23週年版聚曬命帖

小瑟

pathui 發表於 2025-12-12 23:25
感謝Post76,盡興回歸👏🏻👏🏻👏🏻
感謝大家大飲樣承讓承讓🙏🏻

你再到蟬聯，下年同我一齊坐。

alleelarry

pathui 發表於 2025-12-12 23:25
感謝Post76,盡興回歸👏🏻👏🏻👏🏻
感謝大家大飲樣承讓承讓🙏🏻

同師兄同枱，得以完成太太多年願望，LW-C610 藍⽛標籤機，老人家要分類，佢好幫得手架！

blindfaith3by8

ccw0324 發表於 2025-12-13 01:38
今晚好開心出席Post76 23週年版友聚餐，今年抽中好豐富嘅獎品，其中一份仲要係大獎當中嘅禮品，多謝小瑟哥 ...

全靠你！

blindfaith3by8

今年最開心應該係阿女
差唔多全部嘅禮物都係佢想要嘅

唔經唔覺原來post76已經咁多年….
未拍拖到拍拖再到未拍拖再到拍拖結婚生小朋友🤣
睇住小瑟黑髮變白髮🤣🤣🤣
越嚟越有男人味

chanhoo12000

感謝Post76,盡興回歸👏🏻👏🏻👏🏻非常高興

kelvinhin

第一次去版聚，人人都有禮物真係開心。最有趣係抽到隻 Shure SE215，一隻由我啱啱開始玩耳機到依家十幾年都冇買過嘅經典款，終於可以仔細聽吓係點。

kingyan

呢隻我好喜歡

阿定

今年版聚完滿結束，真係非常開心，雖然香港發生了不幸的事情，但生活仍要繼續下去，今年負責義賣的資料統計，無負責係門口幫手，好彩有我地 Post76的小演員 KarstonChan@G 幫手派入場禮物比大家，而參與義賣的師兄都好重手，再次感謝投中或投唔中的師兄們的善心。

今年場地有少少迫，搞到入座有少少亂，上餐又比較慢，好多謝各位師兄包容。

今年好好彩，有版友 pathui 係同一圍，非常順利贏到大飲樣冠軍，得到好豐富的圍獎，希望下年都可以Keep住同你同一圍。

戰利品的相之後再補上，今年好幸運地全部都係細細件的，唔駛Call Van返屋企，希望下年可以幫大家頂左要Call車返去的煩惱。

alleelarry

太太昨天小病，出門又趺倒，搵手錶又搵唔到，話自己好「黑仔」！

第一輪抽獎，我自己就無咩要求，只係唔想抽中個只已經有既CD（大家懂既），點知咁快手就行出去…，攪到我以為都黑氣上身！近年工作關係，版主版務真係幫唔到手，但一年一度版聚係重點，抽唔抽到野都無所謂；今年禮品安排，入場有小禮物，第一同第二輪一定有，加埋大飲樣，唔中大獎都攞四件野走架啦！

但其實「幸運」早已註定，可以同 pathui 師兄同枱已經係一個好「開始」！講聲唔好意思先，等左咁多年既 Epson LW-C610 藍⽛標籤機終於（被我搶「到手」，實在太想要）！順手攞埋另一圍獎，nothing Watch Pro 2 智能⼿錶，上文提到搵唔到手錶，而家就唔洗再搵啦！

第一輪太太抽到既軟件算唔錯，是自己喜愛的太極 45RPM LP，第二輪其實都唔錯，有Jlab go air sport，攪笑既係兩公婆一齊中同一樣野！

終極大抽獎，係無預期，反而比左個驚喜我地，KEF CODA W 無線 HiFi 揚聲器（開箱文就要等下先），成了參與 76版聚咁多年收穫最豐富嘅一年，第一次要 call Uber，再次多謝 76！

heerocolour

不知不覺又一年……
黎post76食年飯已經變左每年例行公事，攞獎都囉左兩年，真心諗住唔囉到都冇乜所謂，再者尋日有少少唔舒服所以今年都真係好靜唔太出聲，想睇下大家囉獎仲開心～～
點知今年又係抽中我🥲😂😂😂😂多謝post76、多謝代理、多謝小瑟啦😂😂😂
今年發生既事特別多，希望各位兄弟姊妹長輩們快快樂樂、身體健康～～


好！
開心既事講完，做返我一貫作風：投訴！
下次年飯一係返返雅蘭一係去食自助餐啦！😑
呢間垃圾酒樓野又細碟、出餐又慢，最慘係酒水唔係任飲囉！……..😑😑😑
問佢囉汽水佢同我講冇曬啦要自費！？我見到隔離枱D師兄飲幾罐啤酒要自己囉個銀包俾錢買……唔係麻🤔😓
跟住個場又細我地個個都咁大隻要縮細自己黎行同坐，真心慘……😭
唔好再返黎呢道食呀，一係你返大陸攪我地都冇問題🙃

至於你門口迎賓班兄弟姊妹…….算啦又佢啦🤪🤪🤪


祝post76蒸蒸日上、兄弟姊妹身體健康！

（p.s：果個人生生生生生生生日快樂！～～～～～～～）