未坐過廉航，嚟緊去台灣一轉可能會搵香港快運。

小瑟

想問下坐廉航有咩需要留意？知道係冇嘢食㗎喇想問下如果自己帶嘢食帶嘢飲上去可唔可以嘅呢？

rl0497

我只係坐過一次，不過我因為有買餐嗰類所以就唔覺有乜問題，朋友同我講過，如果你帶任何飲料，包括水上機，而飲嘅期間被空中服務員發覺，係會俾佢地阻止嘅，食方面都係一樣嘅，佢啲條款都有寫明嘅，我朋友親身經驗嚟，我建議就無謂攞架嚟丟喇，一係乖乖買佢地啲水或飲料，一係就忍一忍，反正坐去台灣真係恰一恰眼瞓就到。廉航之所以為廉航就係乜都拆散晒逐樣計，等你有個彈性，坐得佢就要尊重佢地嘅規矩喇。

f31

如果有選擇真心建議唔好坐 HK Express，我坐過一次發誓永遠唔會再坐佢...

食嘢都算，反正短途機，上機前食個 McD、落機後出去食好嘢；唔比飲自帶水真係好唔合理，但我見好多人好似好肚餓咁，係都要喺機上叫杯麵食...

另一樣嘢係佢改咗行李限制，捉得好嚴，手提行李埋到閘口有機會唔比上機，呢樣要注意...

派位又係另一問題，我見網上好多人投訴，無加錢預先 mark 位，結果比佢突登派到分開晒坐...

其實佢加加埋埋又唔係真係平好多，我令願比多少少坐返一般航空公司無咁嬲...

Blackbrid

廉航呢啲玩法留返俾啲後生仔,我年紀大都係坐返正常飛機(我從未坐過廉航)

erinerin

雖然我窮到食穀種，但 hkexpress 真係不了

erinerin

大王又去邊道玩!!!

小瑟

rl0497 發表於 2024-7-8 08:27
我只係坐過一次，不過我因為有買餐嗰類所以就唔覺有乜問題，朋友同我講過，如果你帶任何飲料，包括水上機， ...

原來係唔可以食同飲既, 真係唔知呢, 一直都係CX人呀~

小瑟

f31 發表於 2024-7-8 10:01
如果有選擇真心建議唔好坐 HK Express，我坐過一次發誓永遠唔會再坐佢...

食嘢都算，反正短途機，上機前食 ...

咁恐怖架, 我都未試過呢D新公司, 真係咩都唔知, 多謝師兄提醒!!

因為去台灣果程係自己一個人, 冇屋企人, 所以諗住平平地過左去就算咁解呢~

小瑟

Blackbrid 發表於 2024-7-8 10:15
廉航呢啲玩法留返俾啲後生仔,我年紀大都係坐返正常飛機(我從未坐過廉航)

我依家想去果程就平既, 回來就同返屋企人坐CX返呀!!! 都平到560蚊呀~

小瑟

erinerin 發表於 2024-7-8 13:31
大王又去邊道玩!!!

小編同事, 我去台灣呀!!!
我出去期間, 新聞中心交比你勒~