【Post76 x LG G5返歸玩 第二季 🎉 正式開鑼！🔔】

小瑟

📺 LG OLED evo AI G5 4K 智能電視「返歸玩」計劃正式啟動！🎉 今次我哋請來兩位資深AV版友——Ken134547師兄同Versa師兄，一齊試玩！👏 憑佢哋嘅專業眼光，新一代G5升級OLED面板同雙杜比系統，會點樣為家庭影院體驗加分？🔥😍
😎🫵🏻 想知詳情？即刻去Forum睇兩位師兄嘅試玩報告，同埋YouTube精華影片！📹

ben36

好失望，第一時間報名反而冇得玩，可能我屋企細器材又雞啦🥲

sanlamsan

ben36 發表於 2025-10-1 12:06
好失望，第一時間報名反而冇得玩，可能我屋企細器材又雞啦🥲

都唔關器材事，你多啲參與76嘅活動，自然有機會下次輪到你！

erinerin

第一站 Versa 師兄本身 LG 65吋 LG 電視原地升級，用咗十年嘅電視一躍最新嘅旗艦 G5 77吋!!!  至於第二站 KEN134547 師兄，今次 LG G5 返歸玩令小編人生第一次聽到「7X吋電視海關話太細，冇83吋唔好入屋」嘅發言，真係大開眼界，希望呢個留言可以俾更多海關見到，越玩越大 哈哈哈哈哈哈哈哈哈～

呢幾個星期兩位好好享受你嘅新電視啦!!!! 😆😆😆 大家對於新電視有咩疑問 有咩想試，或者兩位版友有咩新鮮大發現，歡迎喺呢個 Post 下面留言啦!!!!

Versa

多謝LG 及 post76安排今次活動，令小弟有機會把最新型號 G5 OLED帶回家實試，跟我用開的舊型號E6P比較，雖然同樣是OLED枝術，但10年技術幾番新，進步非常明顯。

嚟緊既日子要諗吓點樣玩盡佢先

Versa

ben36 發表於 2025-10-1 12:06
好失望，第一時間報名反而冇得玩，可能我屋企細器材又雞啦🥲

唔好灰心，小弟都曾經報名參加其他活動而被小瑟點名唔受我玩的 （小瑟我又俾說話你聽啦）
試玩活動應該仲會有的，總會有機會

Ken134547

  好多謝 post 76 同 LG 搞呢個 返歸玩 活動 ，令到我可以唔需要先比一筆巨款 就可以玩到 LG G5 83吋 OLED ，其他唔講太多 就講返部機掛牆之後 ，部機真的好大 好靚 好襯我幅牆😆 ，屋企海關見到 都講一聲 呢部就啱啱好喇😆我今次都係第一次親身玩LG 嘅 OLED 開機之後， 經初步 不專業嘅調教 都已經不得了 黑位 色彩 對比度 真係好掂， 初步我都係 簡單咁 試咗兩套4k片 ，第一套GT 片中 黑金色林寶堅尼 金色嗰部分， LG G5 表現出浮誇嗰種 鏡面金色 實在驚喜，第二套 Top gun 2 當中戰機 互片嗰段 好明顯見到機尾啲 熱空氣 ，要講清楚 我所指的不是氣流 ，其他所有細節 都好明顯咁表現出嚟 ，暫時只係初步感覺 畀啲時間小弟 玩多一兩個星期 到時可以再講多一點😅

Versa

有幸被選中參加LG G5 OLED返歸玩，可以在家任玩頂級OLED，超正！玩咗十幾日，好似中毒咁，每日都要抽時間開機睇吓先安心，部機差唔多時候要還，係時候出個小小報告。



本身用開同牌子舊型號OLED 65E6P，雖然是10年前技術，但畫質一直滿意，唯最近開始有升級念頭，原因並非質素，主要是畫面尺吋。本人觀賞距離大約10尺，睇慣65寸就想再換大啲。其實上年已經留意C4/G4，但遲遲未出手，今次有機會試玩G5，當然立即報名。



