家庭影院 又做咗少少嘅提升🤣 繼續分享入門嘢

KeithChan1@FB

首先多謝 P&O Hi-Fi 的熱情招呼， 又再一次喺佢哋入手咗對喇叭，今次的主角係Mission Lx2 mk2。
點解要入呢一對入門書架喇叭🤣， 其實上年喺佢哋嗰度已經入手咗對LX1 mk2， 加上本身亦都有一對mission lx3d 反射喇叭。 之前諗咗幾日 ，為咗要盡量統一音色， 決定用呢一個喇叭配置去做我嘅家庭影院 5.2.2。
中置喇叭就仍然用返本身Sonus faber， 最主要原因陣因為本身mission嘅中置喇叭單元比較細 ，而 我本身用開呢隻sonus faber鍾意佢哋隻中置 出嚟嘅聲音，人聲好實淨， 所以決定繼續用。
而超低音， 仍然都係用返隻jamo c912 同 c910， 一隻12吋另外一隻10吋。 大家一定會覺得比較入門，力量未必足夠。 但由於我而家嘅設置全部都係mission LX 入門書架， 所以如果換隻比較勁嘅超低音， 個人覺得好似又唔係咁需要， 變相同整體其他喇叭 有啲唔係咁平衡。🤣🤣

此外， 咁我本身用開嘅chario座地喇叭，用返喺兩聲道 聽歌就算喇， 加上chario 喇叭都比較音樂性重， 所以個人覺得咁樣嘅配置會比較合適啲。

希望大家唔會覺得我全部用哂入門喇叭， 好似好浪費個空間🤣🤣 知道好多人都係用中階或者高級嘅喇叭去做家庭影院， 所以要體諒小弟🙏🙏

P.S. AV擴音機用緊marantz sr6015， 個人覺得全部書架喇叭，部擴音機會冇咁吃力， 容易發揮得更加好

RoyIp@FB

其實都無話咩入唔入門，最緊要師兄玩得開心，量力而為。
好多師兄都係用好普通系統配合自家設定都可以玩得好好。
相反有D有一流系統都未必可以玩到好效果。

rach

用Mission Lx2 mk2睇戲聲音應該爽快d, 如果低音唔夠可以試下用Amp Crossover cut高d, 始終書架仔同座地低頻有落差

另外反射喇叭放LX MK ll上面音場應會比現時連貫一些😎

KeithChan1@FB

rach 發表於 2025-6-22 06:47
用Mission Lx2 mk2睇戲聲音應該爽快d, 如果低音唔夠可以試下用Amp Crossover cut高d, 始終書架仔同座地低頻 ...

其實本身嘅idea都係咁樣諗住擺喺上面。但係 點解最終都係擺番喺chario上面，係因為屋企有小朋友。 如果擺喺mission 書架上面， 擔心小朋友會推跌。 相反放喺chario用上面小朋友推唔郁，因為唔夠高。 喺屋企玩影音始終都要顧慮好多嘢唔似係喺工廈或者studio度玩🤣

rach

KeithChan1@FB 發表於 2025-6-22 09:17
其實本身嘅idea都係咁樣諗住擺喺上面。但係 點解最終都係擺番喺chario上面，係因為屋企有小朋友。 如果擺 ...

你樓底夠高LX2MK2加反射放Chario上面都得
反射距離縮短, 效果可能更顯著😄

KeithChan1@FB

rach 發表於 2025-6-22 09:31
你樓底夠高LX2MK2加反射放Chario上面都得
反射距離縮短, 效果可能更顯著😄

Yes . 我對chario座地喇叭有概有一米高。 所以將反射喇叭放喺chario上面， 高度上相對上啱啱好。

KeithChan1@FB

RoyIp@FB 發表於 2025-6-22 00:20
其實都無話咩入唔入門，最緊要師兄玩得開心，量力而為。
好多師兄都係用好普通系統配合自家設定都可以玩得 ...

冇錯師兄 平有平玩，貴有貴玩。 家庭影院最大嘅宗旨就係最緊要有得玩。

RoyIp@FB

KeithChan1@FB 發表於 2025-6-22 20:08
冇錯師兄 平有平玩，貴有貴玩。 家庭影院最大嘅宗旨就係最緊要有得玩。

下次昇級可以加多對反射係後面:)

KeithChan1@FB

RoyIp@FB 發表於 2025-6-23 16:38
下次昇級可以加多對反射係後面:)

都想㗎 但係又要拖多條線喺地下， 同埋都研究過lx1上面擠唔到反射喇叭， 因為反射喇叭嘅深度長過lx1嘅深度。 如果堅持咁樣擺上去嘅話 條線kick一kick就會成個喇叭跌落地下

RoyIp@FB

KeithChan1@FB 發表於 2025-6-23 17:22
都想㗎 但係又要拖多條線喺地下， 同埋都研究過lx1上面擠唔到反射喇叭， 因為反射喇叭嘅深度長過lx1嘅深 ...

加個防滑墊羅。