家庭影院 又做咗少少嘅提升🤣 繼續分享入門嘢

KeithChan1@FB

RoyIp@FB 發表於 2025-6-23 17:29
加個防滑墊羅。

之前就係試過咁樣擺 覺得有啲危險🤣

RoyIp@FB

KeithChan1@FB 發表於 2025-6-23 18:09
之前就係試過咁樣擺 覺得有啲危險🤣

咁又真係幾危險啵。
可能唔用原裝腳墊就解決到

KeithChan1@FB

RoyIp@FB 發表於 2025-6-23 21:13
咁又真係幾危險啵。
可能唔用原裝腳墊就解決到

都未必。因為始終長度唔啱，突左出黎，有危險性😅

matt88p

正呀❤️

MDLP

師兄，其實你可以考慮將左右聲道的 Mission 喇叭擺放在 Chario 上方，再將反射喇叭疊加在頂部。你而家 AV 左右喇叭的擺法，即使 Audyssey 點樣 calibrate 出靚 curve，都完全發揮唔到效果，整體無法營造立體聲場。

加上你嘅皇帝位同前方喇叭有一段距離，基本上同用 sound bar 分別唔大。你又話想聲音一致，已經換晒所有喇叭做 Mission，那點解中置唔一樣用返 Mission 呢？

坊間有講法話人聲喺一齣戲裡面佔七成（雖然我對此有保留），但即使只佔五成，你而家系統分佈就係：中置聲道 50% 用 Sonus Faber，左右聲道 30% 用 Mission，加上 20% 低音——整體聲音根本唔統一。

KeithChan1@FB

matt88p 發表於 2025-7-1 17:29
正呀❤️

謝謝你matt88p

KeithChan1@FB

MDLP 發表於 2025-7-1 21:24
師兄，其實你可以考慮將左右聲道的 Mission 喇叭擺放在 Chario 上方，再將反射喇叭疊加在頂部。你而家 AV  ...

首先謝謝MDLP的建議和意見。其實我都有考慮過你既意見，亦都相信依種擺法係最正常的擺法， 但無可奈何始終要顧及家庭環境 及需要， 不得不最终要調整玩法，務求可以又要安全 又要玩到嘅 設定。

1) 點解反射喇叭咁擺？原因是chario本身的高度大概有1.1m，而屋企本身的樓底大概是2.7fm一，如果直接將反射喇叭放係上面，仍然會有大概1.6m距離空間去射上天花，然後反射番落黎。 相反如果將對前置喇叭擺喺chario喇叭上面然後再加對反射喇叭放喺上面的話， 那麼射上去嘅距離就會縮短 從而令到個反射角度 好短， 射唔中皇帝位。

2) 上網亦都睇咗 唔同人嘅意見， 亦都有睇過威廉sir玩反射喇叭嘅設定 及擺法。 佢都有講過如果前置喇叭上面放唔到反射喇叭嘅話可以喺前置喇叭隔離放對腳架 跟住將對反射喇叭放喺上面 都係一種可以做嘅方法。

3) 亦都曾經考慮過 以現時前置喇叭嘅擺法可能換過郑 座枱腳架， 將個高度升高 同chario喇叭 平排一致。 咁樣嘅話就可以 令到同隔離嗰對反射喇叭 比較連貫啲。 但亦都考慮過 如果家中嘅小朋友跑來跑去的話， 就會好容易推跌對喇叭因為當你放高咗嘅話重心亦都會高咗相對上就會更加容易推冧。， 所以最終冇考慮到。

3) 點解中置冇用到mission？ 最主要嘅原因就係因為中置我比較鍾意佢嘅人聲夠口實， 知道最好就係所有喇叭都用曬同一款咁樣出嚟嘅聲音會 連貫及一致。 但都有睇過mission本身佢哋嘅中置喇叭比較細隻， 我怕我坐嘅距離比較遠， 人聲去到我耳邊會比較薄身啲， 所以決定仍然保留住我而家用緊嘅中置。 因為我而家本身用緊嘅中字 有兩個差唔多七吋嘅中低音單元再加一寸高音。

我嘅擺法同埋玩法可能未必好正宗，但起碼都玩到。 點玩都應該好過soundbar 掛。 非常感激你嘅建議🙏😀

Ep-71

嘩~!!!!!!!!!!!!!!!!!


第一次見.............24K ..999.99 周大叔喇叭座

KeithChan1@FB

Ep-71 發表於 2025-7-2 11:23
嘩~!!!!!!!!!!!!!!!!!

🤣🤣🤣 就咁搵位擺啫， 個喇叭座唔係周大x24k

MDLP

KeithChan1@FB 發表於 2025-7-2 08:18
首先謝謝MDLP的建議和意見。其實我都有考慮過你既意見，亦都相信依種擺法係最正常的擺法， 但無可奈何始 ...

我會建議樓主不如考慮還原返 Chario 做前置左右聲道，始終擺位距離同聆聽位比較接近等邊三角形比例，聲像空間感會準確啲！
反正你中置都已經用咗 SF，唔再係全套 Mission，對LX2似係為買而買，聲音一致性其實已經打破，咁就用返Chario。
另外你而家用緊放 Mission 嘅腳架我都試過，用嚟托細木箱喇叭時都覺得 C 字結構唔夠穩，好似喺跳板上面唱歌咁樣，反而啲輕身塑料殼喇叭會適合啲。
至於反射喇叭點放冇乜所謂，其實都係搞下氣氛，難以同真天空喇叭比較，不過左右喇叭就真係要認真啲！