試玩了一段時間，以下係小弟對呢部G5 OLED評價：

外觀
先講硬件外觀，因G5本身賣點係貼牆設計，機身統一厚度，金屬邊框非常靚仔，機背有預留線坑給走線用，令佈線更加整齊。



小弟係座枱用戶，安裝時LG特意提供專用座枱架。呢個架給我有小驚喜。首先咁大部電視有一定重量，如要搬開整理後面線材有點困難，但呢個LG機架原來有個貼心設計，機架底部有轉盤，只需一隻手指力度，即輕易把整部77吋，甚至83吋電視旋轉，大大方便整理電視後面線材。





機架後面也有活門可以打開，用來藏線走線。



遙控
今代G5遙控有更新，更小巧，外觀上我認為比上一代好看。按扭簡化，以我只用1-2天熟習之後，操作已經得心應手，對比按扭排列密麻麻的遙控，操作要用眼找尋按扭位置，此遙控按扭排列非常直觀，基本握在手裡，單憑移動手指觸覺已經可以操作所有功能。



唯一有待改善之處係校volume，因飛走咗靜音（mute）制，現在如果要靜音，是長按vol down，但實際使用，例如我想由vol 40調細聲至15，當我按住vol down一陣，聲音降至30左右，就觸發啓動靜音，我要按一下vol up把靜音解除，再按回vol down 繼續收細聲，降至大約20又觸發靜音，我認為此設計有點不方便。

Versa

功能
LG一直沿用自家webOS。跟小弟用開的舊款同廠電視比較，10年間webOS進步不少。除基本電視設定，可自訂設定menu shortcut，安裝app直接觀看串流平台，4個HDMI全部支援DV / Deep Color，插入USB硬碟即可錄影。


打機支援最高165Hz，Nivida G-Sync，AMD FreeSync，VRR自動格數調整，ALLM低延時輸出，內建專為遊戲而設的優化工具選單，調校更方便。


內建AI chatbot可經由對話，知道你的操作疑難，更可以自動幫你做相應調整解決問題，。


今代webOS亦加入大量AI功能，除了可以語音控制/搜尋內容，又會根據你環境光暗，AI分析收看中的節目類型，智能地調節最適合的畫面設定。又根據你聆聽環境/背景雜音，以AI 分析調聲做出最佳聆聽效果。


如果你有其他LG的IoT device，除了可用LG ThinQ在手機統一操作之外，只需電視登入LG帳戶，電視內建ThinQ還會顯示你其他LG電器，也支援Google Home，實現以電視作為智能家居的控制中心。




近年很多人需要WFH，電視亦內建一些辦公軟件，收發電郵，閱讀文件，以至內建Remote Desktop (RDP) client，連接遠端電腦在電視操作都得，極為方便。

Versa

聲音
以電視喇叭來講，主要睇電視節目或輕量音樂，我覺得合格有餘，件頭對得起個畫面，唔覺得奀，當然如果要厚聲要低頻，最簡單還是配番原廠soundbar不論外觀或操作整合性，都會最夾。                                                               


畫面
講番正題，換電視最直接當然想畫質提升，今代G5 OLED面板由上代3層顏色+MLA技術，改為今代4層顏色，實際使用光度非常足夠，色彩亦非常飽滿。小弟曾經疑問睇電影無需要咁光？但實際試用感受，面板nit數高，不一定等於整體畫面光咗，反而以我的setting用G5 OLED睇戲，基本亮度跟以前分別不大，依然睇得舒服，但當需要高光的場面，例如日光/火光，分別就明顯，亮度唔會因面板亮度限制而壓下，而是忠於訊源盡情發亮，畫面亮度Dynamic Range大咗，層次更加豐富真實。情况等同揚聲器可以上到40KHz，唔代表整體聲音會標高，但當需要高頻時，高音唔會壓縮，依然可以忠實還原一樣道理。

畫面設定，除咗幾個預設模式，今代G5仲十分強調filmmaker mode 在Dolby Vision下的支援，針對電影調整標準的光暗/對比/色溫等等設定，效果以我要求來講係好好，有種專業顯示器＋專業調色後的效果，加上ambient light sensor跟據環境光自動調節亮度，同一個mode無論開燈/熄燈睇都可以。