23週年版聚曬命帖

wil-wil

woooo!! 多謝小瑟創立一個咁開心嘅 Post76 玩樂網! 23 年 + 佢唔知再之前再幾多年的 newgroup 影音群組 (估計可能都有 26-30 年 )，佢最勁係咁多年 keep 住個下熱度到現在，見証住香港 AV 影音文化 (樓上無四仔 ... 唔好想錯要做 AV 男一 ) 的興衰，即使現在較希望簡約易食影音新世代，軟硬件的翻天變動，仍然以有限的個人力量，希望繼續傳承到到呢樣 AV 影音文化 ~ 讓更多人先到戲院睇戲，再而知到原整的家庭 AV 系統係可以帶黎比上戲院睇戲震撼 10 倍的家庭娛樂感受 (雖然現在啲人情願係屋企電視開聲或最多加條 soundbar 睇 Netflix、Disney 等)，呢樣樣堅持大部份人可能覺得傻，睇到套戲就得，你堅好野，敬佩! 而好彩嘅仍有昨晚出席會員、代理支持，仍然有 10 萬會員有呢份心同行! 原來自己呢個 10 萬份一，都與 76 成行左 17 載，算為 76 做過點事情!

昨晚的一個個人驚喜位是 76 團隊呢班已當家人的兄弟帶黎最估不到的 23 週年的 Rundown，亦多謝有成堆版友代理的時間送上祝福! 一切在心中，感謝及感激有你地 Post76 不同程度的支持!! 最記得你地講，希望這個驚喜、這個好運提升且延續 ... 結果帶黎這份 woooooooooo 的禮遇!! 多謝一眾代理支持，小弟亦中到其中數份非價值所能代表的心意，這除個人的獎品外，同樣是對 Post76 這 23 年的肯定!!



這份禮品上多謝產品 Denon & Marantz、B&W (咁樣講應該穩陣啲 thanks 不是威廉 Sir 的 Patrick) 送出的 Marantz M1 & B&W 607 S3 禮品 (人生第一部 Marantz 及 B&W)，原來這套套裝是有這樣收集意見後完整的構想 ~ 前人中樹，我這位後來的幸運兒完整體會到 ；當然還有 Labkable 線材 (fit 曬部 Marant M1)、MANTALAB 小丑: 雙瘋 4K UHD、Samsung 嘅 Bespoke AI 不銹鋼餐具 5 件組! 仲要多謝威廉 Sir 的另一更震撼彈的驚喜安排，這個聖誕不受寂寞 ~ 直頭用忙黎形容都唔太過 !  



Post76 23 週年台慶代理贊助禮品總值 $43 萬多，創歷年之冠，合共 573 份! 我地亦預留部份畀今轉出席唔到的會員參加遊戲於網上送出，詳情記得繼續支持 76，多上來 Forum! Anyways，我地 Post76 會繼續推動影音文化，讓更多其實有要求的會員、玩家知到自己其實想要乜，多些不同形式與創意體驗活動，終極揀到心頭好! 又同步讓代理除就產品優勢帶到比大家知，任何改善的聲音都會期待代理轉達廠家，令黎緊新產品更切合真正需要!

andylau929

好開心第二年參加Post 76週年聚會，今年亦幸運被抽中第三round嘅奬，滿載而歸，又可以同各位師兄開開心心一聚，真係感恩，好多謝小瑟兄同Post 76各位工作人員！
希望各位身體健康，下年再嚟玩過。

SAS

有飲有食有獎抽活動精彩100分😄

SAS

小弟都抽到獎品

SAS

多謝勁飲大賽的師兄， 全怡師兄都有獎品😃

小瑟

heerocolour 發表於 2025-12-13 13:04
不知不覺又一年……
黎post76食年飯已經變左每年例行公事，攞獎都囉左兩年，真心諗住唔囉到都冇乜所謂，再 ...

下，唔係掛，要自費，有冇攪兩菜，雖然我地冇加任飲plan, 不過我叫佢地照出架，有咩理由仲要大家自費架。呢D野真係蚊死人。昨晚埋單仲有哂數啤酒幾多，汽水幾多，都手比多左$800蚊左右架。D友仔想點架。

下年真係唔再去呢間呢。🤬🤬🤬

kcmak43396

首先恭賀Post76嘅23週年。我好開心昨晚可以同各位一齊晚宴，更加幸運嘅係第三輪中獎及投到兩份義賣禮品。
希望Post76蒸蒸日上，各位版主及版友身體健康。
多謝各位辛苦將所有禮物搬到酒樓，但看到有玩家中咗重量級大獎(如65吋大電視)，看到中獎玩家搬走嘅煩惱及各位搬上去嘅辛勞，希望來年將有份量嘅禮品，轉為中獎後才到Post76領獎，相信對雙方面都有好處。
(各位經歷23年之光景，已由少年變為熟男，搬運重量級獎品有點點難度。哈！)

小瑟

我想問下「有冇版友昨天再叫野飲要另外自己比錢買？」，我問我太太果邊同前面幾圍都冇呢個情報，我要同酒樓投訴一下！

lhkin123

小瑟 發表於 2025-12-13 17:32
我想問下「有冇版友昨天再叫野飲要另外自己比錢買？」，我問我太太果邊同前面幾圍都冇呢個情報，我要同酒樓 ...

第5圍，有問姐姐再加飲品，姐姐話問下經理，之後回覆話要另外收費。

lhkin123

多謝Post76全體工作人員令大家過了一個愉快的晚上，大家又食又拎，滿載而歸！辛苦晒大家！