【Post76 x LG G5返歸玩 第二季 🎉 正式開鑼！🔔】

Versa

測試電影
呢幾日翻睇咗好多套戲，好多都俾到另一番感受，畫面比之前睇進步好多。以下相片由於想忠於表達實際效果，所以盡量用SLR全手動曝光色溫拍攝。唔用手機拍，因手機有自動光圈快門對比色溫修正，拍出來跟實際有距離。不過最後拍出來依然同實際有出入，而且用相機拍畫面，尤其黑暗或快速移動場景都好難，所以以下畫面純粹參考

【Heretic 門徒】
女傳教士在黑暗密室，之下再發現地下室一幕，整段片都很陰暗，如果電視畫面個底唔夠純黑，很難完整顯示暗位細節。在G5 OLED觀看，背景牆壁以至男女主角細節位都清楚表達。




【Shazam 沙贊】
沙贊心口的雷電標誌，以前感覺係滲出黄光，用G5 OLED觀看，特別感覺好似裝咗燈膽响心口咁，亮度更高之餘又唔過爆，仍然睇到雷電標誌裡面少少類似煙霧流動的細節。另外沙贊發現自己超能力後，放出的雷電亦得耀眼。




【Civil War 美國內戰】
全片以iMAX 拍攝，色彩光暗dynamic range做得好好，全片畫面都係示範級。個人最鐘意chapter 10 資深肥佬記者中彈死亡一幕，座駕在黑夜中穿過燃燒的森林，火花四散，火光/火花/車頭燈跟黑夜對比強烈咗，之後直升機在清晨陽光中飛翔，色彩光暗都很像真自然，配埋背景音樂，整個片段都好好feel。




【Barbie】
此片一開場幾個小女孩在黃昏陽光下玩BB公仔，之前對呢幕冇咩感覺，但用G5觀看，金色陽光感強烈咗加持下，一開始即感覺靚咗。此片還有很多不同國藉人種膚色，佈景、衣服顏色鮮艷，又有歌舞場景，整體效果都比以前睇有提升。






【Transformer One】
呢套變形金剛本身有點卡通化，顏色鮮艷，機械人金屬身體好似打咗層車臘咁，亮麗之餘金屬表面還有細節位及顏色變化。另外開始時柯栢文潛入大樓，內有激光保安裝置，激光的亮度及立體感很像真。出色的電視畫面，往往就係忽然有啲細緻位俾到人wow的感覺。




【Tár】
以前看此片一直覺得畫面偏暗，就算有陽光，都覺得似陰天灰濛濛天氣中的陽光。今次用G5再看，終於感覺陽光有力咗，照入室內或人臉上的光也很自然。另外有幕在音樂廳中授課，座位背上的號碼牌，以前用65吋在我屋企坐位觀賞距離有點難看到，現在畫面大咗，號碼都容易睇清楚咗。






【Avatar 2:The Way of Water 阿凡達：水之道】
Navi 族人在森林，陽光透過樹木之間照射到Navi 面上，陽光感很真實。地球人飛船降落Pandora一幕，飛船跟太空的對比度高，畫面很sharp，降落時烈火摧毁森林，在大畫面亮度又足夠之下，比以前睇更震撼。




【Milet - Green Lights演唱會】
Milet出場時的燈光剪影光暗對比強，畫面乾淨。畫面大咗，投入感都強咗。




【Silent Hill f】
畫面多數時間灰灰暗暗，在唔需要調到好光情況下，所有細節依然睇得清楚，長時間對住畫面打機，眼睛都無咁累。


總括
今次試玩呢部OLED G5，雖然畫面色彩都靚，但發現睇唔同訊源，需要調校設定都唔同，例如唔同預設模式，面板亮度，省電模式，filmmaker mode，峰值亮度，如某些訊源跟設定唔夾，真係會過亮或過暗，好多嘢要慢慢試。期間又不斷send message請教板主小編，真係麻煩晒 。之後用熟咗知道唔同模式的特性，調校好之後又真係好靚，有電影菲林感。正！

10年前買第一部OLED用到現在，一直安心使用，好少再留意其他電視資訊，今次試玩新電視，無論設定、操作、功能、畫面效果都有很大進步。OLED價錢由初出到現在，售價已經回落很多，雖然近年其他電視技術都進步中，但對我來講，嗰種純黑、光位通透感、色彩對比度、畫面乾淨俐落，始終OLED比較優勝，所以有要求之下換電視依然只考慮OLED。

marco

睇唔同訊源,需要調校設定都唔同?即係睇電視一個mode,睇碟又另一個mode,youtube串流又一個咁?
實際使用上會吾會有D不便?應該有D快捷鍵?

