發燒兩年個人心得分享（HIFI主觀分析）

minglau@G

MDLP 發表於 2025-11-15 08:01
師兄，不妨戴上耳筒比較一下。  
開聲用嘅只係我啲淘寶玩具，或者 PA 喇叭；至於 AVM 背景後面嗰套金嗓子 ...

多謝師兄分享，那我不客氣有話直說，你組既LS35a暫時係我聽過最好嘅版本，我曾經玩過內地LS35a 11ohms（可能同款)亦曾係兩個地方分別聽過11同15版本，但都一般般，感覺呢個喇叭偏中高音，尤其係高音方面會有少少”舌舌”聲。有一個做到將整體拉低，人聲好有顆粒感但就局限中音好唔透明。你組既人聲音鮮明吸引（許美靜），保到男聲中音少少顆粒感（鄭少秋）但以我口味，感覺整體都屬偏亮，亦有微微^舌舌^聲，我應該聽一隻碟就夠皮，有這價錢產品做到這效果確實令我驚喜，可以分享一下你組既心得同組合俾我地晚輩學下野？

至於JBL4306, 聲音動態強低音頗多而反應又保持到快速，論聽歌黎講，俾我會收少少低音，整體人聲會鮮明傳神啲，可能你係想玩AV睇戲為主那作別論。講多少少，本身都算JBL迷，咁啱最近打算放舊JBL L20t買JBL4309(4306後繼版），我親身AB對比過新版L100同4309，L100比較正路Hifi感覺，但4309同4306就比較似舊JBL既聲底（我既L20t)，遲啲惗住試下用部老陳KT88搭4S11g推4309, 前輩俾啲意見😄

minglau@G

boy 發表於 2025-11-15 19:04
各位師兄好，
我覺得音響真係好難入門，除非你有無限錢去做呢件事。
香港地方，當你抽到空間想話整番台音響 ...

Exactly, 我出呢篇文正正係我當初入坑所期待既，我睇哂外國本地論壇或youtube, 無人會成套組合講解俾你聽點解咁搭，印象中只有國仁有一集講過佢個Stadio用緊咩器材，非常詳細學到野，但佢一個解碼可能講緊係我成套組合Budget。到去音響鋪買器材好似開盲盒，有時你問佢兩條線有咩分別，通常都係答你*貴啲梗係好啲*，其他器材又未必下下俾你試（熟客都咁話）。希望我篇文可以幫到你。如果你想少啲伏，我都有一個建議。分享一個例子，同我二手交收器材無一百都幾十，有時有啲好熱情請我留低聽佢套組合，其中一個年紀好後生三十頭亦剛入坑，但就^一步到位^直接買金仔加Fyne郵筒仔旗艦書架呢個商家標配組合，聲就一定客觀地好，我唔算好深刻印象（非我口味）但又無得挑剔佢。現在計返我花既錢仲多過佢成套組合。穩陣可以參考標配組合（何如麥景圖Sonus faber, 金嗓子加fyne或ATC自家擴音），如果聽過正又買咗就不用再懷疑了。我覺得都不失係一個明智既決策