我一個人登記. 個管理員就話唔知, 可能上更既人唔記得又或者跟本冇人泊........好勒, 自此之後呢, 關係就開始惡化勒.

依家樓宇維修, 本身訪客既位就做左維修既野, 果二個管理員就話以後都唔可以再有訪客位勒, 之後就唔比我再泊車, 之後我就搵左個法團主席傾, 佢口就話冇問題, 話我泊一陣基本上都OK既, 佢會同管理員講, 點知我今日去泊, 又話唔得, 死都唔比, 仲要我即刻走......我即時同佢嘈起上黎, 事關我有時都見到好多其他車泊係度, 佢地又冇出聲, 只係針對我, 咁我就火起勒, 我頭先一埋去第一句就問佢, "喂, 你係咪玩針對先", 佢話"係呀", 之後我就同佢你一句我一句(下刪數千字), 最後我就渣車返左屋企再打的去返外母度.

之後我聽外母講, 話新既法團主席原來好似係同個停車場既大業主係親戚, 所以就想迫D人比月租
(頭先嘈既時間有另一個法團人話叫我不如半價租個位, 佢原價$2200蚊一個月, 佢叫我比$1200, 留意我外母果邊係33年既單棟式頂級舊樓, 殘到......)

其實我都知我地又冇比時租又冇比錢, 係唔應該有要求, 不過問題係我見有D其他車都應該唔係月租車, 佢又比泊架喎
(我想知, 如果我要求佢地比哂佢地D月租車既車牌我對, 我有冇權咁做架呢?? 因為我覺得佢只係針對我唔比我泊, 其他有比過著數佢地果D就可以泊)

其實我都知, 停車場係私人地方, 好難有得攪, 所以我都去信左比區議員, 睇下係附近有冇地方可以加錶位, 而佢都話比左個要求運輸處..........不過睇怕都係蚊架勒!!!

lukalok

嗰度係該大廈嘅私人地方，要立案法團至有權干涉，除非係有業權嘅業主出聲，而你又只係停車場交畀代理公司處理，外人非業主應該係冇say。

timka

如果懷疑佢地有收受利益, 係咪可以去ICAC投訴, 另外如果佢講明唔可以泊車, 要租左先可以泊既話
咁你見到有車泊左O係度, 咪影相(最好用菲林機, 唔好用DC, 因為有起事數碼相未必可以做証據)&拍VIDEO, 向有關方面(唔知咩部門啦)提出投訴, 佢話左要租左先泊麻, 影哂D車牌, 因為俾錢租有RECORD架麻, 有單有據應該講明邊個位劃左俾邊架車, 唔係任泊, 既然係佢地咁講就玩大D, 個個要俾錢先泊LOR, 冇人俾錢個停車場咪唔應該有咁多車LOR~

Raphael

我想知, 如果我要求佢地比哂佢地D月租車既車牌我對, 我有冇權咁做架呢??

無權咁做; 不過由於你外母係業主, 你外母有權質詢佢有無容許其他訪客泊車
如果有的話, 就可以發大嚟搞, 直接向管業公司投訴, 有人涉嫌假公濟私, 私下容許部份訪客泊車, 原因不明

(註: 以下只係假設, 並非叫你屈人犯法)
假如你以前楂車嚟時, 有人喺有意無意之間向你發出訊息, 令你 "覺得" 有人向你索取金錢或任何利益, 否則將不獲准泊車........... 有人就可能已經犯咗防止賄賂條例
咁樣的話, 你知道應該點處理啦~

Raphael

如果懷疑佢地有收受利益, 係咪可以去ICAC投訴, 另外如果佢講明唔可以泊車, 要租左先可以泊既話
咁你見到有 ...
timka 發表於 2010-4-27 22:41

小弟覆完先至見到, 原來 timka 師兄已經講咗

小瑟

嗰度係該大廈嘅私人地方，要立案法團至有權干涉，除非係有業權嘅業主出聲，而你又只係停車場交畀代理公司處 ...
lukalok 發表於 2010-4-27 22:40

我外父係業主, 佢依家寫埋授權書比我攪, 咁我可以做D咩呢???

小瑟

如果懷疑佢地有收受利益, 係咪可以去ICAC投訴, 另外如果佢講明唔可以泊車, 要租左先可以泊既話
咁你見到有 ...
timka 發表於 2010-4-27 22:41

我依家都係想咁, 所以我岩岩係D唔係固家車位見到有車, 我都影哂佢地相.

小瑟

我想知, 如果我要求佢地比哂佢地D月租車既車牌我對, 我有冇權咁做架呢??

無權咁做; 不過由於你外母係業主, ...
Raphael 發表於 2010-4-27 22:48

質詢佢有無容許其他訪客泊車<----我就係想質詢佢, 不過就係唔知我可以質詢佢D咩....我岩岩問佢, 佢就話果D車全部都係月租車, 但我又見D車既車頭有其他停車場既停車證, 我真係吹佢唔脹!!!

timka

小弟覆完先至見到, 原來 timka 師兄已經講咗
Raphael 發表於 2010-4-27 22:54

客氣, raphael兄感覺好似係對法律有認識既有識之士, 可以俾到多d意見我地呢d外行人就真...謝謝指教~

timka

我依家都係想咁, 所以我岩岩係D唔係固家車位見到有車, 我都影哂佢地相.
小瑟 發表於 2010-4-27 23:09

收集下d証據先, 做d對自己有利既野, 之後先慢慢諗對策, 唔係一個業主立案法團可以隻手遮天
諗起你話車場保安係業團既人, 佢地接呢份工做有冇正式申報先, 咁既情況有d好似私私相受既感覺....
就算搵公司出標做管理, 呢d野唔係都要考慮咩, 我覺得呢方面都可以向ICAC作出投訴