小瑟

ben36 發表於 2025-10-1 12:06
好失望，第一時間報名反而冇得玩，可能我屋企細器材又雞啦🥲

BEN兄你好呀, 今次活動我地都係比LG佢地選出今次玩活動既USER, 所以今次未能選中都唔緊要呀, 下次可以再玩過呀~
再次多謝BEN師兄參加我地既活動呀~

Versa

marco 發表於 2025-10-23 09:36
睇唔同訊源,需要調校設定都唔同?即係睇電視一個mode,睇碟又另一個mode,youtube串流又一個咁?
實際使用上會 ...

Hello marco兄，唔同訊號格式，色域、亮度Dynamic range唔同，用唔同mode好正常呀，段估好少人會睇電視SDR到4K HDR、Dolby Vision都用同一set設定嘛。

而且唔同輸入端，接收唔同訊號格式，例如電視用isf mode，HDMI 1 2K SDR就用標準mode，DV就電影mode， HDMI2 Dolby Vision就filmmaker mode，每個組合再可以自己微調，只需set一次就自動記錄，下次輸入端再收到相同格式，就自動幫你轉換，唔會唔方便呀，反而幾有彈性

marco

咁都ok方便,每個組合微調完就自動記錄，下次輸入端再收到相同格式，就自動幫你轉換

sanlamsan

Versa 發表於 2025-10-23 01:33
測試電影
呢幾日翻睇咗好多套戲，好多都俾到另一番感受，畫面比之前睇進步好多。以下相片由於想忠於表達實 ...

聲畫俱全，有機會要上去你度坐吓😆

Versa

sanlamsan 發表於 2025-10-27 12:15
聲畫俱全，有機會要上去你度坐吓😆

你睇慣過百吋畫面，我呢啲驚你嫌細睇唔慣啊。不如搵日我帶部冇摩改Apple TV上你度AB比較啦

Ken134547

玩咗幾個星期 LG G5 83吋 oled 可以來個好啲嘅報告了 ，我分三部分講 第一部分 我之前用嘅另一韓系 75吋 qled 大約4年前買入，已經係4k 但同今代 oled 比較，可以話爭 50% 都唔止，首先講佢嘅遙控 真係好好用，我喺youtube 用話音搜尋 非常快 而且準確 有個按鍵可以 直接進入 直播電視，還有幾個 直入按鍵 有 Netflix Apple TV 實用性強 屋企人用起上嚟都話 非常好用 。

Ken134547

第二部分 LG G5 有多種模式 我用（標準）模式 睇直播電視 和 YouTube ，用（清晰）模式睇 netflix ，用  (影院)  模式睇AV 可以各有各嘅設定 而且 我使用唔同嘅 （ 訊源） 佢會 自動進入唔同嘅模式，唔需要我每次都要搜尋返不同嘅模式 ，當然你都可以套用一個模式睇曬所有訊源啦， 另外喺聲音方面 LG G5真係做得唔錯，我是掛牆的，只不過係電視嘅揚聲器但係可以做到 對白及背景聲好清晰 當然低頻欠奉啦，但以一部咁薄嘅電視 佢可以做到呢個效果 對我嚟講又完全收貨咼。

Ken134547

第三部分 當然係講畫汁啦，oled 嘅黑位 黑就緊㗎啦 直播電視我就唔講喇，講返 netflix 睇美劇 立體感強 對比度高，用（清晰）模式睇，真係好清晰囉 可以睇到黑人啲皮膚 質感好粗，白人啲皮膚好多雀斑， 睇av 用（影院）模式 睇潛艇獵殺令，潛艇入面 船員著嗰套 深藍色制服 同週邊嘅暗黑環境及潛艇儀器  都可以清晰演繹， 另外睇 F1可以見到 F1 車身嘅碳纖維，黑位一層一層 光暗 立體感 LG G5 播呢啲 簡直就係強項，色彩方面暫時 因未有 專業調教 所以有點兒偏紅，因為仲有好多地方 我都未摸索到 暫時我只能講到呢度😅